Yakubu 2:9 - Nyaa Shɔɔ Ɓɔɔ Laa a Ɓɛɛ

⁹ Nɔɔ nɛɛ pálɛ̀ vuu gn dang gbete, nɔɔ palɛ vuu shi kpang tɔ. Nɔɔ ti palɛ vuu shi kpang tɔ, ka ruu ɓɔɔ nɔɔ ta nyaa dannang Laa katɔ ɓɛɛ.

Yakubu 2:9 Σταυροειδείς Αναφορές

Yɔhana 16:8

Nɛɛ a tɔ, naa tusu zang koo rɛ̃rɛnang shi kpang ɓɔɔ ri rɛ̃rɛ ka yuu vuu shi kpang palɛnang, nɛɛ vuu tɔ̃ɔ ɓɔɔ Laa kasɛ ɓɛɛ, a ɓɔɔ ti naa ɓɔɔ Laa naa jɛ̃ɛ zang ruu ɓɛɛ, nɛɛ ri ning gbalang ɓarɛ katɔ.

Yɔhana 8:46

Zang gbete kagn teteng manɛ, ɓɔɔ túsù vuu shi kpang, ɓɔɔ nɔɔ tɔɔ n palɛ ɓɛɛ ya? N nɛɛ kɔ̀ɔ́ vuu ɓɔɔ niizang, a nɔɔ shing danggn ka bii mɛɛ kpang ka ruu viya?

Yɔhana 8:9

Ɓɔɔ ri tãa ruu keɓe, ri daarɛ nandon gbete gbete. Rɛɛ zang bang kɔ ri gaayu daarɛnang shɔɔnang. Zang yaa kaa Yeesɔ ka bm nɛɛ jaa soro bìí ka nɔng ɓɔɔ wu shii ɓɛɛ.

Zang Shonang Yeesɔ 10:34

A Bituru gaa tɔɔsung yee rannang kati tɔɔ, “Niizang, n zi tɔ kati nɛɛ Laa shɛ̃ɛrɛ zang ɓi kpang.

Rooma 3:20

Ka ruu nɔngkɔ, zang nwàng zang tɔ̃ɔ ɓi jong ka tĩng Laa ka ruu ɓɔɔ zang palɛ vuu ɓɔɔ nyaa dannang Laa kɔɔyi nɛɛ zang wu palɛ ɓɛɛ kpang. Nyaa ɓɔɔ Laa dangnɛ pùú zang ɓi jĩng, zang zi vuu shi kpang ɓɔɔ zang palɛ ɓɛɛ.

1 Koranti 14:24

A naa zang ɓɔɔ ri dũng Laa ri kɔɔrɔ vuu ɓɔɔ Laa tusu ri, naa zang ɓɔɔ ri zi vuu keɓe kpang nɛɛ zang ɓɔɔ dũng Yeesɔ Kirisi ɓi kpang, à ka nɔng. A tãa ruu ɓarɛ kaɓa nandon, ruu kaɓa tusu wu nɛɛ wu ɓi zang ɓɔɔ palɛ vuu shi kpang ɓɛɛ. Ruu kaɓa, ri dɔng wu ruu katɔ.

Galati 2:19

Ɓi rɛɛ nyaa dannang keɓe kɔ shingnɛ n zirɛ nɛɛ n vɔ katɔ, ka ruu ɓɔɔ, n dũng ri nandon kpang ɓɛɛ. Ka ruu nɔngkɔ, n shing danggn tɔ̀ɔ́ ka ri kpang, tɔ̀ɔ, n walɛ suru bii ka bii Laa.

1 Yɔhana 3:4

Zang ɓɔɔ palɛ vuu shi kpang, ɓa nyaa ɓɔɔ Laa dang ɓɛɛ, ka ruu ɓɔɔ, nyaa ɓɔɔ Laa dangnɛ ɓanang, zang ɓaa wukɔ nɛɛ vuu shi kpang ɓɛɛ.

Yahuza 1:15

Wu naa jɛ̃ɛ zang nandon ruu, wu dɔ̀ng zang ɓɔɔ ri palɛ vuu shi kpang, ɓɔɔ ri dũng Laa kpang ɓɛɛ ruu, ka ruu vuu shi kpang ɓɔɔ ri palɛ ka gbalang ɓarɛ ɓɛɛ. A ɓɔɔ ti ka vuu shi kpang ɓɔɔ zang ɓɔɔ ri dũ̀ng Laa kpang keɓe ri kɔɔrɔ ka yuu Laa ɓɛɛ.”