Yakubu 1:14 - Nyaa Shɔɔ Ɓɔɔ Laa a Ɓɛɛ

¹⁴ Ɓi rɛ̃rɛnang shi kpang ɓɔɔ ka yeti zang kɔ, shing zang, zang kasɛ vuu. Wu shing zang, zang palɛ vuu shi kpang.

Yakubu 1:14 Σταυροειδείς Αναφορές

Matiyu 15:18

A vuu ɓɔɔ nwang nɛɛ yeti nyaa shɔnzang, a ɓi nɛɛ yeti ɓiɓɛ. Vuu keɓe kɔ raa zang, zang nwang zang shi kpang ka tĩng Laa.

Matiyu 15:20

Vuu keɓe kɔ shing zang, zang nwang zang shi kpang ka tĩng Laa. A naa zang shaa vuu shaanang, zang sɔɔ naa ɓi naa ɓɔɔ daa manɛ tusu zang kpang, shing zang, zang nwang zang shi kpang ka tĩng Laa kpang.”

Matiyu 4:1

A Suru Laa túu Yeesɔ daa nɔng ka waala nɛɛ tɔ̀ɔ, Sheetang wu daa gãsɛ wu.

Matiyu 5:28

A kãntang keɓe n kɔ̀ɔ́ nɔɔ, zang ɓɔɔ nɛɛ zi zang soro, a suru bii daa wu nɛɛ wu, ɓang bii ɓi tɔ nɛɛ wu ka yeti ɓiɓɛ.

Rooma 7:11

Vuu shi kpang walɛ gbalang nɛɛ bii nyaa ɓɔɔ Laa dangnɛ, a nwãarɛ m, a ti nyɔ m vɔrɔ.

Rooma 7:13

Wee nɔɔ kɔɔ ɓu kaa nɛɛ vuu tɔ̃ɔ keɓe kɔ nyɔ m vɔrɔ ya? Wu nɔngkɔ kpang. Ɓi vuu shi kpang, tuu vuu ɓɔɔ tɔ̃ɔ, a nyɔ m vɔrɔ nɛɛ mani, tɔɔ wu tusu bii ɓiɓɛ kaa tɔ̃ɔ tɔ̃ɔ. Ka ruu nɔngkɔ, nyaa dannang Laa kɔ shingnɛ vuu shi kpang tusu nɛɛ wu kaa shi kpang tingkiring.

Afisa 4:22

Ka ruu nɔngkɔ, nɔɔ yaa vuu ɓeleng ɓɔɔ bii manɛ kasɛ ɓɛɛ ta, ɓɔɔ shing nɔɔ, nɔɔ nwang naa ɓɔɔ nɔɔ nwang ɓɛɛ. Vuu ɓɔɔ nwãarɛ nɔɔ katɔ, ɓɔɔ nɔɔ kasɛ ɓɛɛ, bɛ̀ɛ́ lasɛ bii manɛ kana.

Yahudi 3:13

Nɔɔ mã zɔɔ danggn katɔ kɔ jong diki diki, tɔɔ vuu shi kpang wu shing zang ɓɔɔ kaa tɔ̀ɔ́ ka teteng manɛ wu taarɛ yuu kpang, ka laa ɓɔɔ nɔɔ doo ningkãari kɔ, zang ɓaa nɛɛ “Lɛɛkɔ” ɓee.

Yakubu 1:13

Zang ɓɔɔ zang nɛɛ gãsɛ wu, wu tɔɔ kpang nɛɛ “Ɓi Laa gãsɛ m” kpang, ka ruu ɓɔɔ, vuu ɓɔɔ gãsɛ Laa nɛɛ wu palɛ vuu shi kpang ɓi kagn kpang. Laa nɛɛ yuu ɓiɓɛ gãsɛ zang ɓi kpang.

Yakubu 1:15

Rɛ̃rɛnang keɓe nɛɛ ɓaa mɔɔ saara tɔ ka yeti, wu shing mɔɔ, mɔɔ palɛ vuu shi kpang. Vuu shi kpang nɛɛ nwang vuu bii ɓaaɓɛ tɔ, wu nwàng mɔɔ vɔrɔ kati.