Yakubu 1:19 - Nyaa Shɔɔ Ɓɔɔ Laa a Ɓɛɛ

¹⁹ Rɛɛ manzung ɓɔɔ n kasɛ ruu manɛ dɔɔli ɓɛɛ, danggn wu ning nɔɔ vuu keɓe kpang. Nɔɔ ɓaa shoo waasɛ̃, nɔ́ɔ tãa ruu pati, nɔ́ɔ kɔlɔ nyaa kaa tɔ̀ɔ́ nɔng yee rannang kpang. Nɔ́ɔ ti see gnvɔ pati kpang.

Yakubu 1:19 Σταυροειδείς Αναφορές

Matiyu 5:22

A kãntang keɓe, n kɔɔ nɔɔ, naa shɔnzang ɓɔɔ tuu gnvɔ nɛɛ ɓeezung, zang naa jɛ̃ɛ wu ruu katɔ. Naa shɔnzang ɓɔɔ ti kɔɔ ɓeezung nɛɛ ‘Rang waati keɓe.’ Zang daa nɛɛ wu ka dabang kpanti. Naa zang ɓɔɔ ti ɓaa ɓeezung nɛɛ ‘Shoko.’ Zang tasɛ wu ka waa.

Maraku 12:37

Dawuda nɛɛ yuu ɓiɓɛ nɛɛ ɓaa wu nɛɛ Kpanti, ráa jaa ɓiɓɛ ɓi kaa biya?” Zang ɓɔɔ ri kpalɛ zɔɔ ka bii ɓiɓɛ gaagaa, ri ɓaa shoo kaa ruu ɓɔɔ wu kɔɔ ɓɛɛ, nɛɛ tĩnang tãanang ning.

Maraku 2:2

A zang kpalɛ zɔɔ gaagaa, nɔng yi nyaa kaa nɛɛ biling piti. A Yeesɔ rang ri yee Laa kati.

Luka 15:1

Diki ɓɔɔgn, zang ɓɔɔ ri ta saka tipi nɛɛ zang ɓɔɔ ri palɛ vuu shi kpang kɔ doori, ri kpalɛ zɔɔ ka bii Yeesɔ, nɛɛ ri tãa yee ɓɔɔ wu rang ɓɛɛ.

Luka 19:48

A ri walɛ gbalang kaa takpang, ka ruu ɓɔɔ, zang piti ri ɓaa shoo, ri tãa yee ɓɔɔ wu rang ɓɛɛ, ri kasɛ nɛɛ yee gbete wu ɓa ri kpang.

Zang Shonang Yeesɔ 1:15

Ka diki ɓɔɔ kagn, zang ɓɔɔ ri shíng danggn tɔ laa maani tu bmati, ri kpalɛ zɔɔ. A Bituru seepaa a shiiyi, rang yee.

Zang Shonang Yeesɔ 10:33

A n tantɛ nyaa kaa shonang ka bii ɓaaɓɛ. Mɔɔ ti pálɛ́ tɔ̃ɔ tɔ, ka ɓɔɔ mɔɔ arɛ ɓɛɛ. Wee ruu kpalɛ zɔɔ tɔ nandon ka tĩng Laa ɓee, kɔɔ ruu vuu ɓɔɔ Laa kɔɔ mɔɔ nɛɛ mɔɔ kɔɔ ruu ɓɛɛ ta.”

Zang Shonang Yeesɔ 13:48

Ɓɔɔ rɛɛ zang ɓɔɔ ri zang Isirela kpang ri tãa naa weɓe, ri tãa tĩnang dɔɔli. Ri a Ruu Laa bannang, a rɛɛ zang ɓɔɔ bɛ̀ɛ́ Laa shingnɛ, nɛɛ ri walɛ Suru bii ɓɔɔ waa nyaa kpang katɔ, ri shing danggn ka bìí Laa.

Zang Shonang Yeesɔ 17:11

Zang Yahudi ɓɔɔ ka nihn, ri ɓarɛ naa ɓɔɔ Tesalonika kpang. Ri ɓaa shoo gbãng gbãng ka ɓɔɔ ri tãa Ruu Laa ɓɛɛ. Ri gã Ruu Laa diki diki nɛɛ ri zirɛ vuu ɓɔɔ Bulu kɔɔyi nɛ́ɛ niizang ɓɛɛ.

Zang Shonang Yeesɔ 2:42

Zang keɓe ri shing yuu ɓarɛ ɓi ka vuu ɓɔɔ zang shonang ri tusu ɓɛɛ. A ɓɔɔ kaa yuu ɓɔɔ ri kpalɛ nɛɛ zɔɔ ɓɛɛ, ɓɔɔ ti ka vuu shaanang ɓɔɔ ri shaa ka nyaa zɔɔ ɓɛɛ, a ɓɔɔ ti ka Laa gaanang.

Afisa 4:26

Yeti ɓaaɓɛ nɛɛ lasɛ tɔ, mɔɔ yaayi wu shing mɔɔ, mɔɔ palɛ vuu shi kpang, kpang. Mɔɔ ti nwang nɛɛ yeti ɓɔɔ lasɛ mɔɔ keɓe, laa wu hãa nyaa nɛɛ mani kpang.

Afisa 4:31

Nɔ́ɔ yiti zang ɓɔɔ ka yeti kpang, gnvɔ wu shàa nɔɔ nɛɛ zang ɓɔɔ kpang, mɔɔ lasɛ yeti nɛɛ zang ɓɔɔ kpang, nɔ́ɔ rangkɛ yee shi kpang ka yuu zang ɓɔɔ kpang. Nɔ́ɔ rɛ̃rɛ rɛ̃rɛnang ɓɔɔ shing nɔɔ, nɔɔ bɛ̃ɛ zang kpang tingkiring.

Kolosi 3:15

Yeti valɛnang ɓɔɔ Yeesɔ Kirisi a zang, wukɔ wu nwang ka yeti manɛ gbãng gbãng. Ka ruu ɓɔɔ, Laa ɓaa nɔɔ nyaa nɛɛ nɔɔ nwang bii gbete, tɔ̀ɔ, wu a nɔɔ yeti valabm keɓe kɔ ɓɛɛ. Nɔ́ɔ ti zãa wu katɔ.

Kolosi 3:8

A kãntang keɓe, nɔɔ vang rɛɛ vuu ɓɔɔ naa, gnvɔ, yeti shi kpang, nɛɛ vuu ɓɔɔ bii manɛ kasɛ, a ɓɔɔ zang bɛ̃ɛnang. Zang dãanang, nɛɛ yee shi kpang wu nwang tɔ̀ɔ́ nɛɛ nyaa manɛ kpang.

1 Tesalonika 2:13

A vuu ɓɔɔ shingnɛ ruu zãa Laa diki diki ɓɛɛ kagn. Ruu atɛ nɔɔ ruu ɓɔɔ Laa shong nyaa nɛɛ mani ɓɛɛ, nɔɔ tãayi, a nɔɔ tarɛ. Wu naa nyaa shonang shɔnzang kpang, naa nyaa shonang Laa. Ti nyaa shonang Laa kɔ niizang. Ka ruu nɔngkɔ, Ruu Laa ti kɔ̃̀sɔ́ yeti manɛ kana ɓɔɔ nɔɔ shing danggn tɔ ɓɛɛ.

Yakubu 1:16

Rɛɛ manzung ɓɔɔ n kasɛ ruu manɛ dɔɔli ɓɛɛ, zang wu nwãarɛ nɔɔ kpang.

Yakubu 1:2

Rɛɛ manzung, nɔɔ tãa manɛ tĩnang kɔ jong, naa zang gãsɛ nɔɔ nɛɛ vuu ka zɔ̃ng zɔ̃ng ɓɛɛ.

Yakubu 1:26

Zang ɓɔɔ nɛɛ tɔɔ wu dũng Laa, nɛɛ mung nyaa ɓiɓɛ kpang, nwãarɛ ɓi yuu ɓiɓɛ, Laa dũnnang ɓiɓɛ ɓi ɓɔɔ waati.

Yakubu 2:1

Manzung, nɔ́ɔ palɛ vuu dang gbete kpang. Ka ruu ɓɔɔ, nɔɔ shing danggn tɔ ka bii kpanti Yeesɔ Kirisi ɓɔɔ zang a wukɔ bannang ɓa zang piti ɓɛɛ.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

Yakubu 3:10

Ruu dɔɔ Laa, a ruu ti dãa zang nɛɛ nyaa gbete keɓe. Manzung, nɔɔ palɛ wu nɔngkɔ kpang.

Yakubu 4:11

Manzung, nɔ́ɔ rang yee shi kpang ka yuu zɔɔ kpang. Zang ɓɔɔ nɛɛ rang yee shi kpang ka yuu zang ɓɔɔ dũng doo Laa kɔ, a ti dɔng wu ruu, rang yee shi kpang ka yuu nyaa dannang Laa a ti tuu yuu ɓiɓɛ naa wu ɓa nyaa dannang Laa katɔ. Mɔɔ nɛɛ tɔɔ, mɔɔ ɓa nyaa dannang Laa katɔ, mɔɔ ɓáa zang ɓɔɔ palɛ vuu ɓɔɔ nyaa dannang Laa kɔɔ ɓɛɛ kpang. Mɔɔ ɓaa zang ɓɔɔ ɓa nyaa dannang Laa katɔ ɓɛɛ.

Yakubu 5:12

Manzung, vuu ɓɔɔ ɓa weɓe nandon keɓe. Nɔɔ nɛɛ tɔɔ nɔɔ palɛ vuu ɓɔɔ, nɔ́ɔ tũng vuu kpang. Nɔ́ɔ tũng vuu nɛɛ nung Laa kpang. Nɔ́ɔ ti tũng vuu nɛɛ nung koo keɓe kpang. Nɔ́ɔ tũng vuu nɛɛ nung vuu ɓɔɔ kpang tingkiring. Nɔɔ nɛɛ kasɛ ruu katɔ, nɔɔ kasɛ nyaa nɛɛ, “Nn” nɔɔ di nyaa ka nɔngkɔ. Nɔɔ nɛɛ ti bɛ̃ɛ ruu katɔ, nɔɔ kasɛ nyaa nɛɛ “Kpang”, nɔɔ di nyaa ka nɔngkɔ. Ka ruu ɓɔɔ, Laa nɛ̀ɛ́ jɛ̃ɛ nɔɔ ruu nɛɛ nɔɔ palɛ vuu shi kpang tɔ ɓɛɛ.

Yakubu 5:19

Rɛɛ manzung, zang gbete ka teteng manɛ nɛɛ yaa gbalang ɓɔɔ niizang, a zang ɓɔɔ nɛɛ sɔɔrɔ wu tɔkn,

1 Yɔhana 2:21

N bèé nɔɔ wu ka ruu ɓɔɔ nɔɔ zi ruu ɓɔɔ niizang kpang ɓɛɛ kpang. N bèé nɔɔ, ka ruu ɓɔɔ, nɔɔ zi tɔ ɓɛɛ. Nɔɔ ti zi tɔ nɛɛ, ruu sèé hãa naa ɓi kagn nɛɛ ruu ɓɔɔ niizang kpang.