Yakubu 2:26 - Nyaa Shɔɔ Ɓɔɔ Laa a Ɓɛɛ

²⁶ Ka ruu nɔngkɔ, naa ɓɔɔ Suru nɛɛ ka bii kpang, bii ɓi kaa vɔrɔ. Mɔɔ nɛɛ palɛ shonang ɓɔɔ tusu zang nɛɛ mɔɔ shing danggn ka bii Laa kpang, danggn shinnang ɓaaɓɛ vɔ ɓi doo katɔ kɔ.

Yakubu 2:26 Σταυροειδείς Αναφορές

Luka 23:46

Yeesɔ kaa nyaa ka lapa nɛɛ, “Daa mɛɛ, n a mɔɔ Suru bii mɛɛ tɔ ka naa ɓaaɓɛ.” Kɔɔ naa weɓe, a vɔrɛ.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

Yakubu 2:14

Manzung, zang ɓɔɔ nɛɛ kɔɔyi nɛɛ wu shing danggn tɔ ka bii Laa, a pálɛ̀ shonang ɓɔɔ Laa kasɛ ɓɛɛ kpang, danggn shinnang keɓe nwǎng wu viya? Ta yuu ɓiɓɛ katɔ ya?

Yakubu 2:17

Ka ruu nɔngkɔ, danggn shinnang ka bii Laa ɓi doo nɔngkɔ, mɔɔ nɛɛ palɛ shonang ɓɔɔ tusu zang nɛɛ mɔɔ shing danggn ka bii Laa kpang, danggn shinnang ɓaaɓɛ nwang mɔɔ vuu ɓɔɔ ɓi kpang.

Yakubu 2:20

Zang ɓɔɔ zũng kpang kiɓi, mɔɔ zi kpang nɛɛ danggn shinnang nɛɛ tusu bii nɛɛ shonang ɓɔɔ wu palɛ ɓɛɛ kpang, nwang ɓi waati kpang ya?