Yakubu 1:17 - Nyaa Shɔɔ Ɓɔɔ Laa a Ɓɛɛ

¹⁷ Vuu ɓɔɔ tɔ̃ɔ ɓɔɔ ti gbarɛ katɔ, ɓɔɔ zang a zang piti, a ɓi nɛɛ bii Laa. Vuu keɓe ri a ɓarɛ nɛɛ bii Laa ɓɔɔ wukɔ mãa vuu ɓɔɔ ri yakɛ nɔng ɓɔɔ ri ka lapa ɓɛɛ. Laa ɓɔɔ kɔ̃sɔ bii ɓi jong kpang, ràa ruu yuu knti, wu yaa ruu ka nɔng tɔɔnang kpang.

Yakubu 1:17 Σταυροειδείς Αναφορές

Matiyu 7:11

Ɓɔɔ nɔɔ shi kpang, naa nɔɔ zunung ɓɔɔ nɔɔ a wujɛ manɛ vuu ɓɔɔ tɔ̃ɔ katɔ, Daa manɛ ɓɔɔ ka lapa, a zang ɓɔɔ ri gaa wu vuu tɔ̃ɔ ɓi kpang ya?

Luka 11:13

Ɓɔɔ nɔɔ shi kpang, nɔɔ zunung ɓɔɔ nɔɔ a wujɛ manɛ vuu tɔ̃ɔ katɔ ka tansi Daa manɛ Laa ɓɔɔ ka lapa ɓɛɛ ya? Zunung ɓɔɔ wu a zang ɓɔɔ ri gaa wu suru tɔ̃ɔ kpang ya?”

Yɔhana 1:9

Wee kɔ, zang ɓɔɔ yàkɛ́ nɔng ɓɔɔ niizang ɓɛɛ kɔ, ɓɔɔ a ka koo naa yàkɛ́ nɔng, tɔ̀ɔ, shɔnzang nandon ri zi vuu kaa waasɛ̃ ɓɛɛ.

Yɔhana 3:27

A Yɔhana kasɛ ri nyaa tɔɔ, “Laa nɛɛ a zang vuu kpang, zang walɛ vuu ɓɔɔ kpang.

Yɔhana 3:3

Yeesɔ kasɛ wu nyaa tɔɔ, “N kɔ̀ɔ́ mɔɔ ruu ɓɔɔ niizang kɔ nwani, naa zang yi mɔɔ tɔkn kpang, mɔɔ daa nɔng ɓɔɔ Laa naa roo kpanti kpang.”

Yɔhana 8:12

A Yeesɔ rang zang Farisi yee tɔkn tɔɔ, “Nkɔ yakɛ koo, zang ɓɔɔ nɛɛ dũ̀ng m ra ka nɔng ɓɔɔ tɔɔ katɔ kpang. Walɛ ɓi nɔng yakɛnang ɓɔɔ a zang suru bii ɓɛɛ kɔ jong.”

Zang Shonang Yeesɔ 11:18

Ka ɓɔɔ ri tãa vuu keɓe, ri rangkɛ rɛɛ Bituru takpang, ri dɔɔ kaa Laa, ri kɔɔyi nɛɛ, “Nɛɛ nɔngkɔ, Laa a rɛɛ zang ɓɔɔ ri zang Isirela kpang gbalang tɔ jong nɛɛ ri kɔ̃sɔ yeti ɓarɛ, tɔ̀ɔ, ri vɔ kaa takpang.”

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

Rooma 6:23

Zang nɛɛ palɛ vuu shi kpang tɔ, zang vɔ katɔ. Vuu ɓɔɔ Laa a ruu waati, ɓi suru bii ɓɔɔ waa nyaa kpang ɓɛɛ. Ka ruu ɓɔɔ, ruu ɓákɛ́ bii tɔ, nɛɛ Kpanti ɓuru Yeesɔ Kirisi ɓɛɛ.

1 Koranti 4:7

Ɓɔɔ mɔɔ zi yuu ɓaaɓɛ nɛɛ mɔɔ ɓa zang piti katɔ ɓɛɛ, mɔɔ ɓu wiya? Vuu ɓaaɓɛ ɓɔɔ kagn ɓɔɔ wu Laa kɔ a mɔɔ kpang kagn ya? Laa kɔ nɛɛ a mɔɔ vuu piti, a mɔɔ rangkɛ yee vi bang bang ka yuu vuu kaɓa naa kaka ɓaaɓɛ a mɔɔ viya?

2 Koranti 4:6

Laa ɓɔɔ kɔɔyi nɛɛ, “Nɔng yakɛ ta ka nɔng ɓɔɔ tɔ̀ɔ katɔ ɓɛɛ,” ɓi doo wukɔ shing nɔng yakɛnang ɓiɓɛ, yakɛ yeti ɓuru. A shingnɛ ruu zi bannang Laa ka waa nyaating Yeesɔ Kirisi.

Afisa 1:18

N gàá Laa wu puu nɔɔ yeti, tɔ̀ɔ, nɔɔ zi vuu ɓɔɔ nɔɔ shing gn kagn, ɓɔɔ wu ɓaa nɔɔ nyaa ka ruu ɓiɓɛ ɓɛɛ. Tɔ̀ɔ, nɔɔ zirɛ nɛɛ tĩnang ɓɔɔ Laa a nɔɔ nyaa nɛɛ rɛɛ zang ɓiɓɛ nɛɛ wu a nɔɔ, bang dɔɔli.

Afisa 2:8

Ka ruu ɓɔɔ, zang ta yuu manɛ ɓi ka ruu tɔ̃ɔ ɓɔɔ Laa palɛ nɔɔ, ka ruu danggn ɓɔɔ nɔɔ shing ɓɛɛ. Ɓi vuu ɓɔɔ nɔkɔ palɛ nɛɛ yuu manɛ kpang, ɓi Laa a nɔɔ waati.

Filipi 1:29

Laa ɓɔɔ yàa nɔɔ gbalang nɛɛ nɔ́ɔ shing danggn ka bii Kirisi ɓɛɛ, ti yaa nɔɔ gbalang tɔ nɛɛ nɔ́ɔ dang jĩng ka ruu ɓiɓɛ.

1 Timoti 6:16

Wukɔ vɔ ɓi kpang gbete. Nwàng ɓi ka nɔng ɓɔɔ yakɛ ɓi katɔ, ɓɔɔ zang ɓɔɔ zunung daanang ka bii ɓiɓɛ kpang ɓɛɛ. Zang ɓɔɔ zi wu gngn kpang. Zang ɓɔɔ ti zi wu kagn kpang. Zang wu báng wu diki diki, naa vuu palɛnang wu nwang ɓɔɔ ɓiɓɛ dòndòng, Nɔngkɔ.

Yahudi 13:8

Yeesɔ Kirisi ɓi doo naa ɓɔɔ wu nɛɛ ka ɓɔɔrɔ ɓɛɛ, ɓi doo nɔngkɔ lɛ̀ɛ́kɔ, ti nwang ɓi nɔngkɔ gbinggbing.

Yakubu 1:5

Zang ɓɔɔ nɛɛ zũng kpang, wu gàa Laa, Laa a wu zũnang katɔ, ka ruu ɓɔɔ Laa a zang piti vuu katɔ, ti a zang naa ka zingzing ɓɛɛ. Zãa zang vuu ɓɔɔ zang gaa ɓɛɛ kpang.

Yakubu 3:15

Wee ɓi zũnang ɓɔɔ a nɛɛ bii Laa kpang, ɓi ɓɔɔ koo keɓe. Ɓi ɓɔɔ Suru Laa kpang. Ɓi ɓɔ̀ɔ́ suru shi kpang.

Yakubu 3:17

Zũnang ɓɔɔ a nɛɛ bii Laa ɓi náabm̀. Zang ɓɔɔ zũnang keɓe kagn yeti ɓiɓɛ, shi kpang nwang ɓi ka bii ɓiɓɛ kpang. Zũnang keɓe, shing zang, zang kasɛ nwannang ka bii zɔɔ, palɛ vuu ɓi hakaka kpang, yi wusang ɓi dɔɔli, gn zang kɔng wu dɔɔli, a ti palɛ vuu tɔ̃ɔ dɔɔli. Pálɛ̀ vuu ɓi jong gn dang gbete kpang, ti nwãarɛ zang ɓi nɛɛ vuu palɛnang kpang.

1 Yɔhana 1:5

Yee ɓɔɔ ruu tãa ka nyaa ɓiɓɛ, ruu kɔɔ nɔɔ wukɔ. Laa kɔ nɔng yakɛnang, Ruu ɓiɓɛ hãa ɓi kagn nɛɛ vuu shi kpang, kpang.

1 Yɔhana 4:10

Zang kasɛnang nwàng ɓi hn. Wu rukɔ gaayu Laa kasɛnang kpang, Laa kɔ kasɛ ruu ɓuru jong, a shong Jaa ɓiɓɛ nɛɛ wu naa nwang kaa naa vuu vàa ɓɔɔ zang dɔ̀ɔ́ Laa, tɔ̀ɔ, Laa wu yaa ruu gbalang vuu shi kpang ɓuru kati ɓɛɛ.

Vuu ɓɔɔ zang nwangsɛ Yɔhana 21:23

Ruu zang gari kaɓa hãa ɓi kagn nɛɛ laa nɛɛ shala kpang, ka ruu ɓɔɔ, bannang Laa yakɛ nɔng ka nɔng kaɓa a Jaa Mɛ̀ɛrɛ́ ti nwang naa waa zàáng sɔɔ ɓɔɔ yakɛ gari kaɓa ɓɛɛ.

Vuu ɓɔɔ zang nwangsɛ Yɔhana 22:5

Nɔng zĩi ɓi ka nɔng kaɓa kpang. Ruu zang gari kaɓa hãa ɓi kagn nɛɛ waa zàáng sɔ̀ɔ nɛɛ làa tɔkn kpang, ka ruu ɓɔɔ, kpanti Laa nɛɛ yuu ɓiɓɛ wukɔ naa yakɛ ri nɔng ɓɛɛ. Ri naa roo kpanti jong gbinggbing.