Yakubu 5:3 - Nyaa Shɔɔ Ɓɔɔ Laa a Ɓɛɛ

³ a zinariya nɛɛ azurufa manɛ sisaa ti shaa kina. Sisaa keɓe kɔ naa nwang vuu ɓɔɔ kɔɔ ruu ka yuu manɛ ɓɛɛ. Ti naa shaa yɔpɔ bii manɛ naa waa. Nɔɔ kpálɛ̀ saka manɛ kaa làa ɓɔɔ koo waa nyaa tɔ ɓɛɛ.

Yakubu 5:3 Σταυροειδείς Αναφορές

Zang Shonang Yeesɔ 2:17

“ ‘Laa kɔɔyi tɔɔ, “Ka rɛɛ diki ɓɔɔ koo waa nyaa ɓɛɛ, N naa a shɔnzang piti Suru mɛɛ. Wujɛ manɛ zang soro nɛɛ zang varɛ, ri naa kɔɔrɔ ruu naa ɓɔɔ zang nyaa shonang Laa kɔɔ ɓɛɛ. Wujɛ jasang manɛ, ri naa zili vuu ɓɔɔ Laa tusu zang ɓɛɛ. Rɛɛ dabang manɛ, ri naa rɔ̃kɔ rɔ̃kɔnang.

Rooma 2:5

Wee nɔɔ kpãa nyaa nɔngkɔ, a nɔɔ ti kɔ̃sɔ yeti manɛ kpang, nɔɔ kpàlɛ́ yuu manɛ ɓi gnvɔ Laa. Nɔɔ shingnɛ, jĩng ɓɔɔ Laa naa dang nɔɔ, wu bangnɛ ka diki ɓɔɔ gnvɔ ɓiɓɛ, nɛɛ ruu tɔ̃ɔ ɓɔɔ wu jɛ̃ɛ zang ɓɛɛ, naa nwangsɛ bii kagn ɓɛɛ.

2 Timoti 2:17

Zɔ̃ng yee keɓe nwang ɓi naa nɔɔrɔ ɓɔɔ shaa ɓi katɔ kɔ jong ɓɛɛ. Zang ziti ka teteng zang ɓɔɔ ri túsù zɔ̃ng yee keɓe, ɓi rɛɛ Himinaya nɛɛ Filetu.

2 Bituru 3:3

Vuu ɓɔɔ n kasɛ nɛɛ nɔɔ zi shɔɔnang keɓe. N kasɛ nɛɛ nɔɔ zirɛ nɛɛ ka diki ɓɔɔ koo keɓe waa nyaa kaa tɔ, zang ɓɔɔgn ri nwangkɛ nyaa, ri palɛ vuu ɓɔɔ yeti ɓarɛ kasɛ ɓɛɛ. Zang keɓe, ri naa kpaa nɔɔ katɔ.

Vuu ɓɔɔ zang nwangsɛ Yɔhana 17:16

Rɛɛ jee kopi ɓɔɔ mɔɔ zi kaɓa, nɛɛ yɔpɔ jĩngti, ri naa kàsɛ̀ jaa soro ɓɔɔ rakɛ wàázaa ɓɛɛ takpang. Ri naa talɛ vuu ɓiɓɛ nandon ri yáa wu bii bɔ̃bɔ̃rɔ. Ri naa shaa yɔpɔ bii ɓiɓɛ, ri ti dɔɔ wu nɛɛ waa.

Vuu ɓɔɔ zang nwangsɛ Yɔhana 20:15

A zang piti ɓɔɔ zang nɛɛ ĩi nung ɓiɓɛ, zang bee ka yeti labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ, kagn kpang, zang tasɛ wu ka too waa kaɓa kɔ.

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”