Yakubu 1:5 - Nyaa Shɔɔ Ɓɔɔ Laa a Ɓɛɛ

⁵ Zang ɓɔɔ nɛɛ zũng kpang, wu gàa Laa, Laa a wu zũnang katɔ, ka ruu ɓɔɔ Laa a zang piti vuu katɔ, ti a zang naa ka zingzing ɓɛɛ. Zãa zang vuu ɓɔɔ zang gaa ɓɛɛ kpang.

Yakubu 1:5 Σταυροειδείς Αναφορές

Matiyu 11:20

A Yeesɔ gaa tɔɔsung zang gari ɓɔɔ wu palɛ shonang ɓɔɔ zang mã naa ka danggn dɔɔli mangkɛnang kati, ka ruu ɓɔɔ, ri kɔ̃sɔ yeti, ri yaa vuu shi kpang ɓarɛ kpang ɓɛɛ.

Maraku 16:14

Kaa nɛɛ knti, Yeesɔ naa nwang nyaa ka bii zang kopi tu gbete ɓɔɔ ri mantɛ vuu ka bii ɓiɓɛ, bɛ̀ɛ́ ri shaa doo vuu shaanang. A mangkɛ ri, ka ruu ɓɔɔ, ri shing danggn nɛɛ, wu doo ningkãari kpang ɓɛɛ. Ri ti kasɛ vuu ɓɔɔ zang ɓɔɔ ri zi wu tɔ, ri kɔɔ ri kpang ɓɛɛ.

Yɔhana 14:13

N ti pàlɛ́ nɔɔ vuu piti ɓɔɔ nɔɔ gàá nɛɛ nung mɛɛ katɔ, tɔ̀ɔ, zang a Daa bannang kati ka ruu Jaa.

Yɔhana 15:7

Nɔɔ nɛɛ nwang nɛɛ n, ruu mɛɛ nɛɛ ti nwang ka yeti manɛ, nɔɔ gàá vuu ɓɔɔ yeti manɛ kasɛ ɓɛɛ, zang a nɔɔ katɔ.

Yɔhana 4:10

Yeesɔ kasɛ wu nyaa tɔɔ, “Naa mɔɔ nɛ̀ɛ́ zi vuu ɓɔɔ Laa a zang tɔ. A mɔɔ nɛɛ ti zi zang ɓɔɔ gaa mii ka naa ɓaaɓɛ tɔ. Mɔɔ nɛ̀ɛ́ gàa wu tɔ, wu nɛ̀ɛ́ á mɔɔ mii ɓɔɔ a zang Suru bii ɓɔɔ waa nyaa kpang tɔ.”

2 Koranti 2:16

Ka nɔng zang ɓɔɔ ri shàarɛ́ katɔ, ɓi vuu ɓɔɔ a sɛ̃ɛ ɓɔɔ nyɔ zang vɔrɔ ɓɛɛ. Ka nɔng zang ɓɔɔ Laa ta yuu ɓarɛ kana, ɓi vuu ɓɔɔ a zang suru bii ɓɛɛ. Ɓu wi zunung shonang keɓe palɛnang wiya?

Yakubu 1:17

Vuu ɓɔɔ tɔ̃ɔ ɓɔɔ ti gbarɛ katɔ, ɓɔɔ zang a zang piti, a ɓi nɛɛ bii Laa. Vuu keɓe ri a ɓarɛ nɛɛ bii Laa ɓɔɔ wukɔ mãa vuu ɓɔɔ ri yakɛ nɔng ɓɔɔ ri ka lapa ɓɛɛ. Laa ɓɔɔ kɔ̃sɔ bii ɓi jong kpang, ràa ruu yuu knti, wu yaa ruu ka nɔng tɔɔnang kpang.

Yakubu 3:17

Zũnang ɓɔɔ a nɛɛ bii Laa ɓi náabm̀. Zang ɓɔɔ zũnang keɓe kagn yeti ɓiɓɛ, shi kpang nwang ɓi ka bii ɓiɓɛ kpang. Zũnang keɓe, shing zang, zang kasɛ nwannang ka bii zɔɔ, palɛ vuu ɓi hakaka kpang, yi wusang ɓi dɔɔli, gn zang kɔng wu dɔɔli, a ti palɛ vuu tɔ̃ɔ dɔɔli. Pálɛ̀ vuu ɓi jong gn dang gbete kpang, ti nwãarɛ zang ɓi nɛɛ vuu palɛnang kpang.

Yakubu 5:16

Ka ruu nɔngkɔ, nɔɔ kɔɔ zɔɔ vuu shi kpang manɛ katɔ, nɔ́ɔ gaa zɔɔ Laa, tɔɔ nɔ́ɔ valɛ. Laa gaanang zang ɓɔɔ ɓi zang tɔ̃ɔ ka tĩng Laa palɛ vuu bang bang dɔɔli.

1 Yɔhana 3:22

Laa a ruu vuu piti ɓɔɔ ruu gaa ka naa ɓiɓɛ katɔ, ka ruu ɓɔɔ, ruu ɓaa shoo ka nyaa ɓɔɔ wu dang ɓɛɛ. Ruu ti pálɛ́ vuu ɓɔɔ yeti ɓiɓɛ kasɛ ɓɛɛ.