Yakubu 3:9 - Nyaa Shɔɔ Ɓɔɔ Laa a Ɓɛɛ

⁹ Ruu dɔ̀ɔ́ Laa ɓɔɔ wukɔ Daa ɓuru nɛɛ wukɔ, a ruu ti dãa shɔnzang ɓɔɔ Laa mãa wu naa bii ɓiɓɛ nɛɛ mani.

Yakubu 3:9 Σταυροειδείς Αναφορές

Matiyu 26:74

A Bituru kɔɔ ri nɛɛ Laa tũnnang ning tɔɔ, “N zi yɔɔ keɓe nung m kpang. N nɛɛ suu sèé, Laa wu palɛ m vuu ɓɔɔ wu kasɛ ɓɛɛ.” A kǹ naa ɓaa nyaa kaa tantɛnang.

Matiyu 5:44

A n kɔɔ nɔɔ, nɔɔ kàsɛ̀ ruu zang ɓɔɔ nɔɔ shing jĩng nɛɛ zɔɔ kpang katɔ. Nɔɔ ti gaa Kpanti Laa ka ruu zang ɓɔɔ ri dang nɔɔ jĩng ɓɛɛ,

Zang Shonang Yeesɔ 2:26

Ka ruu nɔngkɔ, yeti mɛɛ ɓi tĩnang kɔ shɛ̃ɛning. N dɔɔ m Laa Naa wee n m shɔnzang waati ɓee, n nwàngnɛ n yaa gn naa kpang.

Rooma 3:14

Nyaa ɓarɛ ɓi nyaa rĩiti kɔ shɛ̃ɛning, nɛɛ yee ɓɔɔ la katɔ ɓɛɛ.

1 Koranti 11:7

Ruu ɓɔɔ zang tɔɔ, zang varɛ wu zùu yuu ɓi kpang, ɓi ka ruu ɓɔɔ, Laa mãa ɓi zang varɛ naa bii ɓiɓɛ ɓɛɛ. Zang ti zi bannang Laa ɓi ka bii zang varɛ kɔ ɓɛɛ. A zang zi bannang zang varɛ ɓi ka bii ɓeeso.

Afisa 1:3

Ruu zãa Laa ɓɔɔ wukɔ ti Laa nɛɛ Daa Kpanti ɓuru Yeesɔ Kirisi ɓɛɛ, ka ruu ɓɔɔ, shingnɛ ruu tãa tĩnang. Wukɔ ti a ruu vuu piti ɓɔɔ ɓi ɓɔ̀ɔ́ kpanti roonang ɓiɓɛ, ka ruu ɓɔɔ, ruu shing danggn ka bii Kirisi ɓɛɛ.

Yakubu 1:27

Laa dũnnang ɓɔɔ Daa ɓuru Laa zirɛ nɛɛ wukɔ kalang kalang, a ti tɔ̃ɔ ka jĩng ɓiɓɛ keɓe, nɛɛ zang lengke jĩng ka rɛɛ javɔ, nɛɛ rɛɛ suvɔ ɓɔɔ ri dang jĩng ɓɛɛ. Zang wu lee naa ka vuu shi kpang ɓɔɔ ka koo keɓe kpang.

Yakubu 3:10

Ruu dɔɔ Laa, a ruu ti dãa zang nɛɛ nyaa gbete keɓe. Manzung, nɔɔ palɛ wu nɔngkɔ kpang.

1 Bituru 1:3

Ruu dɔɔ Laa ɓɔɔ wukɔ Laa nɛɛ Daa Kpanti ɓuru Yeesɔ Kirisi ɓɛɛ. Pàlɛ̀ ruu tɔ̃ɔ gbãng gbãng, ka ruu nɔngkɔ, shingnɛ ruu nwàng zang ɓɔɔ zang yi ruu shɔɔ tɔkn ɓɛɛ, nɛɛ tɔ̀ɔ, gn shinnang ɓuru wu shàarɛ̀ kaa takpang. Ruu walɛ vuu keɓe ka ɓɔɔ zang wisi Yeesɔ paa nɛɛ sàa ɓɛɛ.