Yakubu 4:3 - Nyaa Shɔɔ Ɓɔɔ Laa a Ɓɛɛ

³ Nɔɔ nɛɛ ti gaa tɔ, a nɔɔ kpang, ka ruu ɓɔɔ, nɔɔ gàa ka gbalang shi kpang ɓɛɛ. Tɔ̀ɔ, nɔ́ɔ daa vãlɛ ka nɔng vuu ɓɔɔ nɔɔ kasɛ ɓɛɛ.

Yakubu 4:3 Σταυροειδείς Αναφορές

Matiyu 20:22

A Yeesɔ kɔɔ rɛɛ Yakubu nɛɛ Yɔhana tɔɔ, “Nɔɔ zi vuu ɓɔɔ nɔɔ gaa kpang. Nɔɔ naa zunung jĩng dannang katɔ jong naa ɓɔɔ n naa dang ɓɛɛ ya?” A ri kasɛ Yeesɔ nyaa tɔɔ, “Ruu zunung katɔ.”

Maraku 10:38

A Yeesɔ kɔɔ ri tɔɔ, “Nɔɔ zi vuu ɓɔɔ nɔɔ gàá ɓɛɛ kpang. Nɔɔ naa zunung jĩng dannang katɔ jong naa ɓɔɔ n naa dang ɓɛɛ ya? Zang naa palɛ nɔɔ batizima katɔ nɛɛ jĩng dannang naa ɓɔɔ zang naa palɛ m ɓɛɛ ya?”

Luka 11:10

Ka ruu ɓɔɔ, zang ɓɔɔ gaayi, Laa a wu katɔ. Zang ɓɔɔ kãayi, ti ĩi katɔ. A zang ɓɔɔ nɛɛ ɓaa nyaa, Laa kasɛ wu nyaa katɔ ɓɛɛ.

Luka 15:13

Diki nɛɛ tɔɔ wu bee tɔkɔlɔng, ɓɔɔ wujaa naa kpalɛ vuu ɓiɓɛ nandon, a daa zanti nɛɛ mani ka koolaa ɓɔɔgn kpala kpala. Daa shɛ̃ɛ nɔng tɔ, a ningsi vuu ɓiɓɛ ka nɔng dũndũng palɛnang.

Luka 15:30

Jaa ɓaaɓɛ keɓe ɓɔɔ lasɛ vuu naa ɓaaɓɛ ka nɔng dũndũng arɛ, mɔɔ yee wu guu napo ɓɔɔ mɔɔ sang ɓɛɛ.’

Yakubu 4:1

Ɓu vi shing nɔɔ, nɔɔ haa nyaa, a nɔɔ ti gaa nyaa nɛɛ zɔɔ viya? Wu rɛ̃rɛnang ɓɔɔ nɔɔ rɛ̃rɛ ka yuu vuu ɓɔɔ nɔɔ kasɛ ɓɛɛ kɔ, waa zɔɔ ka yeti manɛ kpang ya?

1 Yɔhana 3:22

Laa a ruu vuu piti ɓɔɔ ruu gaa ka naa ɓiɓɛ katɔ, ka ruu ɓɔɔ, ruu ɓaa shoo ka nyaa ɓɔɔ wu dang ɓɛɛ. Ruu ti pálɛ́ vuu ɓɔɔ yeti ɓiɓɛ kasɛ ɓɛɛ.

1 Yɔhana 5:14

Ruu shing danggn ka Laa gaanang ɓɔɔ ruu gaayi, ka ruu ɓɔɔ, naa ruu gàa vuu ka gbalang ɓɔɔ wu kasɛ, a ruu katɔ ɓɛɛ.