Yakubu 4:6 - Nyaa Shɔɔ Ɓɔɔ Laa a Ɓɛɛ

⁶ Làá kɔ álɛ ruu tɔ̃ɔ ɓiɓɛ dɔɔli nɛɛ ruu dung wu nɛ mani. Ka ruu nɔngkɔ, labeenang Laa kɔɔyi tɔɔ, “Laa kasɛ ruu zang ɓɔɔ tuu yuu ɓiɓɛ ɓi jong kpang, a á zang ɓɔɔ tuu yuu ɓiɓɛ kpang, tɔ̃̀ɔ́ ɓiɓɛ.”

Yakubu 4:6 Σταυροειδείς Αναφορές

Matiyu 13:12

Zang ɓɔɔ vuu ɓiɓɛ kagn, zang naa gisi wukɔ vuu ɓɔɔgn ka yuu ɓiɓɛ tɔkn. Tɔɔ, vuu ɓiɓɛ wu shang kaa gaagaa. Zang ɓɔɔ vuu ɓiɓɛ kagn kpang, naa doo ɓɔɔ wu yiti ka naa tɔkɔlɔng, zang ti tarɛ, zang yaa wu naa waati.

Matiyu 23:12

Shɔnzang ɓɔɔ tɔɔ wu tuu yuu ɓiɓɛ piti, zang naa sɔɔrɔ wukɔ yuu jong ka dii. A zang ɓɔɔ sɔɔrɔ yuu ɓiɓɛ ka dii, zang naa tuu wukɔ jong ka lapa.

Luka 1:52

Sɔ́ɔrɔ̀ rɛɛ kpanti bang, bang yuu ka dii. Ti shing zang ɓɔɔ ri sòo yuu ka dii ri nwang zang bang.

Luka 14:11

Ka ruu ɓɔɔ, zang ɓɔɔ nɛɛ tuu yuu ɓiɓɛ, zang naa sɔɔrɔ wukɔ yuu ka dii ɓɛɛ. Zang ɓɔɔ sɔɔrɔ yuu ɓiɓɛ ka dii, zang naa a wukɔ bannang jong.”

Luka 18:14

N kɔ̀ɔ́ nɔɔ, yɔɔ ɓɔɔ ta saka tipi keɓe gbãayu daa gãa ɓiɓɛ, Laa yaa wu gbalang vuu shi kpang ɓiɓɛ tɔ, wu náa yɔɔ Farisi kaɓa kpang. Ka ruu nɔngkɔ, zang piti ɓɔɔ nɛɛ tusu nɛɛ wu ɓa zang piti, zang naa sɔɔrɔ wukɔ yuu jong ka dii. Zang ɓɔɔ sɔɔrɔ yuu ka dii, zang naa a wukɔ bannang jong.”

Yakubu 4:10

Risi yuu ɓaaɓɛ naa mɔɔ wu vuu ɓɔɔ kpang, ka tĩng Kpanti Laa, tɔɔ Kpanti Laa wu a mɔɔ bannang kati.

1 Bituru 5:5

Ɓɔɔ nɔɔ manɛ dòo jasang n kɔɔ nɔɔ dòo nɔngkɔ. Nɔɔ ɓaa shoo ka nyaa rɛɛ zang bang. Ɓɔɔ nɔɔ nandon ɓɛɛ, nɔɔ seng zɔɔ katɔ, a nɔɔ kpalɛ bii diki diki nɔ́ɔ shòng zɔɔ. Ka ruu ɓɔɔ, zang bee ka yeti labeenang Laa nɛɛ, “Laa kasɛ ruu zang ɓɔɔ ri tuu yuu ɓarɛ kpang, á ɓi zang ɓɔɔ ri tuu yuu ɓarɛ kpang tĩnang tãanang.”