Bhahibhuli 12:4 - ULwitikano uLupya

⁴ Pamupeene nu kuti mukwikaakila ukushipoota imbiibhi, poope mukaali mutalwile ubhwite ukufika ukukupula ibhanda lyinyu.

Bhahibhuli 12:4 Σταυροειδείς Αναφορές

Mataayi 24:9

Mu kabhalilo ako, abhandu abha fyisu fyoshi indibhakabhabhenge, indibhakabhakolaghe, indibhakabhafulashange nu kubhaghogha ku nongwa iya ngamu yangu.

1 Bhakolinti 10:13

Ingelo shiisho shaabhaagha shili ungati shila shiisho shikubhaagha abhandu bhooshi. Loole uChaala musubhaalilighwa, umwene ataaabhaleke ukuti ingelo shibhaaghe shiisho mutabhaghiile ukushipoota. Bhwo mukughelighwa, uChaala indiabhapange isila iya kufumila ukuti mubhe na maka agha kukibha.

Bhafilipi 2:8

Akiiyiisha ngaani nu kumupulika uChaala ukufika pa bhufwe bhwake, nu kufwa pa chikobhekano.

Bhahibhuli 12:2

Tumuteshange uYeesu paapo ghwe yuuyo akatwighulila isila iya kuti tumwitikaghe uChaala, soona ghwe yuuyo akutukasha ukuti twendelelaghe ukumwitika uChaala ukufika pabhumalilo. Soona akakibha ubhufwe pa chikobhekano chishita kufwa isoni ku nongwa iya lusekelo luulwo lukabha mundaashi mumwake. Ulu iikiile kulubhafu ulwa kumwisa ulwa chitengu icha bhunyafyale ubhwa Chaala, pabhuyo ubhwa lughindiko ngaani.

Bhahibhuli 13:13

Po nuutwe tumukonge kuuse ku mulyango ughwo nu kukibha ukukoshighwa isoni isa muumwo ghwepe akakibha.

Bhusetuli 12:11

Abhiitiki abhanyiitu bhakamupoota ku ibhanda ilya Konangʼooshi, na ku bhukeeti bhuubhwo bhakayughagha pabhwelu. Paapo bhatakabhusaaghilagha ubhwumi bhwabho, bhakabha bhiitendekeshiishe ukufwa ku nongwa iya kumwitika uYeesu.

Bhusetuli 17:6

Ingamubhona umukolo uyo ukuti aghaalite ibhanda ilya bhiitiki abha Chaala bhaabho bhakaghoghighwa ku nongwa iya kuyugha pabhwelu inongwa isha Yeesu. Bhwo naamubhona, ingaswigha leka.

Bhusetuli 18:24

Mu kaaya ako mukabhoneka ibhanda ilya bhasololi, ibhanda ilya bhiitiki pamupeene ni ibhanda ilya bhandu bhooshi bhaabho bhakaghoghighwa pa chiisu.”

Bhusetuli 2:13

Imbameenye pabhuyo paapo kwikala ukuti po pabhuyo paapo uSeetano akulongosha. Loole pamupeene nu kuti kwikala apo, poope kwendelela ukuyiitika ingamu yangu. Soona akabhalilo kala kaako umukeeti ghwangu umusubhaalilighwa uAntipaasi akaghoghighwanga mu kaaya kaako, kaako uSeetano akwikala, utakaangaana.