Yakubu 5:12 - Nyaa Shɔɔ Ɓɔɔ Laa a Ɓɛɛ

¹² Manzung, vuu ɓɔɔ ɓa weɓe nandon keɓe. Nɔɔ nɛɛ tɔɔ nɔɔ palɛ vuu ɓɔɔ, nɔ́ɔ tũng vuu kpang. Nɔ́ɔ tũng vuu nɛɛ nung Laa kpang. Nɔ́ɔ ti tũng vuu nɛɛ nung koo keɓe kpang. Nɔ́ɔ tũng vuu nɛɛ nung vuu ɓɔɔ kpang tingkiring. Nɔɔ nɛɛ kasɛ ruu katɔ, nɔɔ kasɛ nyaa nɛɛ, “Nn” nɔɔ di nyaa ka nɔngkɔ. Nɔɔ nɛɛ ti bɛ̃ɛ ruu katɔ, nɔɔ kasɛ nyaa nɛɛ “Kpang”, nɔɔ di nyaa ka nɔngkɔ. Ka ruu ɓɔɔ, Laa nɛ̀ɛ́ jɛ̃ɛ nɔɔ ruu nɛɛ nɔɔ palɛ vuu shi kpang tɔ ɓɛɛ.

Yakubu 5:12 Σταυροειδείς Αναφορές

1 Koranti 11:34

Zang ɓɔɔ nyɔkɔ nɛɛ nyɔ wu dɔɔli, wu shaa vuu shaanang ka gãa ɓiɓɛ ka gbongkarɛ, tɔ̀ɔ wu arɛ. Tɔ̀ɔ, nɔɔ shingnɛ Laa wu dɔng nɔɔ ruu nɛɛ zɔɔ kpalɛnang manɛ kpang. N nɛɛ naa a tɔ ka nɔng manɛ, n naa kɔɔrɔ nɔɔ ruu ditɔ ka yuu vuu ɓɔɔ kagn ɓɛɛ.

Yakubu 1:16

Rɛɛ manzung ɓɔɔ n kasɛ ruu manɛ dɔɔli ɓɛɛ, zang wu nwãarɛ nɔɔ kpang.

Yakubu 1:19

Rɛɛ manzung ɓɔɔ n kasɛ ruu manɛ dɔɔli ɓɛɛ, danggn wu ning nɔɔ vuu keɓe kpang. Nɔɔ ɓaa shoo waasɛ̃, nɔ́ɔ tãa ruu pati, nɔ́ɔ kɔlɔ nyaa kaa tɔ̀ɔ́ nɔng yee rannang kpang. Nɔ́ɔ ti see gnvɔ pati kpang.

1 Bituru 4:8

Nɔɔ kasɛ ruu zɔɔ katɔ gbãng gbãng nɛɛ yeti manɛ nandon, wukɔ ɓa vuu piti. Ka ruu ɓɔɔ, naa nɔɔ kasɛ ruu zang, nɔɔ yaa ri gbalang vuu shi kpang ɓɔɔ ri pàlɛ̀ nɔɔ dɔɔli ɓɛɛ katɔ.

3 Yɔhana 1:2

Masang ɓɔɔ n kasɛ mɔɔ katɔ dɔɔli ɓɛɛ, n gaa Laa nɛɛ, mɔɔ nwang waasɛ̃. Bii ɓaaɓɛ wu nwang tɔ̃ɔ, ka ruu ɓɔɔ, n zi tɔ, mɔɔ nwang ɓaa tɔ̃ɔ nɛɛ Kpanti Laa ɓɛɛ.