Yakubu 1:22 - Nyaa Shɔɔ Ɓɔɔ Laa a Ɓɛɛ

²² Nɔɔ palɛ vuu ɓɔɔ ruu keɓe kɔɔ ɓɛɛ katɔ. Nɔ́ɔ nwãarɛ yuu manɛ nɛɛ ruu tãanang kɔ shɛ̃ɛning kpang.

Yakubu 1:22 Σταυροειδείς Αναφορές

Matiyu 12:50

Zang piti ɓɔɔ nɛɛ palɛ vuu ɓɔɔ Daa mɛɛ ɓɔɔ ka lapa kasɛ nɛɛ wu palɛ, wukɔ jaa nàá mɛɛ, nɛɛ nàá mɛɛ.”

Matiyu 28:20

Nɔɔ ti kpɛ̃ɛrɛ ri, nɛɛ ri dũng nyaa ɓɔɔ n dang nɔɔ ɓɛɛ nandon. N yaa nɔɔ kpang. N nwang nɛɛ nɔɔ sasak, diki ɓɔɔ koo keɓe naa waa nyaa, nɛɛ mani.”

Luka 11:28

Yeesɔ kasɛ wu nyaa tɔɔ, “Tĩnang tãanang ɓi ɓɔɔ zang ɓɔɔ ri tãa Ruu Laa, ri shing ka yeti ɓarɛ ɓɛɛ kɔ jong.”

Yɔhana 13:17

Wee nɔɔ zi vuu keɓe tɔ ɓee, naa nɔɔ palɛ, nɔkɔ naa tãa tĩnang.

Rooma 2:13

Ka ruu ɓɔɔ, zang raa zang tɔ̃ɔ ka ting Laa, wu ka rúu Ruu Laa ɓɔɔ zang tãa ɓɛɛ kɔ shɛ̃ɛning kpang. Ɓi zang ɓɔɔ ri palɛ vuu ɓɔɔ Laa dang nyaa nɛɛ zang palɛ ɓɛɛ kɔ, Laa ɓáa ri nɛɛ ri zang tɔ̃ɔ.

1 Koranti 15:33

Nɔ́ɔ yaa zang ri nwãarɛ nɔɔ kpang. “Naa mɔɔ rakɛ nɛɛ zang ɓɔɔ ri palɛ shi kpang, mɔɔ naa palɛ doo shi kpang naa ɓɔɔ ri palɛ ɓɛɛ kɔ.”

1 Koranti 3:18

Nɔ́ɔ nwãarɛ yuu manɛ kpang. Naa zang ɓɔɔ ka teteng manɛ tuu yuu ɓiɓɛ nɛɛ wu zũng dɔɔli ka yeti vuu koo keɓe, wu risi yuu ɓiɓɛ naa shoko, tɔ̀ɔ, wu zũng kati.

1 Koranti 6:9

Nɔɔ zi tɔ nɛɛ, zang ɓɔɔ ri ta yeti shi kpang, ri daa nɔng ɓɔɔ Laa roo kpanti kpang. Nɔ́ɔ nwãarɛ yuu manɛ kpang. Zang ɓɔɔ ri palɛ dũndũng, zang ɓɔɔ ri bang vaka, zang ɓɔɔ ri rooro nɛɛ soro zang, zang varɛ ɓɔɔ ri rooro doo nɛɛ zang varɛ kɔ ɓɛɛ.

Galati 6:3

Naa zang ɓɔɔ tuu yuu ɓiɓɛ nɛɛ wu vuu ɓɔɔ, a ɓeekpang wu ɓi vuu ɓɔɔ kpang, zang keɓe nwãarɛ ɓi yuu ɓiɓɛ.

Galati 6:7

Nɔɔ nwãarɛ yuu manɛ kpang. Laa ɓi zang ɓɔɔ zang risi wu naa shoko kpang. Vuu ɓɔɔ mɔɔ ɓayi, mɔɔ naa yee ɓaa doo wukɔ.

Filipi 4:8

Rɛɛ manzung, ruu ɓɔɔ n gɔɔ nyaa nɛɛ mani keɓe. Nɔɔ rɛ̃rɛ ka yuu rɛɛ vuu ɓɔɔ niizang ɓɛɛ, ɓɔɔ daa naa ɓɔɔ zang seng katɔ ɓɛɛ. Rɛɛ vuu ɓɔɔ teetee ɓɛɛ, vuu ɓɔɔ shi kpang kagn kpang ɓɛɛ, vuu ɓɔɔ shi dɔɔli ɓɛɛ, vuu ɓɔɔ zang kasɛ, a zang ti a wu bannang katɔ ɓɛɛ, vuu nandon ɓɔɔ daa naa dɔɔnang katɔ ɓɛɛ.

Kolosi 3:17

Vuu ɓɔɔ nɔɔ kɔɔyi nɛɛ vuu ɓɔɔ nɔɔ palɛ piti, nɔɔ pálɛ́ ka nung Yeesɔ Kirisi, ka ɓɔɔ nɔɔ zãa Laa ɓɔɔ wukɔ Daa nɛɛ bii ɓiɓɛ ɓɛɛ.

2 Timoti 3:13

A zang ɓɔɔ ri palɛ vuu shi kpang nɛɛ zang ɓɔɔ, ri tuu waa nyaating zang ɓɔɔ ri palɛ vuu nɛɛ mani ɓɛɛ, ri shaarɛ katɔ, shaarɛnang ɓarɛ daa nɛɛ tĩng kɔ jong. Ri nwãarɛ zang, zang ti nwãarɛ ri.

Titu 3:3

Ka ruu ɓɔɔ, ɓeleng ruu nɛɛ yuu ɓuru bɛ̀ɛ́ ruu palɛ vuu shoko, ruu ɓaa shoo ka nyaa Laa kpang, zang nwãarɛ ruu. Ruu nwang ɓuru jaafoo, vuu ɓɔɔ bii ɓuru kasɛ ɓɛɛ, nɛɛ vuu ɓɔɔ shingnɛ zang tãa tĩnang ɓɛɛ ka zɔ̃ng zɔ̃ng. Ruu sùúkãng ka nɔng vuu shi kpang palɛnang nɛɛ sũnyaa kaanang. Zang piti bɛ̃ɛ ruu katɔ, a ruu ti bɛ̃ɛ zang piti.

Yakubu 1:26

Zang ɓɔɔ nɛɛ tɔɔ wu dũng Laa, nɛɛ mung nyaa ɓiɓɛ kpang, nwãarɛ ɓi yuu ɓiɓɛ, Laa dũnnang ɓiɓɛ ɓi ɓɔɔ waati.

Yakubu 4:11

Manzung, nɔ́ɔ rang yee shi kpang ka yuu zɔɔ kpang. Zang ɓɔɔ nɛɛ rang yee shi kpang ka yuu zang ɓɔɔ dũng doo Laa kɔ, a ti dɔng wu ruu, rang yee shi kpang ka yuu nyaa dannang Laa a ti tuu yuu ɓiɓɛ naa wu ɓa nyaa dannang Laa katɔ. Mɔɔ nɛɛ tɔɔ, mɔɔ ɓa nyaa dannang Laa katɔ, mɔɔ ɓáa zang ɓɔɔ palɛ vuu ɓɔɔ nyaa dannang Laa kɔɔ ɓɛɛ kpang. Mɔɔ ɓaa zang ɓɔɔ ɓa nyaa dannang Laa katɔ ɓɛɛ.

Yakubu 4:17

Ka ruu nɔngkɔ, zang ɓɔɔ nɛɛ zi vuu tɔ̃ɔ naa ɓɔɔ wu nɛɛ palɛ, a nɛɛ palɛ kpang, palɛ ɓi vuu shi kpang.

2 Bituru 2:13

Laa naa dang ri jĩng jong ka ruu ɓɔɔ ri dang zang jĩng ɓɛɛ. Zang keɓe, ri kasɛ nɛɛ ri tãa ɓarɛ tĩnang naa doo nɛɛ laagɛ̃ piti. Nwannang ɓarɛ ɓi vuu ɓɔɔ shingnɛ yusɛ̃ɛ tuu nɔɔ ɓɛɛ. Ri nwalɛ nɛɛ nɔɔ, ri shaa vuu shaanang a ɓeekpang ri nwãarɛ nɔɔ manɛ waati. Ri palɛ ɓarɛ vuu shi kpang ɓɔɔ ri kasɛ ɓɛɛ.

1 Yɔhana 1:8

Naa ruu kɔɔyi nɛɛ, vuu shi kpang ɓi kagn bii ɓuru kpang, ruu nwãarɛ yuu ɓuru. Rúu niizang kagn yeti ɓuru kpang.

1 Yɔhana 2:3

Naa ruu ɓa nyaa ɓɔɔ Laa dang kpang, ruu zi ka wukɔ nɛɛ ruu zi wu tɔ.

1 Yɔhana 3:7

Wujɛ mɛɛ, zang ɓɔɔ wu nwãarɛ nɔɔ kpang. Zang ɓɔɔ palɛ vuu tɔ̃ɔ, ɓi zang tɔ̃ɔ, naa ɓɔɔ Yeesɔ zang tɔ̃ɔ ɓɛɛ.

3 Yɔhana 1:11

Masang ɓɔɔ n kasɛ mɔɔ dɔɔli ɓɛɛ, mɔ́ɔ màsɛ̀ zang ɓɔɔ ri palɛ vuu shi kpang, kpang. Màsɛ̀ zang ɓɔɔ ri pálɛ̀ vuu tɔ̃ɔ ɓɛɛ, zang ɓɔɔ palɛ vuu tɔ̃ɔ, wukɔ zang Laa. Zang ɓɔɔ pálɛ̀ vuu shi kpang, zi Laa nung ɓi gn kpang.

Vuu ɓɔɔ zang nwangsɛ Yɔhana 12:9

A ri nwangsɛ sɔkɔ bang nɛɛ lapa, ri tasɛ wu ka koo nɛɛ rɛɛ zang ɓɔɔ ri dũng wu nandon. Sɔkɔ bang kaɓa zang ɓaa nung ɓiɓɛ nɛɛ Sheetang, wukɔ kpanti rɛɛ suru shi kpang. Wukɔ ti nwãarɛ zang ka koo dɔɔ tɛ̃ɛ tɛ̃ɛ.

Vuu ɓɔɔ zang nwangsɛ Yɔhana 22:7

Yeesɔ kɔ̀ɔyi nɛɛ “Nɔɔ zirɛ, diki bee kpang, n a kaa tɔ. Tĩnang naa nwang ɓɔ̀ɔ́ zang piti ɓɔɔ dũng ruu ɓɔɔ zang bee ka labeenang keɓe ɓɛɛ, ka ruu ɓɔɔ, a nɛɛ bii Laa ɓɛɛ.”