Yakubu 2:18 - Nyaa Shɔɔ Ɓɔɔ Laa a Ɓɛɛ

¹⁸ Zang ɓɔɔ kɔɔ ɓi nɛɛ, “Zang keɓe shing ɓi danggn ka bii Laa, a zang kaɓa palɛ ɓi vuu ɓɔɔ Laa kasɛ ɓɛɛ.” N kasɛ wu nyaa nɛɛ, “Zang ɓɔɔ zunung danggn shinnang katɔ, ka bii Laa a palɛ vuu tɔ̃ɔ kpang ya? N tusu mɔɔ nɛɛ n shing danggn ka bii Laa ka vuu ɓɔɔ n palɛ ɓɛɛ.”

Yakubu 2:18 Σταυροειδείς Αναφορές

Rooma 14:23

Naa nɛɛ zì kpang, nɛɛ vuu kɔ wu shaa ɓee, naa wu pálɛ̀ vuu shi kpang ya, naa wu palɛ vuu tɔ̃ɔ ya ɓɛɛ. Naa shaayi, Laa dɔng wu ruu katɔ, nɛɛ wu palɛ vuu shi kpang tɔ. Ka ruu ɓɔɔ palɛ vuu keɓe, ka ruu ɓɔɔ ka doo danggn ɓɔɔ wu shing kpang ɓɛɛ. Vuu piti ɓɔɔ zang palɛ ka doo danggn ɓɔɔ zang shingnɛ, nɛɛ vuu bìí tɔ̃ɔ ɓɛɛ kpang, zang keɓe palɛ vuu shi kpang ɓi tɔ.

Rooma 3:28

Ka ruu ɓɔɔ, ruu di nyaa ruu tɔ nɛɛ, shɔnzang raa zang tɔ̃ɔ ka tĩng Laa ka ruu danggn ɓɔɔ wu shingnɛ kɔ gbete, wu ka ruu ɓɔɔ wu palɛ vuu ɓɔɔ nyaa dannang Laa kɔɔyi nɛɛ zang palɛ kpang ɓɛɛ.

Rooma 4:6

Dawuda ti kɔɔ ruu doo nɔngkɔ, ka yuu tĩnang zang piti ɓɔɔ Laa ta wu, nɛɛ wu zang tɔ̃ɔ. Wu ka ruu shonang tɔ̃ɔ ɓɔɔ wu palɛ ɓɛɛ kpang ɓɛɛ. Dawuda kɔɔyi tɔɔ,

Rooma 8:1

Zang ɓɔɔ ri nwang tɔ gbete nɛɛ Yeesɔ Kirisi, Laa dɔng ri ruu ɓarɛ takpang.

Rooma 9:19

Zang gbete ka teteng manɛ hɛ̃ɛ m katɔ nɛɛ, “Laa nɛɛ palɛ vuu ɓi nɔngkɔ ɓɛɛ, kɔ̀ɔ́ ka ruu vi nɛɛ, ruu palɛ vuu shi kpang tɔ viya? Wi zunung ɓɔɔ wu bɛ̃ɛ vuu ɓɔɔ Laa kasɛ palɛnang wiya?”

1 Koranti 13:2

Naa Laa a m naa vuu palɛnang, naa ɓɔɔ n kɔɔrɔ vuu ɓɔɔ Laa tusu m ɓɛɛ. Naa n ti zi vuu piti. Vuu ɓɔɔ Laa waasɛ katɔ ka yuu ɓiɓɛ n ti zi tɔ jong. Naa Laa a m dòo zɔ̃ng danggn shinnang ɓɔɔ naa n zunung katɔ, n kɔɔ kɔpɔ wu dɔ̃sɔ ka nɔng ɓɔɔgn. Naa n kasɛ zang kpang, n m vuu ɓɔɔ kpang tingkiring.

2 Koranti 5:17

Ka ruu nɔngkɔ, zang ɓɔɔ nɛɛ ɓakɛ yuu ɓiɓɛ tɔ nɛɛ Yeesɔ Kirisi, ɓi kaa zang shɔɔ. Gbalang nwannang gbaala ɓiɓɛ ɓa ɓi tɔ. Nwannang ka gbalang shɔɔ gaayu tɔ.

2 Koranti 7:1

Rɛɛ masang ɓɔɔ n kasɛ nɔɔ dɔɔli ɓɛɛ, Laa a nyaa keɓe nandon ka ruu ɓuru kɔ. Ka ruu nɔngkɔ, ruu yiti yuu ɓuru tɔ̃ɔ. Ruu yaa vuu piti ɓɔɔ shingnɛ, bii nɛɛ yeti ɓuru nwang shi kpang ka tĩng Laa ɓɛɛ. Ruu a Laa bannang, ruu a wu yuu ɓuru, ruu nwáng kaa zang ɓiɓɛ dɔ̃ɔ gbete.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

1 Timoti 1:5

N kɔɔ mɔɔ nɔngkɔ, tɔ̀ɔ, ruu kasɛ ruu zɔɔ nɛɛ zɔɔ kasɛnang ɓɔɔ nwang nɛɛ yeti ɓɔɔ vuu shi kpang kagn kpang ɓɛɛ. Ruu ti kasɛ ruu zɔɔ nɛɛ rɛ̃rɛnang ɓɔɔ shi kpang kagn kpang ɓɛɛ. A ɓɔɔ nɛɛ danggn ɓɔɔ niizang keɓe ɓɔɔ ruu shing ka bii Yeesɔ Kirisi ɓɛɛ.

Titu 2:7

Ka vuu ɓɔɔ mɔɔ palɛ piti, tusu yuu ɓaaɓɛ, mɔɔ nwang zang ɓɔɔ zang kpɛ̃ɛrɛ vuu ka bii ɓiɓɛ ɓɛɛ. Tusu zang vuu nɛɛ yeti gbete, mɔɔ ti pĩiri nɛɛ vuu ɓɔɔ mɔɔ tusu zang ɓɛɛ kpang.

Yahudi 11:31

Danggn shinnang Rahab, jaa soro ɓɔɔ rakɛ wàázaa ɓɛɛ, shingnɛ, zang nyɔ wu vɔrɔ, ɓi nɛɛ zang ɓɔɔ ri dũng nyaa Laa kpang ɓɛɛ kpang. Ka ruu ɓɔɔ, ta zang Isirela waasɛ̃ ka gãa ɓiɓɛ, ka ɓɔɔ ri daayi nɛɛ ri daa zili nwannang zang gari Jeriko ɓɛɛ.

Yahudi 11:33

Ɓɔɔ ri, ka ruu danggn shinnang ɓarɛ, ri shaa rɛɛ tipi kpanti dɔɔli nɛɛ sĩiri ɓɛɛ. Ri dɔ̀ng zang ruu gn dang gbete kpang, a ri walɛ vuu ɓɔɔ zang a nyaa ka yuu ɓarɛ ɓɛɛ. Zang ɓɔɔ ri nɔɔ nyaa zing.

Yahudi 11:6

Naa zang shing danggn ka bii Laa kpang, zang pálɛ̀ vuu ɓɔɔ Laa tãa tĩnang zang kpang. Ka ruu ɓɔɔ, zang piti ɓɔɔ a ka bii Laa, wu shíng danggn katɔ nɛɛ Laa kagn, wu ti shing danggn nɛɛ Laa a zang ɓɔɔ ri kãa wu vuu katɔ.

Yakubu 2:14

Manzung, zang ɓɔɔ nɛɛ kɔɔyi nɛɛ wu shing danggn tɔ ka bii Laa, a pálɛ̀ shonang ɓɔɔ Laa kasɛ ɓɛɛ kpang, danggn shinnang keɓe nwǎng wu viya? Ta yuu ɓiɓɛ katɔ ya?

Yakubu 3:13

Ɓu wi zũng dɔɔli, a ti zi vuu dɔɔli ka teteng manɛ wiya? Wu palɛ vuu ɓɔɔ tɔ̃ɔ wu ti lakɛ jĩng kpang, tɔɔ zang zi zũnang ɓiɓɛ kati.