Yahudi 4:1 - Nyaa Shɔɔ Ɓɔɔ Laa a Ɓɛɛ

¹ Ka ruu nɔngkɔ, wee nyaa ɓɔɔ Laa arɛ ka yuu daanang ka nɔng ɔ̃sɔnang ɓiɓɛ doo kagn ɓee, ruu palɛ waasɛ̃ zang ɓɔɔ ka teteng ɓuru nɛ̀ɛ́ dàa nɔng ɔ̃sɔnang kaɓa kpang.

Yahudi 4:1 Σταυροειδείς Αναφορές

Matiyu 24:48

A náa zang shonang kaɓa, yeti ɓiɓɛ shi kpang, a kɔɔyi tɔɔ, ‘Dabang gãa mɛɛ a ɓi pati kpang?’

Zang Shonang Yeesɔ 3:19

Ka ruu nɔngkɔ, nɔɔ kɔ̃sɔ yeti manɛ ta, nɔɔ gbãayu kaa bii Laa, tɔ̀ɔ, wu yaa nɔɔ gbalang vuu shi kpang manɛ kati.

Rooma 11:20

Nɔngkɔ niizang. Zang dɔlɔ ri, ka ruu ɓɔɔ ri shing danggn kpang ɓɛɛ. A nɔɔ tèng nɔng ɓarɛ ɓi kaa ruu ɓɔɔ nɔɔ shing danggn tɔ ɓɛɛ. Nɔ́ɔ tuu yuu manɛ ka ruu ɓɔɔ nɔɔ tèng nɔng ɓarɛ tɔ kpang, nɔɔ kaa vɔrɔ kɔ jong.

Rooma 3:23

Zang piti ri palɛ vuu shi kpang tɔ, ri daa naa ɓɔɔ ri walɛ bannang ɓɔɔ Laa a zang ɓɛɛ takpang.

1 Koranti 10:12

Ka ruu nɔngkɔ, zang ɓɔɔ nɛɛ zirɛ nɛɛ wu shii ɓi katɔ nɛɛ kaka gbatagbata, wu palɛ waasɛ̃, wu nɛɛ watɛ ka ɓɔɔ zang gãsɛ wu ɓɛɛ.

2 Koranti 6:1

Ka shonang kɔ ruu pálɛ̀ ka nyaa zɔɔ nɛɛ Laa ɓee, ruu gàa nɔɔ ɓɔɔ Laa pàlɛ̀ nɔɔ tɔ̃ɔ tɔ ɓɛɛ, wu nwàng naa pàlɛ̀ nɔɔ ka dalɛ waati kpang.

Galati 5:4

Zang ɓɔɔ ka teteng manɛ ɓɔɔ ri kãa gbalang ɓɔɔ ri nwang zang tɔ̃ɔ ka tĩng Laa nɛɛ nyaa dannang ɓɔɔ ri dũng ɓɛɛ, ri basɛ zɔɔ ɓarɛ tɔ nɛɛ Kirisi. Nɔɔ bɛ̃ɛ manɛ tɔ̃ɔ ɓɔɔ Laa palɛ zang katɔ ɓɛɛ ya?

2 Timoti 2:13

Naa ruu ɓuru zang ɓɔɔ zang shing gn ka bii ɓuru kpang, Yaa nyaa ɓɔɔ wu kɔ̀ɔ ɓi kpang. Ka ruu ɓɔɔ, sùu yuu ɓiɓɛ sèé ɓi kpang ɓɛɛ.

Yahudi 12:15

Nɔɔ gãng jĩng kagn, zang ɓɔɔ ka teteng manɛ nɛ̀ɛ́ wàlɛ̀ tɔ̃ɔ Laa kpang, a zang ɓɔɔ nɛ̀ɛ́ ta yeti ɓɔɔ la katɔ ɓɛɛ, ɓɔɔ shingnɛ, nyaa haanang seepaa, ɓɔɔ lasɛ zang dɔɔli ɓɛɛ.

Yahudi 12:25

Nɔɔ palɛ waasɛ̃, nɔ́ɔ bɛ̃ɛ Laa kɔ rang yee ɓee kpang. Ka ruu ɓɔɔ, naa zang ɓɔɔ ri bɛ̃ɛ ruu ɓiɓɛ ɓɔɔ a nɛɛ bii Musa ɓɔɔ shàarɛ̀ ri nyaa ka koo keɓe ri wɔ kpang, a ruu nɛɛ bɛ̃ɛ ruu ɓiɓɛ ɓɔɔ a nɛɛ bii Yeesɔ ɓɔɔ a nɛɛ lapa, a shaarɛ ri nyaa ɓɛɛ, ruu palɛ biya ruu wɔ viya?

Yahudi 13:7

Danggn wu ning nɔɔ zang bang manɛ ɓɔɔ ri ràng nɔɔ yee Laa ɓɛɛ kpang. Nɔɔ pɛ̃́ɛrɛ́ vuu ɓɔɔ nwannang ɓarɛ nwàng ri ɓɛɛ, nɔɔ màsɛ̀ danggn shinnang ɓarɛ.

Yahudi 3:11

Ka ruu nɔngkɔ, gnvɔ shaa m, a n tũng vuu, n tɔɔ, ‘Ri àrɛ́, ri ɔ̃sɔ nɛɛ n ka nɔng ɓɔɔ bɛ̀ɛ́ n kagn kpang dòndòng.’ ”

Yahudi 4:11

Ka ruu nɔngkɔ, ruu palɛ vuu ɓɔɔ ruu zunung katɔ ɓɛɛ, ruu daa nɔɔ nɔng ɔ̃sɔnang kaɓa. Zang ɓɔɔ ka teteng ɓuru wu ta nyaa Laa naa ɓɔɔ ri palɛ, a ri daa nɔng ɔ̃sɔnang Laa kpang ɓɛɛ kpang.

Yahudi 4:9

Ka ruu nɔngkɔ, zang Laa ri ɔ̃sɔ ditɔ naa ɓɔɔ ka lee ɓɔɔ diki daa manziti ɓɔɔ Laa ɔ̃sɔ kagn ɓɛɛ.