Yakubu 2:21 - Nyaa Shɔɔ Ɓɔɔ Laa a Ɓɛɛ

²¹ Danggn dabang ɓuru Ibirayi ɓɔɔ nwang zang tɔ̃ɔ ka tĩng Laa ka ruu shonang ɓiɓɛ wu ning nɔɔ kpang. Ibirayi tɔɔ wu dɔɔ jaa gbete ɓiɓɛ Ishaaku ka yuu nɔng ɓɔɔ zang dɔɔ Laa vuu vaa kagn ɓɛɛ.

Yakubu 2:21 Σταυροειδείς Αναφορές

Matiyu 12:37

Laa naa yaa mɔɔ náa ɓi doo nɛɛ yee ɓɔɔ mɔɔ rang ka koo keɓe kɔ. Laa ti naa dɔng mɔɔ ruu ɓi doo nɛɛ yee ɓɔɔ mɔɔ rang ɓɛɛ kɔ.”

Matiyu 3:9

“Nɔ́ɔ shing danggn manɛ nɛɛ nɔɔ naa wɔ jĩng dannang kaɓa katɔ, ka ruu ɓɔɔ, nɔɔ manɛ wujɛ Ibirayi ɓɛɛ kpang. N kɔɔ nɔɔ, Kpanti Laa zunung ɓɔɔ wu nwàngsɛ́ Ibirayi jaa nɛɛ tari kɔ ka tipi ɓee katɔ.

Luka 1:73

Vuu ɓɔɔ wu tũng daa ɓuru Ibirayi ɓɛɛ,

Luka 16:24

A ɓaa nyaa tɔɔ, ‘Dada Ibirayi, gn mɛɛ wu kɔng mɔɔ jong. Shong Liyazaru wu hãa yuu paa saa naa ka mii wu sɔ̃sɔ m ka nyaa, ka ruu ɓɔɔ, waa tɔ̃̀ɔrɔ m shoo kana ɓɛɛ.’

Luka 16:30

Yɔɔ ti kɔɔ tɔkn tɔɔ, ‘Kpang, dada Ibirayi, naa zang ɓɔɔ vɔ katɔ, yupaa nɛɛ sàa, daa ka bii ɓarɛ, ri yaa vuu shi kpang palɛnang katɔ, ri kɔ̃sɔ yeti ɓarɛ.’

Yɔhana 8:39

Ri kasɛ wu nyaa tɔɔ, “Daa ɓuru ɓi Ibirayi.” Yeesɔ kasɛ ri nyaa tɔɔ, “Naa nɔɔ nɛɛ wujɛ Ibirayi, nɔɔ nɛɛ palɛ vuu ɓɔɔ Ibirayi pálɛ́ ɓɛɛ.

Yɔhana 8:53

Mɔɔ ɓa dabang ɓuru Ibirayi ɓɔɔ vɔ ɓɛɛ, ɓu kaa tɔ ya? Rɛɛ zang nyaa shonang Laa, ri ti vɔlɔ jong. Mɔɔ ɓaa ɓu ka wiya?”

Zang Shonang Yeesɔ 7:2

Istifanu kasɛ wu nyaa tɔɔ, “Rɛɛ manzung nɛɛ rɛɛ daa mɛɛ, nɔɔ ɓaa shoo. Laa ɓɔɔ wukɔ ɓa zang piti bannang ɓɛɛ, nwang nyaa ka bii dabang ɓuru Ibirayi, bɛ̀ɛ́ wu doo ka tipi Masopotaami. Bɛ̀ɛ́ daa nwang gn ka gari Haran kpang.

Rooma 3:20

Ka ruu nɔngkɔ, zang nwàng zang tɔ̃ɔ ɓi jong ka tĩng Laa ka ruu ɓɔɔ zang palɛ vuu ɓɔɔ nyaa dannang Laa kɔɔyi nɛɛ zang wu palɛ ɓɛɛ kpang. Nyaa ɓɔɔ Laa dangnɛ pùú zang ɓi jĩng, zang zi vuu shi kpang ɓɔɔ zang palɛ ɓɛɛ.

Rooma 4:1

Ruu kɔɔ ɓu kaa vi ka yuu Ibirayi dabang rɛɛ dabang ɓuru viya?

Rooma 4:12

Ibirayi ti doo dabang zang ɓɔɔ zang yee ri shaa katɔ kɔ. Wu ka ruu ɓɔɔ, zang yee ri shaa katɔ kɔ shɛ̃ɛning kpang. Ka ruu ɓɔɔ ri nwangnɛ, ri shing danggn ka bii Laa naa ɓɔɔ dabang ɓuru Ibirayi nwangnɛ bɛ̀ɛ́ zang yee wu shaa gn kpang ɓɛɛ.

Rooma 4:16

Ka ruu nɔngkɔ, vuu di yuu ɓi ka danggn ɓɔɔ zang shing ka bii Laa ɓɛɛ. Tɔ̀ɔ, Laa wu palɛ vuu ɓɔɔ wu a nyaa nɛɛ wu palɛ ɓɛɛ kati, ka ruu ɓɔɔ Laa palɛ tɔ̃ɔ katɔ ɓɛɛ. Laa a nyaa keɓe wu ka ruu zɔ̃ng Ibirayi ɓɔɔ ri dũng nyaa ɓɔɔ Laa dangnɛ ɓɛɛ kpang. Ɓi ɓɔɔ zang piti ɓɔɔ ri zɔ̃ng Ibirayi ka ruu ɓɔɔ ri shing danggn naa ɓɔɔ wu shing ɓɛɛ. Ibirayi ɓi kaa dabang ɓuru nandon.

Yahudi 11:17

Ka ɓɔɔ Laa gãsɛ Ibirayi, danggn shinnang ɓiɓɛ kɔ shing wu, a á Laa jaa ɓiɓɛ, Ishaaku, nàá vuu vàa ɓɔɔ zang dɔ̀ɔ́ Laa ɓɛɛ. Ibirayi ɓi zang ɓɔɔ tãa nyaa ɓɔɔ Laa álɛ wu tɔ, a kasɛ nɛɛ wu dɔ̀ɔ́ Laa jaa gbete ganggang ɓiɓɛ naa vuu vàa.

Yakubu 2:18

Zang ɓɔɔ kɔɔ ɓi nɛɛ, “Zang keɓe shing ɓi danggn ka bii Laa, a zang kaɓa palɛ ɓi vuu ɓɔɔ Laa kasɛ ɓɛɛ.” N kasɛ wu nyaa nɛɛ, “Zang ɓɔɔ zunung danggn shinnang katɔ, ka bii Laa a palɛ vuu tɔ̃ɔ kpang ya? N tusu mɔɔ nɛɛ n shing danggn ka bii Laa ka vuu ɓɔɔ n palɛ ɓɛɛ.”

Yakubu 2:24

Mɔɔ zi tɔ waa, shɔnzang nwáng zang tɔ̃ɔ ka tĩng Laa nɛɛ shonang jong. Wu nɛɛ danggn shinnang kɔ shɛ̃ɛning kpang.