Yakubu 3:2 - Nyaa Shɔɔ Ɓɔɔ Laa a Ɓɛɛ

² Ka ruu ɓɔɔ rùu nandon jĩng kpantɛ ruu katɔ diki diki ɓɛɛ. Zang ɓɔɔ nɛɛ tɔɔ, nyaa kpantɛ wu ɓi jong ka nɔng yee rannang kpang, zang keɓe ɓi shɔnzang tɔ̃ɔ ka vuu ɓɔɔ wu palɛ ɓɛɛ. Zunung naa ɓɔɔ wu shing yuu ɓiɓɛ katɔ.

Yakubu 3:2 Σταυροειδείς Αναφορές

Matiyu 12:34

Nɔkɔ shi kpang naa sɔkɔ pudi ɓi, nɔɔ palɛ biya, yee manɛ wu nwang ɓi kaa tɔ̃ɔ viya? Shɔnzang kɔɔ ɓi doo ruu ɓɔɔ ka yeti ɓiɓɛ kɔ.

Matiyu 12:37

Laa naa yaa mɔɔ náa ɓi doo nɛɛ yee ɓɔɔ mɔɔ rang ka koo keɓe kɔ. Laa ti naa dɔng mɔɔ ruu ɓi doo nɛɛ yee ɓɔɔ mɔɔ rang ɓɛɛ kɔ.”

Rooma 3:10

Naa ɓɔɔ labeenang Laa kɔɔyi ɓɛɛ nɛɛ, “Zang ɓɔɔ palɛ tɔ̃ɔ kagn gbete ka jĩng Laa kpang.

Rooma 7:21

Ka ruu nɔngkɔ, vuu ɓɔɔ n zi ka bii mɛɛ keɓe. Naa n kasɛ n tɔɔ n palɛ tɔ̃ɔ, n palɛ m vuu ɓɔɔ shi kpang kɔ gbete.

1 Koranti 9:27

N kasɛ tɔ n dang jĩng ka zɔ̃ng zɔ̃ng, tɔ̀ɔ, n yiti yuu mɛɛ kati. Tɔ̀ɔ, ɓɔɔ n kɔɔrɔ zang Ruu Tɔ̃ɔ Laa, Laa nɛ̀ɛ́ naa bɛ̃ɛ m.

Galati 3:22

A zang bee ɓi tɔ, ka labeenang Laa nɛɛ, shɔnzang ɓɔɔ ka koo nandon, ri nwàng ɓarɛ naa ɓɔɔ vuu shi kpang mã ri ka sãa ɓɛɛ. Tɔɔ vuu ɓɔɔ Laa a nyaa ka yuu ɓiɓɛ ka doo danggn shinnang ka bii Yeesɔ Kirisi wu raa ɓɔ̀ɔ́ zang ɓɔɔ ri shing danggn tɔ kati.

Galati 5:17

Ka ruu ɓɔɔ, vuu ɓɔɔ bii ɓuru kasɛ daa gbete nɛɛ vuu ɓɔɔ Suru Laa kasɛ ɓɛɛ kpang. A vuu ɓɔɔ Suru Laa kasɛ ti daa jong gbete nɛɛ ɓɔɔ bii ɓuru kasɛ ɓɛɛ kpang kɔ ɓɛɛ. Vuu ziti keɓe ri shing jĩng nɛɛ zɔɔ kpang. Ka ruu nɔngkɔ, mɔɔ zunung vuu ɓɔɔ mɔɔ kasɛ palɛnang kaa takpang.

Kolosi 1:28

Ka ruu nɔngkɔ, ruu kɔɔ zang piti, ruu Yeesɔ Kirisi. Ruu shaarɛ zang piti nyaa, a ruu ti tusu ri nɛɛ zũnang ɓuru nandon, tɔ̀ɔ ruu atɛ zang ɓu ka tĩng Laa naa zang ɓɔɔ zũng danggn tɔ, ɓɔɔ ɓakɛ yuu tɔ nɛɛ Yeesɔ Kirisi ɓɛɛ.

Kolosi 4:12

Epafara ɓɔɔ dòo zang manɛ kɔ, a ti pàlɛ́ Yeesɔ Kirisi shonang, jee nɔɔ nyaa, gaa Laa ka ruu manɛ gbãng gbãng, gaa wu nɛɛ, wu shing nɔɔ, nɔ́ɔ shii nɛɛ kaka, nɔ́ɔ zũng danggn, nɔ́ɔ ta ruu ɓiɓɛ katɔ, ka ɓɔɔ nɔɔ palɛ vuu ɓɔɔ wu kasɛ dɔ̃ɔ gbete ɓɛɛ.

Yahudi 13:21

N gaa wu, wu a nɔɔ vuu tɔ̃ɔ piti ɓɔɔ nɔɔ kasɛ ɓɛɛ, tɔ̀ɔ, nɔɔ palɛ vuu ɓɔɔ wu kasɛ ɓɛɛ. Wu palɛ vuu ɓɔɔ shing wu, wu tãa tĩnang ka yeti ɓuru, nɛɛ bii Yeesɔ Kirisi. Zang a wu bannang ta gbinggbing. Nɔngkɔ.

Yakubu 1:26

Zang ɓɔɔ nɛɛ tɔɔ wu dũng Laa, nɛɛ mung nyaa ɓiɓɛ kpang, nwãarɛ ɓi yuu ɓiɓɛ, Laa dũnnang ɓiɓɛ ɓi ɓɔɔ waati.

Yakubu 1:4

Nɔɔ mã danggn nɔngkɔ sasak. Tɔ̀ɔ, nɔ́ɔ nwang kaa naa ɓɔɔ Laa kasɛ nɛɛ nɔɔ nwang ɓɛɛ, vuu tɔ̃ɔ ɓɔɔ yaa kagn ka nwannang manɛ kpang.

Yakubu 2:10

Zang ɓɔɔ nɛɛ dũng nyaa dannang Laa nandon tɔ̃ɔ tɔ̃ɔ, a naa ta gbete, nwang ɓi kaa naa ɓɔɔ ta nandon ɓɛɛ.

1 Bituru 3:10

Zang bee ka yeti Labeenang Laa tɔɔ, “Zang ɓɔɔ nɛɛ kasɛ nɛɛ wu nwang tɔ̃ɔ, wu tãa tĩnang, wu ràng yee ɓɔɔ shi kpang takpang. Wu ti suu sèé takpang.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.