Yakubu 2:1 - Nyaa Shɔɔ Ɓɔɔ Laa a Ɓɛɛ

¹ Manzung, nɔ́ɔ palɛ vuu dang gbete kpang. Ka ruu ɓɔɔ, nɔɔ shing danggn tɔ ka bii kpanti Yeesɔ Kirisi ɓɔɔ zang a wukɔ bannang ɓa zang piti ɓɛɛ.

Yakubu 2:1 Σταυροειδείς Αναφορές

Matiyu 22:16

A ri shong zang ɓɔɔ ri mantɛ vuu ka bii ɓarɛ nɛɛ zang ɓɔɔ dũng knti Kpanti Hiridu tɔɔ, ri daa kɔɔ Yeesɔ nɛɛ, “Maalang, ruu zi tɔ, mɔɔ suu see ɓáa kpang. Mɔɔ tùsú zang ɓáa vuu ɓɔɔ niizang, ɓɔɔ Laa kasɛ nɛɛ zang wu palɛ ɓɛɛ. Ruu ɓaaɓɛ hãa ɓi kagn nɛɛ vuu ɓɔɔ shɔnzang rɛ̃rɛ ɓɛɛ kpang, ka ruu ɓɔɔ, mɔɔ ti shɛ̃ɛrɛ zang ɓáa kpang ɓɛɛ.

Zang Shonang Yeesɔ 10:34

A Bituru gaa tɔɔsung yee rannang kati tɔɔ, “Niizang, n zi tɔ kati nɛɛ Laa shɛ̃ɛrɛ zang ɓi kpang.

Zang Shonang Yeesɔ 20:21

N shaarɛ rɛɛ zang Yahudi nɛɛ zang ɓɔɔ ri zang Isirela kpang nyaa nandon, n tɔɔ ri yaa vuu shi kpang ɓɔɔ ri palɛ ɓɛɛ. Ri kɔ̃sɔ yeti ɓarɛ, ri a ka bii Laa. Ri shing danggn kaa bii Kpanti ɓuru Yeesɔ.

Zang Shonang Yeesɔ 24:24

Diki bee tɔ tɔkɔlɔng Filiku a nɛɛ ɓeeso Durusila ɓɔɔ ɓi zang Yahudi ɓɛɛ. A shong nyaa nɛɛ zang atɛ Bulu, a ri ɓaa shoo ri tãa naa ɓɔɔ Bulu kɔɔ ri ruu, ka ruu danggn shinnang ka bii Kirisi Yeesɔ.

Zang Shonang Yeesɔ 7:2

Istifanu kasɛ wu nyaa tɔɔ, “Rɛɛ manzung nɛɛ rɛɛ daa mɛɛ, nɔɔ ɓaa shoo. Laa ɓɔɔ wukɔ ɓa zang piti bannang ɓɛɛ, nwang nyaa ka bii dabang ɓuru Ibirayi, bɛ̀ɛ́ wu doo ka tipi Masopotaami. Bɛ̀ɛ́ daa nwang gn ka gari Haran kpang.

Rooma 1:11

N kasɛ nɔɔ zinang katɔ gbãng gbãng, tɔ̀ɔ, n a nɔɔ vuu ɓɔɔ Suru Laa alɛ zang ɓɛɛ. Tɔ̀ɔ, wu mã nɔɔ danggn kati.

1 Koranti 2:8

Zang ɓɔɔ kagn gbete, ka teteng zang ɓɔɔ ri roo kpanti ka koo keɓe ɓɔɔ zi zũnang keɓe kagn ɓɛɛ kpang. Naa ri nɛɛ zi katɔ, ri nɛɛ ɓáa Kpanti Yeesɔ Kirisi ɓɔɔ wukɔ ɓa zang bannang piti, naa ka laa kpang.

Kolosi 1:4

Ka ruu ɓɔɔ, ruu tã̀a nyaa danggn ɓɔɔ nɔɔ shing ka bii Yeesɔ Kirisi tɔ, a ɓɔɔ naa ɓɔɔ nɔɔ kasɛ ruu zang Laa nandon ɓɛɛ.

1 Timoti 1:19

Mɔɔ ti yiti danggn ɓɔɔ mɔɔ shing ɓɛɛ, rɛ̃rɛnang ɓaaɓɛ, wu ti nwang tɔ̃ɔ. Zang ɓɔɔ ri yáa danggn ɓɔɔ ri shing ka bii Yeesɔ ɓɛɛ tɔ, ka ruu ɓɔɔ, ri ɓaa shoo ka vuu ɓɔɔ rɛ̃rɛnang ɓarɛ kɔɔ ri kpang ɓɛɛ.

1 Timoti 5:21

N gaa mɔɔ nɛɛ nung Laa, nɛɛ ɓɔɔ Yeesɔ Kirisi nɛɛ rɛɛ zang nyaa shonang Laa ɓɔɔ ka lapa ɓɔɔ Laa shɛ̃ɛrɛ ri katɔ ɓɛɛ. N kɔɔ mɔɔ, mɔɔ dũ̀ng nyaa kɔ n dang mɔɔ ɓee. Ka vuu ɓɔɔ mɔɔ palɛ nandon, mɔɔ shɛ̃ɛrɛ zang katɔ kpang, mɔɔ pálɛ̀ vuu gn dang gbete kpang.

Titu 1:1

Labeenang keɓe nɛɛ bii mɛɛ nkɔ Bulu, zang ɓɔɔ pàlɛ́ Laa shonang, n ti zang shonang Yeesɔ Kirisi ɓɛɛ. Laa zɔ̃ng m nɛɛ n nwang zang shonang ɓiɓɛ, a shong m nɛɛ n yi zang ɓɔɔ Laa zɔ̃ng ri katɔ naa ka bii, ri shing danggn gbãng gbãng. N ti shing ri, ri zi vuu ɓɔɔ niizang ɓɔɔ shingnɛ ri nwang nwannang ɓɔɔ Laa kasɛ ɓɛɛ.

Titu 2:13

Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

Yahudi 1:3

Jaa keɓe, nɔng yakɛnang bannang Laa kagn bii ɓiɓɛ. Rùu ti zi naa ɓɔɔ Laa nwàng ɓɛɛ, ka bii ɓiɓɛ kɔ dɔ̃ɔ gbete. Wukɔ ti yiti koo nɛɛ naa vuu palɛnang ruu ɓiɓɛ. Ka knti ɓɔɔ wu sɔɔ zang vuu shi kpang ɓarɛ tɔ, daa nwàng ka nɔng nwannang ɓiɓɛ ka lapa, ka nakn Laa ɓɔɔ ɓa zang piti katɔ ɓɛɛ.

Yahudi 12:2

Ruu shing nɔɔ jĩng ka bii Yeesɔ ɓɔɔ wukɔ tusu ruu naa ɓɔɔ ruu shing danggn, ti shingnɛ danggn shinnang ɓuru wu nwang nyaa kiiri ɓɛɛ. Zang ɓɔɔ, ka ruu tĩnang ɓɔɔ Laa naa a wu ka tĩng, mã danggn ka ɓɔɔ zang ɓaa wu naa ka laa ɓɛɛ. Yee laa ka yusɛ̃ɛ náa ɓɔɔ zang ɓaa wu ɓɛɛ kpang, a daa nwàng ka nakn laa nwannang Kpanti Laa.

Yakubu 1:16

Rɛɛ manzung ɓɔɔ n kasɛ ruu manɛ dɔɔli ɓɛɛ, zang wu nwãarɛ nɔɔ kpang.

Yakubu 1:19

Rɛɛ manzung ɓɔɔ n kasɛ ruu manɛ dɔɔli ɓɛɛ, danggn wu ning nɔɔ vuu keɓe kpang. Nɔɔ ɓaa shoo waasɛ̃, nɔ́ɔ tãa ruu pati, nɔ́ɔ kɔlɔ nyaa kaa tɔ̀ɔ́ nɔng yee rannang kpang. Nɔ́ɔ ti see gnvɔ pati kpang.

Yakubu 2:3

A nɔɔ yee zang ɓɔɔ hãa fɔ̃ɔrɔ tɔ̃ɔ laa ka bii. Nɔɔ kɔɔ wu nɛɛ, “Arɛ mɔɔ nwang ka nɔng tɔ̃ɔ keɓe.” A nɔɔ kɔ̀ɔ zang ɓɔɔ ɓi zang ying kpang ɓɔɔ hãa sɛ̃ɛ fɔ̃ɔrɔ ka bii ɓɛɛ nɛɛ, “Shii nɛɛ kaaɓa,” nɔɔ nɛɛ kɔ̀ɔ wu nɔngkɔ kpang, nɔɔ kɔ̀ɔ́ wu nɛɛ, “Nwang ka tipi ka nɔngkɔ.”

Yakubu 2:9

Nɔɔ nɛɛ pálɛ̀ vuu gn dang gbete, nɔɔ palɛ vuu shi kpang tɔ. Nɔɔ ti palɛ vuu shi kpang tɔ, ka ruu ɓɔɔ nɔɔ ta nyaa dannang Laa katɔ ɓɛɛ.

Yakubu 3:17

Zũnang ɓɔɔ a nɛɛ bii Laa ɓi náabm̀. Zang ɓɔɔ zũnang keɓe kagn yeti ɓiɓɛ, shi kpang nwang ɓi ka bii ɓiɓɛ kpang. Zũnang keɓe, shing zang, zang kasɛ nwannang ka bii zɔɔ, palɛ vuu ɓi hakaka kpang, yi wusang ɓi dɔɔli, gn zang kɔng wu dɔɔli, a ti palɛ vuu tɔ̃ɔ dɔɔli. Pálɛ̀ vuu ɓi jong gn dang gbete kpang, ti nwãarɛ zang ɓi nɛɛ vuu palɛnang kpang.

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.

Yahuza 1:16

Zang keɓe ri gɔ̃ɔrɔ ɓarɛ yee diki diki, a ri kɔɔyi nɛɛ zang ɓɔɔ kɔ, wu palɛ vuu. Ri dũng ɓarɛ vuu shi kpang ɓɔɔ yeti ɓarɛ kasɛ ɓɛɛ. Ri rangkɛ yee bang bang ka yuu ɓarɛ, ri nyɔ zang nɛɛ nyaa nɛɛ tɔ̀ɔ, ri walɛ vuu.

Vuu ɓɔɔ zang nwangsɛ Yɔhana 14:12

Ka ruu nɔngkɔ, zang Laa ri mã danggn katɔ, ri dũng nyaa Laa, ri ti yaa danggn shinnang ka bii Yeesɔ kpang.