Yakubu 1:2 - Nyaa Shɔɔ Ɓɔɔ Laa a Ɓɛɛ

² Rɛɛ manzung, nɔɔ tãa manɛ tĩnang kɔ jong, naa zang gãsɛ nɔɔ nɛɛ vuu ka zɔ̃ng zɔ̃ng ɓɛɛ.

Yakubu 1:2 Σταυροειδείς Αναφορές

Zang Shonang Yeesɔ 5:41

Rɛɛ zang shonang Yeesɔ ri yaa nɔng ruu jɛ̃ɛnang ri tãa ɓarɛ tĩnang, nɛɛ Laa zirɛ ri daa naa ɓɔɔ ri dang jĩng ka ruu nung Yeesɔ tɔ.

Rooma 5:3

A ruu ti, tãa tĩnang ka jĩng dannang ɓuru ka ruu ɓɔɔ ruu zi tɔ jĩng dannang shing ruu, ruu mã danggn ɓɛɛ.

Filipi 1:29

Laa ɓɔɔ yàa nɔɔ gbalang nɛɛ nɔ́ɔ shing danggn ka bii Kirisi ɓɛɛ, ti yaa nɔɔ gbalang tɔ nɛɛ nɔ́ɔ dang jĩng ka ruu ɓiɓɛ.

Filipi 2:17

Danggn ɓɔɔ nɔɔ shing ka bii Yeesɔ Kirisi nwang naa vuu ɓɔɔ nɔɔ dɔɔ Laa ɓɛɛ. Naa zang tɛ̃ɛ zĩi mɛɛ doo ka yuu vuu kɔ nɔɔ dɔɔ Laa ɓee, n tãa m tĩnang nɛɛ nɔɔ.

Filipi 2:18

Daa naa ɓɔɔ nɔɔ tãa tĩnang jong tɔ. Nɔɔ kpalɛ yuu nɛɛ n, ruu tãa tĩnang.

Kolosi 1:24

Kãntang keɓe, n tãa kaa tĩnang ka jĩng ɓɔɔ n dang ka ruu manɛ ɓɛɛ. Jĩng kɔ n dang ɓee, hangsɛ ɓi nyaa vuu ɓɔɔ yàa m ka jĩng dannang ɓɔɔ Kirisi shing m, nɛɛ n dang ka ruu zang ɓɔɔ ri dũng wu, ɓɔɔ rikɔ kaa bii ɓiɓɛ ɓɛɛ.

Yahudi 10:34

Ka ruu ɓɔɔ, gn zang ɓɔɔ zang mã ri ka sãa kɔng nɔɔ katɔ. Ɓɔɔ zang lasɛ vuu manɛ zang seeyi, yeti manɛ lasɛ kpang. Ka ruu ɓɔɔ, nɔɔ nɛɛ yuu manɛ, nɔɔ zi tɔ, nɛɛ vuu manɛ kagn ɓɔɔ ɓa weɓe katɔ, a ti nwang ɓi dòndòng ɓɛɛ.

Yakubu 1:12

Zang ɓɔɔ zang nɛɛ gãsɛ wu, nɛɛ watɛ kpang wukɔ tãa tĩnang. Ka ruu ɓɔɔ, nɛɛ shìi kakata, nɛɛ watɛ kpang, naa ta vuu ɓɔɔ Kpanti Laa tɔɔ wu a zang ɓɔɔ kasɛ wu katɔ ɓɛɛ. Vuu keɓe wukɔ suru bii ɓɔɔ waa nyaa kpang ɓɛɛ.

Yakubu 1:16

Rɛɛ manzung ɓɔɔ n kasɛ ruu manɛ dɔɔli ɓɛɛ, zang wu nwãarɛ nɔɔ kpang.

Yakubu 1:19

Rɛɛ manzung ɓɔɔ n kasɛ ruu manɛ dɔɔli ɓɛɛ, danggn wu ning nɔɔ vuu keɓe kpang. Nɔɔ ɓaa shoo waasɛ̃, nɔ́ɔ tãa ruu pati, nɔ́ɔ kɔlɔ nyaa kaa tɔ̀ɔ́ nɔng yee rannang kpang. Nɔ́ɔ ti see gnvɔ pati kpang.

Yakubu 5:11

Rùu ɓaa ri ɓuru kaa nɛɛ zang ɓɔɔ Laa a ri tĩnang tãanang ɓɛɛ, ka ruu danggn ɓɔɔ ri mã gbãng gbãng ɓɛɛ. Nɔɔ tãa ruu Ayuba tɔ, naa ɓɔɔ wu mã danggn ka laa ɓɔɔ wu dang jĩng ɓɛɛ. Nɔɔ ti tãa tɔ naa ɓɔɔ Laa naa shing jĩng dannang ɓiɓɛ nwǎng wu vuu tɔ̃ɔ ɓɛɛ. Niizang, sisĩng Laa nwãa kpang, gn ɓuru kɔng wu katɔ.

2 Bituru 2:9

Ruu Nuhu nɛɛ Lootu tusu ruu nɛɛ Laa zi gbalang ɓɔɔ wu naa ta yuu zang ɓiɓɛ nɛɛ mani tɔ, nɛɛ naa vuu ɓɔɔ gãsɛ ri ɓɛɛ. Vuu keɓe kɔ, ti tusu nɛɛ Laa zi gbalang ɓɔɔ wu naa dang zang ɓɔɔ ri palɛ vuu shi kpang jĩng tɔ, diki ɓɔɔ wu naa jɛ̃ɛ zang ruu kagn, wu a nɛɛ mani.

Vuu ɓɔɔ zang nwangsɛ Yɔhana 2:10

Nɔ́ɔ kaa vɔrɔ jĩng dannang ɓɔɔ yaa kaa tɔkɔlɔng nɔɔ dǎng kaa tɔ kaɓa kpang. Nɔɔ ɓaa shoo, Sheetang naa gãsɛ nɔɔ ditɔ, naa shingnɛ zang wu mã zang ɓɔɔ ka teteng manɛ ka sãa. Zang naa dang nɔɔ jĩng diki kopi kɔ nwani. Nɔ́ɔ yaa danggn ɓɔɔ nɔɔ shing ka bii mɛɛ kpang, naa zang nyɔ nɔɔ doo vɔrɔ ɓɛɛ. Tɔ̀ɔ, n a nɔɔ suru bii ɓɔɔ waa nyaa kpang, nɔ́ɔ walɛ bannang kati.