Yakubu 5:16 - Nyaa Shɔɔ Ɓɔɔ Laa a Ɓɛɛ

¹⁶ Ka ruu nɔngkɔ, nɔɔ kɔɔ zɔɔ vuu shi kpang manɛ katɔ, nɔ́ɔ gaa zɔɔ Laa, tɔɔ nɔ́ɔ valɛ. Laa gaanang zang ɓɔɔ ɓi zang tɔ̃ɔ ka tĩng Laa palɛ vuu bang bang dɔɔli.

Yakubu 5:16 Σταυροειδείς Αναφορές

Matiyu 21:22

Naa nɔɔ shing danggn ka bii Kpanti Laa tɔ̃ɔ, vuu ɓɔɔ nɔɔ gàa wu piti, nɔɔ walɛ katɔ.”

Matiyu 3:6

Ri kɔɔrɔ Laa vuu shi kpang ɓarɛ, a Yɔhana palɛ ri batizima ka mii rang Urudung.

Maraku 1:5

A zang dɔɔli nɛɛ tipi Yahudi nɛɛ zang ɓɔɔ ka Urushalima, ri daa ka bii ɓiɓɛ. Ri kɔɔrɔ Laa vuu shi kpang ɓarɛ, a Yɔhana palɛ ri batizima ka mii rang Urudung.

Luka 9:6

A ri seepaa, ri daarɛ ka rɛɛ gari tɔkɔlɔng, tɔkɔlɔng nandon. Ri rangkɛ zang yee Laa, a ri ti masɛ zang kɔnang ka nɔng ɓɔɔ ri daarɛ ɓɛɛ nandon.

Yɔhana 9:31

Ruu zi ɓuru tɔ, nɛɛ Laa ɓaa shoo ɓi jong ka vuu ɓɔɔ zang ɓɔɔ ri palɛ vuu shi kpang ri kɔɔ ɓɛɛ kpang, ɓáa shoo ɓi ka vuu ɓɔɔ zang ɓɔɔ ri bang wu, ri ti palɛ vuu ɓɔɔ wu kasɛ, ri kɔɔ ɓɛɛ.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 19:18

Zang dɔɔli ka teteng zang ɓɔɔ ri shing danggn tɔ, ri álɛ́, ri kɔɔrɔ vuu shi kpang ɓɔɔ bɛ̀ɛ́ ri palɛ ɓɛɛ ka shoo zang piti.

Zang Shonang Yeesɔ 8:24

Siman kɔɔ Bituru nɛɛ Yɔhana tɔɔ, “Nɔɔ gaa m Laa jong, tɔ̀ɔ, vuu ɓɔɔ nɔɔ kɔɔyi wu palɛ m kaa tɔ̀ɔ́ gbete kpang.”

Rooma 3:10

Naa ɓɔɔ labeenang Laa kɔɔyi ɓɛɛ nɛɛ, “Zang ɓɔɔ palɛ tɔ̃ɔ kagn gbete ka jĩng Laa kpang.

Rooma 5:19

Naa ɓɔɔ zang gbete ta nyaa dannang Laa, a shingnɛ zang dɔɔli ri raa zang ɓɔɔ ri palɛ vuu shi kpang tɔ ɓɛɛ. Doo nɔngkɔ, zang gbete dũng nyaa Laa, a naa shingnɛ zang dɔɔli ri nwàng zang tɔ̃ɔ ka tĩng Laa.

Kolosi 1:9

Ka ruu nɔngkɔ, rùu gaa Laa diki diki ka ruu manɛ, ruu gaayu doo nɛɛ diki ɓɔɔ ruu tãa ruu manɛ ɓɛɛ. Ruu gaa Laa wu shing nɔɔ, nɔɔ zi vuu ɓɔɔ wu kasɛ nɛɛ zang palɛ ɓɛɛ. Suru Laa wu a nɔɔ zũnang nɛɛ vuu zinang ɓɔɔ nɔɔ palɛ vuu keɓe nɛɛ mani ɓɛɛ.

1 Tesalonika 5:17

Nɔɔ gaa Laa, nɔ́ɔ suu diki kpang.

1 Tesalonika 5:23

Laa ɓɔɔ shing zang, zang ri nwang ka nyaa zɔɔ, wu palɛ nɔɔ, nɔɔ nwang zang tɔ̃ɔ dɔ̃ɔ gbete. Wu shingnɛ zang ɓɔɔ wu tɔɔ kpang nɛɛ nɔɔ palɛ vuu shi kpang tɔ kpang, ka diki ɓɔɔ Kpanti Yeesɔ Kirisi a kagn ɓɛɛ.

1 Tesalonika 5:25

Rɛɛ manzung, nɔɔ gàarɛ́ rùu Laa jong.

Yahudi 11:4

Danggn shinnang Habila shing wu, a á Laa vuu nɛɛ zang dɔɔyi, vuu ɓɔɔ Laa tãa tĩnang ɓa ɓɔɔ Kayinu katɔ ɓɛɛ. Danggn shinnang shingnɛ, Laa kɔɔyi nɛɛ, wu zang tɔ̃ɔ ka tĩng ɓiɓɛ, ka ɓɔɔ Laa kɔɔ ruu tɔ̃ɔ ka yuu vuu ɓɔɔ wu a ɓɛɛ. A danggn shinnang ɓiɓɛ kɔ shingnɛ, vɔ tɔ doo tɛ̃ɛ tɛ̃ɛ, zĩi ɓiɓɛ kaa doo naa, nɛɛ Laa wu waa wu pãng ta.

Yahudi 11:7

Danggn shinnang Nuhu kɔ shing wu, ɓaa shoo ka nyaa ɓɔɔ Laa shaarɛ wu ka yuu vuu ɓɔɔ naa a ka tĩng ɓɔɔ wu zi gn kpang ɓɛɛ. Ɓaa shoo ka nyaa Laa, a palɛ laana ɓɔɔ wu tá yuu zang ɓɔɔ ri ka gãa ɓiɓɛ ɓɛɛ. Túsú ka danggn ɓɔɔ wu shíng ɓɛɛ nɛɛ, zang koo keɓe ri palɛ ɓarɛ vuu shi kpang, a raa kaa zang ɓɔɔ Laa tɔɔ wu ɓi zang tɔ̃ɔ ɓɛɛ, ka ruu danggn ɓɔɔ wu shing ɓɛɛ.

Yahudi 12:13

Nɔɔ yaa shi kpang palɛnang, nɔɔ dũng gbalang Laa ta, tɔ̀ɔ, zang ɓɔɔ kàa katɔ, ka ruu shi kpang palɛnang wu lakɛ katɔ kɔ jong, wu kpaa sáa doo ɓiɓɛ sasak kpang.

Yahudi 13:18

Nɔɔ gàa Ruu Laa diki diki, ka ruu ɓɔɔ, rùu zi tɔ, rɛ̃rɛnang ɓuru ɓi tɔ̃ɔ ɓɛɛ, a ruu ti kasɛ nɛɛ ruu pálɛ́ vuu ɓɔɔ daa naa katɔ ɓɛɛ diki diki.

1 Bituru 2:24

Yeesɔ ta vuu shi kpang ɓuru ɓɔɔ ruu palɛ ɓɛɛ ka yuu ɓiɓɛ, ka ɓɔɔ zang ɓaa wu naa ka laa ɓɛɛ. Nɛɛ tɔ̀ɔ, ruu yi tĩng tɔ̀ɔ́ nɛɛ vuu shi kpang palɛnang kpang. Ruu nwángnɛ́ ruu pálɛ́ kaa vuu tɔ̃ɔ. Kɔnang ɓuru valɛ tɔ nandon, ka ruu nyaa vuu waa ɓɔɔ zang shĩili wu ka bii ɓɛɛ.

1 Yɔhana 3:22

Laa a ruu vuu piti ɓɔɔ ruu gaa ka naa ɓiɓɛ katɔ, ka ruu ɓɔɔ, ruu ɓaa shoo ka nyaa ɓɔɔ wu dang ɓɛɛ. Ruu ti pálɛ́ vuu ɓɔɔ yeti ɓiɓɛ kasɛ ɓɛɛ.