Yakubu 1:18 - Nyaa Shɔɔ Ɓɔɔ Laa a Ɓɛɛ

¹⁸ Wukɔ kasɛ nɛɛ yuu ɓiɓɛ, a shing rùu, rùu nwang wujɛ ɓiɓɛ, nɛɛ yee ɓiɓɛ ɓɔɔ niizang ɓɛɛ. Nɛɛ tɔ̀ɔ, ruu nwang kaa naa jamari rɛɛ vuu ɓɔɔ wu mã́arɛ̀ ɓɛɛ.

Yakubu 1:18 Σταυροειδείς Αναφορές

Yɔhana 1:13

Zang keɓe Laa yi ri. Zang yi ri naa ɓɔɔ shɔnzang yi jaa ɓɛɛ kpang. Zang ti yi ri nɛɛ bii shɔnzang kpang. Ɓi ti ka gbalang ɓɔɔ zang varɛ kasɛ ɓɛɛ kpang. Laa nɛɛ yuu ɓiɓɛ ɓi wukɔ Daa ɓarɛ.

Rooma 4:17

Labeenang Laa kɔɔyi nɛɛ, “N shing mɔɔ tɔ, mɔ́ɔ nwang dabang zang koolaa dɔɔli.” Wukɔ daa ɓuru ka tĩng Laa ɓɔɔ wu shing danggn ka bii ɓiɓɛ ɓɛɛ. Laa ɓɔɔ wisi zang paa nɛɛ sàa, zang nwang ningkãari, a ti mãarɛ vuu shɔɔ katɔ ɓɛɛ.

1 Koranti 4:15

Naa zang ɓɔɔ ri tùsù nɔɔ vuu, ka yuu Yeesɔ Kirisi doo labang kopi, dáa manɛ ɓɔɔ yi nɔɔ ɓi gbete kɔ nwani. Ɓi nkɔ nwàng naa daa manɛ ka gbalang Yeesɔ Kirisi keɓe, ka ruu ɓɔɔ, nkɔ kɔɔ nɔɔ Ruu Tɔ̃ɔ Laa shɔɔnang ɓɛɛ.

2 Koranti 6:7

Ɓɔɔ nɛɛ yee niizang ɓɔɔ ruu rang ɓɛɛ, a ɓɔɔ kaa nɛɛ naa vuu palɛnang Laa. Nwannang zang tɔ̃ɔ ka tĩng Laa kɔ nwang kaa naa vuu waa ɓuru, ɓɔɔ ruu ta sĩiri nɛɛ mani, a ruu ti gãng bii nɛɛ mani ɓɛɛ.

Afisa 1:12

Palɛ vuu keɓe, nɛɛ tɔ̀ɔ, ruu ɓɔɔ ruu zang Yahudi ɓɔɔ ruu shing gn ka bii Yeesɔ Kirisi shɔɔnang, ruu shingnɛ zang ri dɔɔ bannang Laa kati.

Afisa 1:13

Nɔɔ doo nɔngkɔ. Ka ɓɔɔ nɔɔ tãa ruu ɓɔɔ niizang, Ruu Tɔ̃ɔ ɓɔɔ ta yuu manɛ, ka ɓɔɔ nɔɔ shing danggn ka bii Yeesɔ Kirisi, a Laa a nɔɔ Suru ɓiɓɛ ɓɔɔ wu a nyaa ɓɛɛ, tɔ̀ɔ, zang zi kati nɛɛ nɔɔ manɛ kaa zang Laa.

2 Timoti 2:15

Pálɛ́ vuu ɓɔɔ mɔɔ zunung katɔ nandon, tɔ̀ɔ, mɔɔ nwang zang ɓɔɔ Laa kɔɔ ruu tɔ̃ɔ tɔ ka yuu ɓiɓɛ kati. Zang shonang ɓɔɔ yusɛ̃ɛ shonang ɓiɓɛ tuu wu kpang ɓɛɛ. Zang ɓɔɔ nwàngsɛ́ zang dĩiri Ruu Laa tɔ̃ɔ tɔ̃ɔ ɓɛɛ.

Yahudi 12:23

Nɔɔ á manɛ tɔ, ka nɔng ɓɔɔ zang ɓɔɔ ri dũng Laa ɓɔɔ rikɔ jamari ɓiɓɛ, ɓɔɔ zang béeré nung ɓarɛ tɔ ka lapa, ri kpalɛ zɔɔ ɓɛɛ. Nɔɔ a ka bii Laa, ɓɔɔ wukɔ jɛ̃ɛ zang piti ruu ɓɛɛ, a ɓɔɔ ka bii rɛɛ suru zang tɔ̃ɔ ɓɔɔ zang shing ri tɔ, ri nwang tɔ nyaa kiiri ɓɛɛ.

Yakubu 1:15

Rɛ̃rɛnang keɓe nɛɛ ɓaa mɔɔ saara tɔ ka yeti, wu shing mɔɔ, mɔɔ palɛ vuu shi kpang. Vuu shi kpang nɛɛ nwang vuu bii ɓaaɓɛ tɔ, wu nwàng mɔɔ vɔrɔ kati.

Yakubu 1:21

Ka ruu nɔngkɔ, nɔɔ yaa gbalang vuu shi kpang ɓɔɔ nɔɔ palɛ, nɛɛ gɔ̃ɔ ɓɔɔ nɔɔ kãa ɓɛɛ nandon. Nɔɔ ta Ruu Laa ɓɔɔ Laa shing nɔɔ ka yeti manɛ ɓɛɛ. Nɔ́ɔ ti tà nɛɛ jĩng gbakɛnang kpang. Ka ruu ɓɔɔ, ruu keɓe ta yuu manɛ katɔ ɓɛɛ.

Yakubu 3:14

Nɔɔ nɛɛ kaa sũnyaa gbãng gbãng, nɔɔ nɛɛ ti kasɛ yuu manɛ dɔɔli ka yeti manɛ, nɔ́ɔ kɔɔrɔ ruu bang bang ka yuu manɛ kpang, nɔ́ɔ ti suu sèé ka ruu vuu ɓɔɔ niizang kpang.

1 Bituru 1:23

Nɔɔ zi tɔ nɛɛ Laa yi nɔɔ tɔ shɔɔ tɔkn, nɛɛ bii ruu ɓiɓɛ ɓɔɔ a zang suru bii ɓɛɛ. Ruu ɓiɓɛ keɓe shing zang katɔ, zang palɛ vuu wu nwang ɓi dòndòng. Ɓi shɔnzang ɓɔɔ vɔ katɔ kɔ yi nɔɔ kpang, ɓi Laa ɓɔɔ vɔ ɓi jong kpang kɔ a nɔɔ suru bii keɓe nɛɛ yuu ɓiɓɛ.

1 Bituru 1:3

Ruu dɔɔ Laa ɓɔɔ wukɔ Laa nɛɛ Daa Kpanti ɓuru Yeesɔ Kirisi ɓɛɛ. Pàlɛ̀ ruu tɔ̃ɔ gbãng gbãng, ka ruu nɔngkɔ, shingnɛ ruu nwàng zang ɓɔɔ zang yi ruu shɔɔ tɔkn ɓɛɛ, nɛɛ tɔ̀ɔ, gn shinnang ɓuru wu shàarɛ̀ kaa takpang. Ruu walɛ vuu keɓe ka ɓɔɔ zang wisi Yeesɔ paa nɛɛ sàa ɓɛɛ.

1 Yɔhana 3:9

Zang ɓɔɔ nɛɛ jaa Laa piti, palɛ vuu shi kpang ɓi sasak kpang, ka ruu ɓɔɔ, yeti ɓɔɔ Laa tarɛ kagn yeti ɓiɓɛ ɓɛɛ. Pálɛ̀ vuu shi kpang ɓi jong kpang, ka ruu ɓɔɔ, wu ɓi kaa jaa Laa ɓɛɛ.

Vuu ɓɔɔ zang nwangsɛ Yɔhana 14:4

Zang keɓe nandon, ɓi rikɔ zang ɓɔɔ ri palɛ dũndũng nɛɛ zang soro kpang, ri yiti yuu ɓarɛ waasɛ̃ ɓɛɛ. Rikɔ ti dũlu Jaa Mɛ̀ɛrɛ́ ka knti ka nɔng ɓɔɔ wu dàá ɓɛɛ piti. Zang tà yuu ɓarɛ kɔ, nɛɛ teteng rɛɛ shɔnzang, a zang a Laa nɛɛ Jaa Mɛɛrɛ ɓiɓɛ ri.