Yakubu 4:11 - Nyaa Shɔɔ Ɓɔɔ Laa a Ɓɛɛ

¹¹ Manzung, nɔ́ɔ rang yee shi kpang ka yuu zɔɔ kpang. Zang ɓɔɔ nɛɛ rang yee shi kpang ka yuu zang ɓɔɔ dũng doo Laa kɔ, a ti dɔng wu ruu, rang yee shi kpang ka yuu nyaa dannang Laa a ti tuu yuu ɓiɓɛ naa wu ɓa nyaa dannang Laa katɔ. Mɔɔ nɛɛ tɔɔ, mɔɔ ɓa nyaa dannang Laa katɔ, mɔɔ ɓáa zang ɓɔɔ palɛ vuu ɓɔɔ nyaa dannang Laa kɔɔ ɓɛɛ kpang. Mɔɔ ɓaa zang ɓɔɔ ɓa nyaa dannang Laa katɔ ɓɛɛ.

Yakubu 4:11 Σταυροειδείς Αναφορές

Luka 6:37

“Nɔ́ɔ jɛ̃̀ɛ zang ruu kpang, Kpanti Laa wu ti naa jɛ̃ɛ nɔɔ ruu kpang kɔ doori. Nɔ́ɔ kɔɔ kpang nɛɛ zang keɓe palɛ vuu shi kpang tɔ kpang. Tɔɔ Kpanti Laa wu ti naa kɔɔ kaa takpang nɛɛ nɔɔ palɛ vuu shi kpang tɔ kpang. Nɔɔ yaa zang gbalang vuu shi kpang ɓɔɔ zang palɛ nɔɔ ɓɛɛ katɔ, tɔ̀ɔ Laa wu ti naa yaa nɔɔ gbalang vuu shi kpang ɓɔɔ nɔɔ palɛ ɓɛɛ.

Rooma 2:1

Masang, mɔɔ kɔɔ zang katɔ nɛɛ zang ri palɛ vuu shi kpang tɔ ya? Naa mɔɔ doo zang kiya, daa naa ɓɔɔ mɔɔ kɔɔ zang ɓɔɔ nɔngkɔ kpang. Ka ruu ɓɔɔ naa mɔɔ dɔng zang ɓɔɔ ruu ka yuu vuu ɓɔɔ ri palɛ, a mɔɔ palɛ doo vuu ɓɔɔ ri palɛ ɓɛɛ kɔ, mɔɔ dɔng ɓaa yuu ɓaaɓɛ ruu.

Rooma 2:13

Ka ruu ɓɔɔ, zang raa zang tɔ̃ɔ ka ting Laa, wu ka rúu Ruu Laa ɓɔɔ zang tãa ɓɛɛ kɔ shɛ̃ɛning kpang. Ɓi zang ɓɔɔ ri palɛ vuu ɓɔɔ Laa dang nyaa nɛɛ zang palɛ ɓɛɛ kɔ, Laa ɓáa ri nɛɛ ri zang tɔ̃ɔ.

Rooma 7:7

Ruu kɔɔ ɓu kaa nɛɛ viya? Nɛɛ nyaa ɓɔɔ Laa dangnɛ vuu shi kpang ya? Kpang. Nyaa ɓɔɔ Laa dangnɛ kɔ tùsù m vuu ɓɔɔ zang ɓaa nɛɛ vuu shi kpang palɛnang ɓɛɛ. N nɛ̀ɛ́ zi vuu ɓɔɔ zang ɓaa nɛɛ zang shing jĩng ka vuu zang kpang, naa Laa nɛɛ dang nyaa nɛɛ, “Zang wu shing jĩng ka vuu zang kpang,” kpang ɓɛɛ.

1 Koranti 4:5

Ka ruu nɔngkɔ, daa naa ɓɔɔ nɔɔ dɔng zang ruu ɓɛɛ kpang. Nɔɔ yaa gbongkarɛ diki ɓiɓɛ wu arɛ. Diki ɓɔɔ Kpanti Yeesɔ gbãayu kagn ɓɛɛ. Naa nwangsɛ dĩiri vuu ɓɔɔ zang waasɛ̃ katɔ kãntang keɓe ditɔ. Ti naa nwangsɛ rɛ̃rɛnang ɓɔɔ zang ɓu rɛ̃rɛ ka yeti ɓiɓɛ ditɔ. Ka diki kaɓa kɔ, Laa naa dɔ̀ɔ zang ɓu nɛɛ dɔɔnang ɓɔɔ daa teetee nɛɛ zang ɓu ɓɛɛ.

2 Koranti 12:20

N kaa vɔrɔ naa n daa shɛ̃ɛ nɔng manɛ, n daa ĩi nɔɔ náabm̀, wu naa ɓɔɔ n kasɛ n ĩi nɔɔ ɓɛɛ kpang, a nɔɔ ti naa zirɛ n náabm̀, wu naa ɓɔɔ nɔɔ kasɛ ɓɛɛ kpang. N kaa vɔrɔ n daa ĩi nɔɔ, nɔɔ haarɛ nyaa, nɔɔ kaa sũnyaa, gnvɔ ka yeti manɛ dɔɔli. Nɔɔ ti kasɛ yuu manɛ kɔ shɛ̃ɛning, nɔɔ dãlɛ zɔɔ, nɔɔ rangkɛ zang, nɔɔ tuu yuu manɛ dɔɔli. A nɔɔ ti vɔ̃ɔtɔ nɔng.

Afisa 4:31

Nɔ́ɔ yiti zang ɓɔɔ ka yeti kpang, gnvɔ wu shàa nɔɔ nɛɛ zang ɓɔɔ kpang, mɔɔ lasɛ yeti nɛɛ zang ɓɔɔ kpang, nɔ́ɔ rangkɛ yee shi kpang ka yuu zang ɓɔɔ kpang. Nɔ́ɔ rɛ̃rɛ rɛ̃rɛnang ɓɔɔ shing nɔɔ, nɔɔ bɛ̃ɛ zang kpang tingkiring.

1 Timoti 3:11

Zang soro ɓarɛ ri nwang nwannang ɓɔɔ tɔ̃ɔ ɓɛɛ. Ri ràng zang kpang. Ri nwàng wu zang ɓɔɔ yeti ɓarɛ lasɛ pati kpang. Ri nwang zang ɓɔɔ zang shing gn katɔ ka bii ɓarɛ ɓɛɛ.

2 Timoti 3:3

Ri naa pàlɛ̀ zang tɔ̃ɔ kpang, gn zang ti naa kɔng ri kpang, ri naa rang yee shi kpang ka yuu zang, ri naa yiti yuu ɓarɛ kpang, a gnvɔ ti ka yeti ɓarɛ dɔɔli. Ri naa kasɛ vuu ɓɔɔ tɔ̃ɔ ɓarɛ kpang.

Titu 2:3

Kɔɔ zang soro ɓɔɔ ri kpɛ̃ɛ tɔ ri nwáng nwannang naa zang soro ɓɔɔ ri dũng Laa nɛɛ yeti gbete ri nɛ̀ɛ́ nwàng ɓɛɛ. Ri rang zang kpang, ri nwàng jaafoo sàa kpang, ri tusu naa ɓɔɔ zang soro ɓɔɔ ri dũng Laa ri nɛ̀ɛ́ nwang ɓɛɛ,

Yakubu 1:16

Rɛɛ manzung ɓɔɔ n kasɛ ruu manɛ dɔɔli ɓɛɛ, zang wu nwãarɛ nɔɔ kpang.

Yakubu 1:19

Rɛɛ manzung ɓɔɔ n kasɛ ruu manɛ dɔɔli ɓɛɛ, danggn wu ning nɔɔ vuu keɓe kpang. Nɔɔ ɓaa shoo waasɛ̃, nɔ́ɔ tãa ruu pati, nɔ́ɔ kɔlɔ nyaa kaa tɔ̀ɔ́ nɔng yee rannang kpang. Nɔ́ɔ ti see gnvɔ pati kpang.

Yakubu 1:25

Zang ɓɔɔ nɛɛ shing jĩng ka nyaa dannang Laa ɓɔɔ ta yuu ɓuru katɔ waasɛ̃. Nɛɛ dũngnɛ sasak, nɛɛ nwang zang ɓɔɔ tãa ruu, danggn ning wu kpang, nɛɛ ti palɛ vuu ɓɔɔ wu tãa ɓɛɛ katɔ. Laa shing zang keɓe wu tãa tĩnang ka vuu ɓɔɔ wu palɛ piti.

Yakubu 2:8

Nɔɔ nɛɛ dũng nyaa dannang Laa ɓɔɔ ka yeti labeenang ɓiɓɛ. Wukɔ tɔ̃ɔ. Nyaa dannang Laa ɓɔɔ tɔɔ, “Nɔɔ kasɛ zang naa ɓɔɔ nɔɔ kasɛ yuu manɛ ɓɛɛ,”

Yakubu 5:10

Manzung, nɔɔ kpaa danggn zang nyaa shonang Laa ɓɔɔ ri rang yee Laa ɓɛɛ. Ri dang jĩng, a ri ti mã danggn ɓɛɛ. Nɔɔ mã danggn doo naa ɓɔɔ ri mã ɓɛɛ kɔ.

Yakubu 5:7

Ka ruu nɔngkɔ manzung, n kɔɔ nɔɔ, nɔɔ mã danggn kagn, nɔɔ gã diki ɓɔɔ Kpanti Yeesɔ gbãayu ɓɛɛ. Nɔɔ zi zang ɓɔɔ ri lang jaa ɓɛɛ. Ri gã vuu ɓɔɔ ri ɓaa ka tipi ɓɛɛ, mii tĩng shɔɔnang nɛɛ mii ɓɔɔ gɔɔ nyaa wu arɛ. Mã danggn sasak diki ɓɔɔ wu kpalɛ vuu shaanang ka jaa ɓiɓɛ a nɛɛ mani.

Yakubu 5:9

Manzung nɔ́ɔ gɔ̃ɔrɔ yee ka yuu zɔɔ kpang, ka ruu ɓɔɔ zang nɛɛ jɛ̃ɛ nɔɔ ruu ɓɛɛ. Zang ɓɔɔ naa jɛ̃ɛ ruu rúu, kɔ shii tɔ ka nyaa gãa ɓee.

1 Bituru 2:1

Ka ruu nɔngkɔ, wee Laa a nɔɔ suru bii shɔɔ tɔ ɓee, nɔɔ nwangsɛ gnvɔ ta nandon ka yeti manɛ, nɔ́ɔ suu zang sèé takpang, nɔ́ɔ nwãarɛ zang nɛɛ vuu palɛnang kpang, nɔ́ɔ shing jĩng ka vuu zang kpang, nɔ́ɔ ti rang yee shi kpang tɔ̀ɔ́ ka yuu zang kpang.