Yakubu 3:14 - Nyaa Shɔɔ Ɓɔɔ Laa a Ɓɛɛ

¹⁴ Nɔɔ nɛɛ kaa sũnyaa gbãng gbãng, nɔɔ nɛɛ ti kasɛ yuu manɛ dɔɔli ka yeti manɛ, nɔ́ɔ kɔɔrɔ ruu bang bang ka yuu manɛ kpang, nɔ́ɔ ti suu sèé ka ruu vuu ɓɔɔ niizang kpang.

Yakubu 3:14 Σταυροειδείς Αναφορές

Matiyu 27:18

Bilatu hɛ̃ɛ ri ruu keɓe, ka ruu ɓɔɔ zi ɓi tɔ ka yeti ɓiɓɛ nɛɛ zang ɓɔɔ ri dɔɔ vuu ka Gãa Laa, ri atɛ wu Yeesɔ ɓi ka ruu sũnyaa kaanang ɓarɛ ɓɛɛ.

Yɔhana 16:2

Zang naa nwangsɛ nɔɔ ditɔ kaa gãa zɔɔ kpalɛnang. Diki a kana, ɓɔɔ zang ɓɔɔ nɛɛ nyɔ nɔɔ vɔrɔ, kɔ̀ɔ́ ɓi nɛɛ wu palɛ vuu ɓɔɔ Laa kasɛ ɓɛɛ.

Zang Shonang Yeesɔ 13:45

Ɓɔɔ rɛɛ zang Yahudi ri zi zang ɓɔɔ ri kpalɛ dɔɔli ri kaa sũnyaa gbãng gbãng. Ri laa nyaa vuu ɓɔɔ Bulu kɔɔrɔ ɓɛɛ ri ti dãlɛ wu.

Zang Shonang Yeesɔ 26:9

“N rɛ̃̀rɛ̀ m doo nɔngkɔ, n tɔɔ, n palɛ vuu ɓɔɔ n zunung katɔ nandon, n zãa zang nung Yeesɔ yɔɔ Nazara ɓaanang.

Zang Shonang Yeesɔ 5:17

Kpanti zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri nɛɛ wu ɓɛɛ nandon, ɓɔɔ ri ɓarɛ zang Saduki ɓɛɛ, ri kaa sũnyaa, a gnvɔ shaa ri dɔɔli.

Zang Shonang Yeesɔ 7:9

“Rɛɛ dabang ɓuru (Yusufu ɓeezung), ri kaa sũnyaa nɛɛ Yusufu, a ri màlɛ̀ wu nɛɛ wu daa nwang jaafoo ka tipi Masara. A Laa yáa wu ɓi kaa takpang.

Rooma 1:29

Yeti ɓarɛ ɓi gnvɔ kɔ shɛ̃ɛning, ka zɔ̃ng zɔ̃ng, nɛɛ vuu shi kpang, ri kasɛ vuu ɓɔɔ ka naa zang ɓɛɛ. Ri pàlɛ́ zɔɔ shi kpang. Ri kaa sũnyaa dɔɔli, ri nyɔ zang vɔrɔ, ri gaarɛ nyaa. A ri nwãarɛ zɔɔ. Ri rɛ̃rɛ vuu shi kpang ka yuu zang diki diki, ri rang zang.

Rooma 13:13

Rúu gaayu nwannang waasɛ̃, naa zang ɓɔɔ ri nwang ka nɔng ɓɔɔ yakɛ katɔ ɓɛɛ. Wu ka ɓɔɔ nɔɔ gaarɛ zɔɔ, nɔɔ ɓooro saa ɓɛɛ kpang, nɔɔ palɛ dũndũng kpang, nɔɔ ti pálɛ̀ shi kpang, kpang, nɔɔ hàa nyaa kpang, nɔɔ ti kaa sũnyaa kpang.

Rooma 2:17

Mɔɔ nɛɛ ɓaa yuu ɓaaɓɛ nɛɛ mɔɔ zang Yahudi. Mɔɔ nɛɛ di yuu ɓaa kaa bii nyaa ɓɔɔ Laa dang ɓɛɛ, a mɔɔ dɔ̀ɔ́ bii nɛɛ mɔɔ ɓaa zang Laa.

Rooma 2:8

Zang ɓɔɔ ri kasɛ yuu ɓarɛ dɔɔli, ri kasɛ ruu ɓɔɔ niizang kpang. Ri dũng vuu ɓɔɔ shi kpang ɓɛɛ. Gnvɔ naa shàá Laa nɛɛ ri, wu dang ri jĩng.

1 Koranti 13:4

Naa mɔɔ kàsɛ̀ zang katɔ, mɔɔ mã danggn dɔɔli. Mɔɔ ti pàlɛ́ zang tɔ̃ɔ, mɔɔ kaa sũnyaa kpang. Mɔɔ ràng yee bang bang ka yuu ɓaaɓɛ kpang. Mɔɔ ti tuu yuu ɓaa kpang.

1 Koranti 3:3

Nɔɔ nwang doo naa zang koo keɓe, ka ruu ɓɔɔ, nɔɔ kaa doo sũnyaa nɛɛ zɔɔ, nɔɔ haa doo nyaa nɛɛ zɔɔ ɓɛɛ. Nɔɔ zi kpang nɛɛ naa nɔɔ pálɛ̀ nɔngkɔ, nɔɔ doo naa zang koo keɓe kɔ kpang ya? Nɔɔ palɛ wu naa ɓɔɔ zang piti palɛ ɓɛɛ kpang ya?

1 Koranti 5:2

Zang ri nɛɛ pálɛ̀ naa weɓe ka teteng manɛ, nɔɔ palɛ biya nɔɔ tuu yuu manɛ viya? Nɔɔ káa katɔ kɔ jong, ka ruu vuu shi kpang manɛ. Nɔɔ hing zang ɓɔɔ pálɛ̀ vuu shi kpang keɓe katɔ, wu yaa teteng manɛ.

1 Koranti 5:6

Daa naa ɓɔɔ nɔɔ tuu yuu manɛ naa wee nɔɔ pálɛ̀ ɓee kpang. Nɔɔ zi kpang nɛɛ yisi tɔkɔlɔng tàntɛ́ yeti borodi bàanang wu shing borodi wu puuyi kpang ya?

2 Koranti 12:20

N kaa vɔrɔ naa n daa shɛ̃ɛ nɔng manɛ, n daa ĩi nɔɔ náabm̀, wu naa ɓɔɔ n kasɛ n ĩi nɔɔ ɓɛɛ kpang, a nɔɔ ti naa zirɛ n náabm̀, wu naa ɓɔɔ nɔɔ kasɛ ɓɛɛ kpang. N kaa vɔrɔ n daa ĩi nɔɔ, nɔɔ haarɛ nyaa, nɔɔ kaa sũnyaa, gnvɔ ka yeti manɛ dɔɔli. Nɔɔ ti kasɛ yuu manɛ kɔ shɛ̃ɛning, nɔɔ dãlɛ zɔɔ, nɔɔ rangkɛ zang, nɔɔ tuu yuu manɛ dɔɔli. A nɔɔ ti vɔ̃ɔtɔ nɔng.

Galati 5:15

A naa nɔɔ palɛ vuu naa yɔpɔ kpaasi, nɔɔ lasɛ zɔɔ yeti, a nɔɔ ti shing zɔɔ nyaa vuu waa ka bii. Nɔɔ gãng jĩng waasɛ̃ nɔɔ nɛ̀ɛ́ ningsi zɔɔ dɔ̃ɔ gbete.

Galati 5:20

Vaka bannang nɛɛ nvaa shaanang. Zang ri shing jĩng nɛɛ zɔɔ kpang, ri gaa nyaa, ri kaa sũnyaa, gnvɔ shàá ri, ri kasɛ vuu yuu ɓarɛ. Ri basɛ zɔɔ ka vaa vaa.

Galati 5:21

Ri shing jĩng ka vuu zɔɔ, ri ɓoo sàa, sàa palɛ ri, a ri gaarɛ zɔɔ ri shaa vuu shaanang dɔɔli nɛɛ rɛɛ zɔ̃ng vuu ɓɔɔ naa weɓe dɔɔli. N shaarɛ nɔɔ nyaa kãntang keɓe naa ɓɔɔ n shaarɛ nɔɔ tɔ ka tĩng ɓɛɛ, zang ɓɔɔ ri palɛ zɔ̃ng vuu keɓe, ri daa nɔng ɓɔɔ Laa roo kpanti kpang.

Galati 5:26

Ruu lakɛ jĩng kpang, ruu zarɛ zɔɔ kpang, ruu ti kaa sũnyaa nɛɛ zɔɔ kpang.

Galati 6:13

Naa doo zang ɓɔɔ ri yee shaa, ri dũng nyaa ɓɔɔ zang dang ɓɛɛ kpang. Ri kasɛ ɓarɛ nɛɛ nɔɔ yee shaa, nɛɛ tɔ̀ɔ ri tuu yuu ɓarɛ kati nɛɛ nɔɔ kasɛ tɔ zang yee nɔɔ shaa tɔ.

Filipi 1:15

Niizang, zang ɓɔɔ ri kagn, ri kɔɔ zang ruu ka yuu Yeesɔ Kirisi ka ruu ɓɔɔ ri kaa sũnyaa, a ri ti kasɛ nɛɛ ri shing zang, zang ri palɛ nyaa ɓɛɛ. A zang ɓɔɔ ri kɔɔ zang Ruu Laa ɓi ka ruu ɓɔɔ ri kasɛ nɛɛ ri pàlɛ́ zang tɔ̃ɔ ɓɛɛ.

Filipi 2:3

Nɔ́ɔ kàsɛ̀ wu yuu manɛ kɔ shɛ̃ɛning kpang, nɔ́ɔ ti tuu yuu manɛ kpang. Risi yuu ɓaaɓɛ naa vuu ɓɔɔ kpang, mɔɔ zì zang ɓɔɔ naa ri ɓa mɔɔ katɔ.

1 Timoti 2:4

Ka ruu ɓɔɔ, Laa kasɛ nɛɛ wu ta yuu zang piti, nɛɛ ri ti zi ruu ɓɔɔ niizang.

1 Timoti 6:4

Zang keɓe ɓi jĩng lakɛnang yee wu, zi vuu ɓɔɔ ɓi kpang. Kasɛ ɓi ruu nyaa laanang ka yuu ruu, nɛɛ nyaa ɓɔɔ zang haa dɔɔli ɓɛɛ. Shíng zang ri káa sũnyaa, ri bàsɛ́ zɔɔ, ri rang yee shi kpang ka yuu zɔɔ, ri dãa zɔɔ, ri rɛ̃rɛ vuu shi kpang ka yuu zɔɔ,

Titu 3:3

Ka ruu ɓɔɔ, ɓeleng ruu nɛɛ yuu ɓuru bɛ̀ɛ́ ruu palɛ vuu shoko, ruu ɓaa shoo ka nyaa Laa kpang, zang nwãarɛ ruu. Ruu nwang ɓuru jaafoo, vuu ɓɔɔ bii ɓuru kasɛ ɓɛɛ, nɛɛ vuu ɓɔɔ shingnɛ zang tãa tĩnang ɓɛɛ ka zɔ̃ng zɔ̃ng. Ruu sùúkãng ka nɔng vuu shi kpang palɛnang nɛɛ sũnyaa kaanang. Zang piti bɛ̃ɛ ruu katɔ, a ruu ti bɛ̃ɛ zang piti.

Yakubu 1:18

Wukɔ kasɛ nɛɛ yuu ɓiɓɛ, a shing rùu, rùu nwang wujɛ ɓiɓɛ, nɛɛ yee ɓiɓɛ ɓɔɔ niizang ɓɛɛ. Nɛɛ tɔ̀ɔ, ruu nwang kaa naa jamari rɛɛ vuu ɓɔɔ wu mã́arɛ̀ ɓɛɛ.

Yakubu 3:16

Ka ruu ɓɔɔ, nɔng ɓɔɔ sũnyaa kaanang nɛɛ nɔng ɓɔɔ zang ri kasɛ yuu ɓarɛ dɔɔli kagn, nɔng keɓe vɔ̃ɔtɔ ɓi kaa tɔ. A vuu shi kpang nwang ɓi ka nɔng dɔɔli.

Yakubu 5:19

Rɛɛ manzung, zang gbete ka teteng manɛ nɛɛ yaa gbalang ɓɔɔ niizang, a zang ɓɔɔ nɛɛ sɔɔrɔ wu tɔkn,