Yakubu 4:5 - Nyaa Shɔɔ Ɓɔɔ Laa a Ɓɛɛ

⁵ Nɔɔ kɔɔ ɓu nɛɛ, Labeenang Laa kɔ̀ɔ waati nɛɛ, “Suru bii ɓɔɔ Laa shingnɛ nɛɛ wu nwang ka yeti ɓuru, kaa sũnyaa dɔɔli” ya?

Yakubu 4:5 Σταυροειδείς Αναφορές

Yɔhana 10:35

Ruu zi tɔ nɛɛ vuu ɓɔɔ labeenang Laa kɔɔyi ɓi niizang dòndòng. Laa nɛɛ ɓaa zang ɓɔɔ wu shong ri nɛɛ yee ɓiɓɛ tɛ̃ɛ tɛ̃ɛ nɛɛ ri nwang naa Laa,

Yɔhana 19:37

Zang ti bee kagn ka yeti labeenang Laa tɔkn tɔɔ, “Zang ri pɛ̃ɛrɛ zang ɓɔɔ ri shu nɛɛ shalang nɛɛ jĩng ɓarɛ.”

Yɔhana 7:42

Labeenang Laa kɔ̀ɔyi tɔɔ, Kirisi naa nwang ɓi nɛɛ teteng zɔ̃ng kpanti Dawuda, nɛɛ zang ti naa yi Kirisi ka Bɛtalami, gari ɓɔɔ Dawuda nwáng kagn ɓɛɛ.”

Zang Shonang Yeesɔ 7:9

“Rɛɛ dabang ɓuru (Yusufu ɓeezung), ri kaa sũnyaa nɛɛ Yusufu, a ri màlɛ̀ wu nɛɛ wu daa nwang jaafoo ka tipi Masara. A Laa yáa wu ɓi kaa takpang.

Rooma 1:29

Yeti ɓarɛ ɓi gnvɔ kɔ shɛ̃ɛning, ka zɔ̃ng zɔ̃ng, nɛɛ vuu shi kpang, ri kasɛ vuu ɓɔɔ ka naa zang ɓɛɛ. Ri pàlɛ́ zɔɔ shi kpang. Ri kaa sũnyaa dɔɔli, ri nyɔ zang vɔrɔ, ri gaarɛ nyaa. A ri nwãarɛ zɔɔ. Ri rɛ̃rɛ vuu shi kpang ka yuu zang diki diki, ri rang zang.

Rooma 9:17

Ka ruu ɓɔɔ, Laa kɔɔ Firawuna ka yeti labeenang ɓiɓɛ tɔɔ, “N yi mɔɔ kpanti, nɛɛ tɔ̀ɔ, n tusu naa vuu palɛnang mɛɛ ka vuu ɓɔɔ n palɛ nɛɛ mɔɔ ɓɛɛ. Ń ti shingnɛ zang koo nandon ri tãa ruu mɛɛ kati.”

1 Koranti 6:19

Nɔɔ zi kpang nɛɛ bìí manɛ nwàng ɓi naa Gãa Laa ɓɔɔ Suru Laa nwang kagn ɓɛɛ kpang ya? Laa shing Suru ɓiɓɛ ka yeti manɛ. Bii manɛ ɓi ɓɔɔ manɛ kpang, ɓi ɓɔ̀ɔ́ Laa.

2 Koranti 6:16

Zang ɓɔɔ ri dũng Laa, ri palɛ biya nyaa ɓarɛ wu daa gbete nɛɛ zang ɓɔɔ ri bang vaka viya? Ka ruu nɔngkɔ, ruu ɓuru gãa Laa, Laa ɓɔɔ ningkãari ɓɛɛ. Laa kɔɔyi tɔɔ, “N palɛ nɔng nwannang mɛɛ ka nɔng zang mɛɛ, n nwang ka teteng ɓarɛ. N nwang Laa ɓɔɔ ri bang ɓɛɛ, ri nwang ɓarɛ kaa zang mɛɛ.”

Galati 3:8

Vuu ɓɔɔ Laa kɔɔyi, zang bee ka labeenang ɓiɓɛ doo ka tĩng nɛɛ, Laa naa risi zang ɓɔɔ ri zang Yahudi kpang ditɔ, ri nwang zang tɔ̃ɔ ka tĩng ɓiɓɛ, ka ruu danggn ɓɔɔ ri shing ɓɛɛ. A zang bee naa ɓɔɔ Laa kɔɔ Ibirayi Ruu Tɔ̃ɔ doo ka tĩng ɓɛɛ tɔɔ, “Laa naa shing zang koo keɓe nandon ri tãa tĩnang nɛɛ bii ɓaaɓɛ kɔ.”

Titu 3:3

Ka ruu ɓɔɔ, ɓeleng ruu nɛɛ yuu ɓuru bɛ̀ɛ́ ruu palɛ vuu shoko, ruu ɓaa shoo ka nyaa Laa kpang, zang nwãarɛ ruu. Ruu nwang ɓuru jaafoo, vuu ɓɔɔ bii ɓuru kasɛ ɓɛɛ, nɛɛ vuu ɓɔɔ shingnɛ zang tãa tĩnang ɓɛɛ ka zɔ̃ng zɔ̃ng. Ruu sùúkãng ka nɔng vuu shi kpang palɛnang nɛɛ sũnyaa kaanang. Zang piti bɛ̃ɛ ruu katɔ, a ruu ti bɛ̃ɛ zang piti.