Bhusetuli 19:8 - ULwitikano uLupya

⁸ Umwene apeeliighwe umwenda ughwa bhokamba abhiisa ghuughwo ghukungʼangʼa ngaani.” Umwenda umwisa ughwo, kwo kuti mbombo inyiisa isha bhiitiki.

Bhusetuli 19:8 Σταυροειδείς Αναφορές

Mataayi 17:2

Po bhwo bhali pala, uYeesu akasanuka icheeni pandaashi papaabho. Icheeni chaake chikangʼangʼagha ungati lisubha ni myenda yaake yikabha myelu leka isa ubhwelu ubhwa lisubha.

Mataayi 22:12

Akamubhuusha akati, ‘Ghwe mumanyani ughwe, kali, ghwingiile bhuleele muno bhwo utafwalite imyenda iya pa bhweghi?’ Loole umundu yula shikamwima amiishi.

Maalika 9:3

Imyenda yaake yikangʼangʼagha ngaani, yikabha myelu leka ukukinda muumwo umundu umusuki pa chiisu ichi abhaghiile ukuyeelufya.

Luuka 24:4

Bhwo abhakolo bhala bhali pakuswigha shiisho bhakashaagha, nakalinga bhakabhabhona abhandu bhabhili abhaliisha bhiimite papiipi nabho. Abhandu abho bhakafwala imyenda imyelu yiiyo yikangʼangʼagha leka.

Mbombo isha Bhatumighwa 1:10

Bhwo bhakaali bhakutesha kumwanya bhwo uYeesu akubhuuka, nakalinga abhaliisha bhabhili bhaabho bhakafwala imyenda imyelu bhakiima papiipi nabho.

Bhalooma 13:14

Loole ulu tumwitikishange uMalafyale uYeesu Kilisiti ukuti atulongoshange mu bhwumi bhwitu. Manye tulongoshighwange soona ni finyonywa ifya bhundu ubhwa mbiibhi.

Bhalooma 3:22

UChaala akubhabhelengela abhandu bhooshi ukubha bhanalooli ku sila iya kumwitika uYeesu Kilisiti. Akubhomba ulwo ku bhandu bhooshi chishita kusala.

Bhusetuli 15:4

Ghwe Malafyale, kali, ghwini yuuyo atakukwipuuta nu kuyipaala ingamu yaako? Ughwe ghwimwene ghweghwe ghwe Mwelu. Abhandu abha fyisu fyoshi indibhakiise pandaashi papaako pakukwipuuta, paapo imbombo yaako iya bhugholofu yikubhoneka pabhwelu.”

Bhusetuli 15:6

Abhandumi bhahaano na bhabhili abho bhaabho bhakabha na maka agha kutiisha imbyuto ihaano na shibhili, bhakafuma mu Nyumba iya Chaala mula. Bhakabha bhafwalite imyenda iya bhokamba abheelu abha kungʼangʼa, bhiipinyite pa fifubha fyabho ingobha ingulu shiisho shitendekeshiighwe ni sahabhu.

Bhusetuli 19:14

Abhashikali abha kumwanya bhakamukongagha umwene kunyuma. Bhakabha bhakwelite ifalaasi inyeelu nu kufwala abhokamba abhiisa, abheelu ngaani.

Bhusetuli 3:18

Po ingukubhuula ukuti ughule kukwangu isahabhu yiiyo yisukiighwe ukubhombela umulilo ukuti ubhe mukabhi. Soona ughule imyenda imyelu ukuti ufwale, manye ubhe chitali. Soona ughule umukota ughwa kutwina mu maaso ukuti uteshange.