Yakubu 1:10 - Nyaa Shɔɔ Ɓɔɔ Laa a Ɓɛɛ

¹⁰ Zang ying ɓɔɔ nɛɛ dũng Laa, Laa nɛɛ sɔɔrɔ wu yuu ka dii, wu tãa tĩnang dòo nɔngkɔ, ka ruu ɓɔɔ, zang ying shaarɛ ɓi katɔ naa mangwaa ɓɔɔ nyaa kɔ dòo naa ɓee, waatɛ kaa tɔ ɓɛɛ.

Yakubu 1:10 Σταυροειδείς Αναφορές

Matiyu 5:3

“Tĩnang tãanang ɓi ɓɔɔ zang ɓɔɔ ri zi tɔ nɛɛ, vuu Suru Laa ɓi kagn naa ɓarɛ kpang, Laa naa a rikɔ vuu tɔ̃ɔ ɓɔɔ wu a zang ɓɔɔ ri ta wu, nɛɛ wukɔ kpanti ɓɛɛ.

Matiyu 6:30

Mangwaa vuu ɓɔɔ zang zi lɛɛkɔ, ɓuru waatɛ kaa tɔ, zang tasɛ kaa waa ɓɛɛ. Kpanti Laa nɛɛ pàlɛ́ ri shinang katɔ naa weɓe, pàlɛ̀ nɔɔ, ɓɔɔ nɔɔ ɓa ri katɔ manɛ kpang ya? Nɔɔ ɓɔɔ nɔɔ shing gn ka bii Kpanti Laa rɛ̃rɛkɛ ɓɛɛ.

1 Koranti 7:31

Zang ɓɔɔ ri nɛɛ palɛ shonang ɓɔɔ ka koo keɓe, ri shing danggn nandon ka yuu vuu keɓe kpang. Ka ruu ɓɔɔ, koo keɓe naa wee wu kãntang ɓee, waa nyaa kaa tɔ ɓɛɛ.

Filipi 3:8

Niizang, vuu naa mɛɛ nandon, n risi tɔ naa vuu ɓɔɔ kpang, ka ruu ɓɔɔ zinang ɓɔɔ n zi Kpanti mɛɛ Yeesɔ Kirisi, ɓa vuu piti katɔ ɓɛɛ. Ka ruu Yeesɔ kɔ n yaa vuu piti tɔ. N risi vuu piti naa vuu wɔ̀sɔ̀nang, tɔ̀ɔ, n wàlɛ̀ m kaa Yeesɔ kɔ shɛ̃ɛning.

1 Timoti 6:17

Kɔɔ zang ɓɔɔ ri zang ying ka koo keɓe ri tuu yuu ɓarɛ kpang. Ri shing gn ka vuu naa ɓɔɔ nwang dòndòng kpang, ɓɔɔ naa weɓe kpang. Ri shing gn ka bii Laa ɓɔɔ a ruu vuu piti, ka diki kpang, nɛɛ tɔ̀ɔ, ruu tãa tĩnang nɛɛ mani ɓɛɛ.

Yakubu 4:14

Nɔɔ ti zi vuu ɓɔɔ ɓuru atɛ ɓɛɛ kpang. Suru bii manɛ nwang naa viya? Nɔɔ nwang manɛ naa miisĩ́ng ɓɔɔ kpaa nɛɛ gãndi nyaa kɔ doo naa, sãtɛ tɔ ɓɛɛ.

1 Bituru 1:24

Ɓi naa ɓɔɔ zang bée ka yeti labeenang Laa ka tĩng tɛ̃ɛ tɛ̃ɛ ɓɛɛ nɛɛ, “Shɔnzang piti ri nwang naa wisi Shinang ɓarɛ ɓi naa mangwaa wisi, wisi nɛɛ tɔɔrɔ tɔ, mangwaa wu lɔɔyi ɓɛɛ.

1 Yɔhana 2:17

Diki ɓɔɔ koolaa keɓe naa waa nyaa, waa nyaa ɓi nɛɛ vuu ɓɔɔ zang kasɛ ka yeti ɓiɓɛ ning. Zang ɓɔɔ palɛ vuu ɓɔɔ yeti Laa kasɛ, wukɔ nwang ɓi gbinggbing.