Yahudi 2:1 - Nyaa Shɔɔ Ɓɔɔ Laa a Ɓɛɛ

¹ Ka ruu nɔngkɔ, ruu shing nɔɔ jĩng gbãng gbãng ka vuu ɓɔɔ ruu tãarɛ ɓɛɛ, vuu keɓe nɛɛ wɔ̀ ruu nɛɛ naa kpang ɓɛɛ.

Yahudi 2:1 Σταυροειδείς Αναφορές

Matiyu 16:9

Nɔɔ zi ɓu gn kpang ya? Nɔɔ kpaa danggn borodi maani ɓɔɔ zang labang maani ri shaayi, ri yaa knti kpang ya? Nɔɔ kpalɛ ɓɔɔ ri yaa knti sàáng nɛya?

Maraku 8:18

Jĩng manɛ kagn, nɔɔ zi nɔng kpang ya? Shoo manɛ kagn, nɔɔ tãa nɔng kpang ya? Nɔɔ kpaa danggn,

Luka 8:15

Jĩng vuu ɓɔɔ ri shili ka tipi tɔ̃ɔ, nwang kaa naa zang ɓɔɔ tãa Ruu Laa ɓɛɛ. Ri tarɛ, ri shing ka yeti ɓarɛ, ri mã danggn, a ri naa nwang kaa naa jĩng vuu ɓɔɔ bangnɛ ra jaa gaagaa ɓɛɛ.

Luka 9:44

“Nɔɔ ɓaa shoo ta nɔɔ tãa vuu ɓɔɔ n kɔɔ nɔɔ ɓɛɛ, tɔɔ danggn wu ning nɔɔ kaa takpang. Ka ruu ɓɔɔ zang ɓɔɔ naa tuu Jaa Shɔnzang ditɔ, a zang ɓɔɔgn ri nyɔ wu vɔrɔ ɓɛɛ.”

Yɔhana 8:59

Ka ruu nɔngkɔ, ri yakɛ tari nɛɛ ri luku wu kaa tɔ. Waasɛ yuu ɓiɓɛ, nwang nɛɛ nwĩiri yaa Gãa Laa.

Yahudi 12:5

Danggn wu ning nɔɔ ruu gn mãnang ɓɔɔ Laa ɓáa nɔɔ nɛɛ wujɛ ɓiɓɛ ɓɛɛ kpang, kɔɔyi tɔɔ, “Jaa mɛɛ, mɔɔ risi shoo ɓɔɔ Laa gɔ̃̀ mɔɔ, wu nwang naa vuu pĩirinang kpang. Naa ti mangkɛ mɔɔ, mɔɔ yaa gn naa kpang.

2 Bituru 1:15

N palɛ vuu ɓɔɔ n zunung katɔ ɓɛɛ ditɔ, n shing nɔɔ danggn rɛɛ vuu keɓe wu ning nɔɔ kpang, ka knti ɓɔɔ bɛ̀ɛ́ n vɔ tɔ ɓɛɛ.

2 Bituru 3:1

Masang, ɓɔɔ n kasɛ ruu manɛ dɔɔli ɓɛɛ, n bèé nɔɔ labeenang daa kaa nɛɛ weɓe doo ziti. Ka yeti labeenang ziti keɓe, n kpàa nɔɔ danggn rɛɛ vuu ɓɔɔ bɛ̀ɛ́ nɔɔ zi tɔ ɓɛɛ, tɔ̀ɔ, wu shing nɔɔ, nɔɔ rɛ̃rɛ kaa tɔ̃ɔ ka yuu rɛɛ vuu keɓe.