Yakubu 2:14 - Nyaa Shɔɔ Ɓɔɔ Laa a Ɓɛɛ

¹⁴ Manzung, zang ɓɔɔ nɛɛ kɔɔyi nɛɛ wu shing danggn tɔ ka bii Laa, a pálɛ̀ shonang ɓɔɔ Laa kasɛ ɓɛɛ kpang, danggn shinnang keɓe nwǎng wu viya? Ta yuu ɓiɓɛ katɔ ya?

Yakubu 2:14 Σταυροειδείς Αναφορές

Matiyu 5:20

N kɔɔ nɔɔ naa tɔ̃ɔ manɛ ɓá ɓɔ̀ɔ́ zang ɓɔɔ ri tusu zang labeenang nɛɛ ɓɔ̀ɔ́ zang Farisi kpang, nɔɔ naa daa manɛ ka nɔng ɓɔɔ Laa naa roo kpanti kpang tingkiring.”

Luka 3:11

A kasɛ ri nyaa tɔɔ, “Zang ɓɔɔ fɔ̃ɔrɔ ɓiɓɛ ziti, wu a zang ɓɔɔ fɔ̃ɔrɔ ɓiɓɛ kagn kpang, gbete. Zang ɓɔɔ vuu shaanang ɓiɓɛ kagn wu basɛ doo nɔngkɔ nɛɛ zang ɓɔɔ vuu shaanang ɓiɓɛ kagn kpang ɓɛɛ.”

Luka 6:49

A zang ɓɔɔ tãa yee mɛɛ, a palɛ vuu ɓɔɔ n kɔɔ ɓɛɛ kpang, nwang naa zang ɓɔɔ shu too gãa ka takpang ɓɛɛ. Loo doo gãa ɓiɓɛ ka tipi waati. Diki ɓɔɔ mii rang kpayi nyɔ ka bii gãa, gãa kaɓa tantɛ watɛnang. Watɛnang ɓiɓɛ shing baabii kagn kɛɛm.”

Zang Shonang Yeesɔ 15:9

Basɛ teteng ɓarɛ nɛɛ ruu kpang. Yàa ri gbalang vuu shi kpang ɓarɛ, ka ruu ɓɔɔ, ri shing danggn ka bii ɓiɓɛ ɓɛɛ.

Zang Shonang Yeesɔ 8:13

Siman nɛɛ yuu ɓiɓɛ shing danggn jong ka knti ɓɔɔ zang palɛ wu batizima tɔ, ràkɛ́ kaa nɛɛ Filibu diki diki. Siman mã naa ka danggn, ka ruu vuu ɓɔɔ zang zirɛ zang mã naa ka danggn ɓɔɔ wu zìlí Filibu palɛ ɓɛɛ.

Zang Shonang Yeesɔ 8:21

Ruu ɓaaɓɛ hãa ɓi kagn ka shonang keɓe kpang, ka ruu ɓɔɔ, yeti ɓaaɓɛ ɓi tɔ̃ɔ ka tĩng Laa kpang ɓɛɛ.

Rooma 2:25

Nɔɔ nɛɛ dũng nyaa ɓɔɔ Laa dang ɓɛɛ katɔ, shaa yeenang manɛ tɔ̃ɔ. Nɔɔ nɛɛ ta nyaa ɓɔɔ Laa dang ɓɛɛ katɔ, nɔɔ nɛ̀ɛ́ yee shaa kpang gbã̀ágbãa.

1 Koranti 15:2

Laa ti tá yuu manɛ kana ka ruu ruu kaɓa, nɔɔ nɛɛ dũng vuu ɓɔɔ n kɔɔ nɔɔ nɛɛ yeti gbete ɓɛɛ. Nɔɔ nɛɛ ti zi vuu ɓɔɔ nɔɔ shing danggn kagn tɔ niizang ɓɛɛ.

1 Koranti 16:22

Zang ɓɔɔ nɛɛ kagn ɓɔɔ kasɛ ruu Kpanti Yeesɔ Kirisi kpang, Laa wu shingnɛ wu shaarɛ dòndòng. Kpanti ɓuru Yeesɔ Kirisi, a ta.

Galati 5:13

Ɓɔɔ manɛ ɓɛɛ, rɛɛ manzung, zang ɓaa nɔɔ nyaa nɛɛ nɔ́ɔ nwang zang ɓɔɔ ri jaafoo kpang ɓɛɛ. A nɔɔ yaayi nwannang manɛ keɓe, wu yàa nɔɔ gbalang vuu ɓɔɔ bii shɔnzang manɛ kasɛ ɓɛɛ palɛnang kpang. Zɔɔ kasɛnang wu shing nɔɔ katɔ kɔ jong, nɔ́ɔ pàlɛ́ zɔɔ shonang.

Galati 5:6

Ruu nɛɛ ɓakɛ yuu tɔ nɛɛ Yeesɔ Kirisi, naa ruu yee shaa katɔ, naa ruu yee doo kpang, palɛ vuu ɓɔɔ ɓi kpang tingkiring. Vuu ɓɔɔ zang kasɛ ɓi danggn shinnang ɓɔɔ shing mɔɔ, mɔɔ kasɛ zang ɓɛɛ.

1 Tesalonika 1:3

Diki ɓɔɔ ruu gaa Laa ɓuru ɓɔɔ wukɔ ti Daa ɓuru ɓɛɛ, danggn manɛ ning ruu kpang. Ruu ɓaa nung manɛ ka naa ɓɔɔ nɔɔ túsù danggn ɓɔɔ nɔɔ shing ɓɛɛ ka vuu ɓɔɔ nɔɔ palɛ ɓɛɛ. Naa ɓɔɔ nɔɔ palɛ shonang gbãng gbãng, ka ruu ɓɔɔ nɔɔ kasɛ Kpanti Yeesɔ Kirisi katɔ ɓɛɛ. A ɓɔɔ ti naa ɓɔɔ gn ɓɔɔ nɔɔ shing ka bii Kpanti ɓuru Yeesɔ Kirisi ruutu kpang tingkiring ɓɛɛ.

1 Timoti 1:5

N kɔɔ mɔɔ nɔngkɔ, tɔ̀ɔ, ruu kasɛ ruu zɔɔ nɛɛ zɔɔ kasɛnang ɓɔɔ nwang nɛɛ yeti ɓɔɔ vuu shi kpang kagn kpang ɓɛɛ. Ruu ti kasɛ ruu zɔɔ nɛɛ rɛ̃rɛnang ɓɔɔ shi kpang kagn kpang ɓɛɛ. A ɓɔɔ nɛɛ danggn ɓɔɔ niizang keɓe ɓɔɔ ruu shing ka bii Yeesɔ Kirisi ɓɛɛ.

1 Timoti 4:8

Pĩirinang ɓi tɔ̃ɔ, ka ruu ɓɔɔ, shing bii ɓaaɓɛ lakɛ katɔ ɓɛɛ. Naa mɔɔ kpɛ̃ɛrɛ yuu ɓaaɓɛ vuu Suru Laa, nwang mɔɔ tɔ̃ɔ, ka gbalang naa bm bm. Nwǎng mɔɔ tɔ̃ɔ ka nwannang ɓuru kãntang keɓe, ti naa nwàng mɔɔ tɔ̃ɔ ka ɓɔɔ koo naa waa nyaa ɓɛɛ.

Titu 1:16

Ri kɔ̀ɔ́ ɓarɛ nɛɛ ri zi Laa tɔ, a vuu ɓɔɔ ri palɛ tusu kaa nɛɛ ri zi Laa nung kpang. Ri ɓarɛ vuu ɓɔɔ zang bɛ̃ɛ katɔ ɓɛɛ, ri ɓaa shoo ka nyaa zang kpang, ri daa naa vuu tɔ̃ɔ palɛnang ɓarɛ kpang tingkiring.

Titu 3:8

Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.

Yahudi 11:17

Ka ɓɔɔ Laa gãsɛ Ibirayi, danggn shinnang ɓiɓɛ kɔ shing wu, a á Laa jaa ɓiɓɛ, Ishaaku, nàá vuu vàa ɓɔɔ zang dɔ̀ɔ́ Laa ɓɛɛ. Ibirayi ɓi zang ɓɔɔ tãa nyaa ɓɔɔ Laa álɛ wu tɔ, a kasɛ nɛɛ wu dɔ̀ɔ́ Laa jaa gbete ganggang ɓiɓɛ naa vuu vàa.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

Yakubu 1:16

Rɛɛ manzung ɓɔɔ n kasɛ ruu manɛ dɔɔli ɓɛɛ, zang wu nwãarɛ nɔɔ kpang.

Yakubu 2:16

A zang gbete ka teteng manɛ kɔɔ wu nɛɛ, “Laa wu yi mɔɔ naa kagn mɔɔ walɛ fɔ̃ɔrɔ nɛɛ vuu shaanang,” a nɔɔ a wu vuu ɓɔɔ wu kasɛ ɓɛɛ kpang, nɔɔ pálɛ̀ ɓu vuu tɔ̃ɔ ya?

Yakubu 2:18

Zang ɓɔɔ kɔɔ ɓi nɛɛ, “Zang keɓe shing ɓi danggn ka bii Laa, a zang kaɓa palɛ ɓi vuu ɓɔɔ Laa kasɛ ɓɛɛ.” N kasɛ wu nyaa nɛɛ, “Zang ɓɔɔ zunung danggn shinnang katɔ, ka bii Laa a palɛ vuu tɔ̃ɔ kpang ya? N tusu mɔɔ nɛɛ n shing danggn ka bii Laa ka vuu ɓɔɔ n palɛ ɓɛɛ.”

Yakubu 2:26

Ka ruu nɔngkɔ, naa ɓɔɔ Suru nɛɛ ka bii kpang, bii ɓi kaa vɔrɔ. Mɔɔ nɛɛ palɛ shonang ɓɔɔ tusu zang nɛɛ mɔɔ shing danggn ka bii Laa kpang, danggn shinnang ɓaaɓɛ vɔ ɓi doo katɔ kɔ.

2 Bituru 1:5

Ka ruu nɔngkɔ, wee nɔɔ shing danggn tɔ ka bii Yeesɔ Kirisi ɓee, nɔɔ gisi nwannang tɔ̃ɔ kaa gn, nɔ́ɔ ti gisi zũnang ka yuu nwannang tɔ̃ɔ manɛ.