Yahudi 11:3 - Nyaa Shɔɔ Ɓɔɔ Laa a Ɓɛɛ

³ Danggn ɓɔɔ ruu shingnɛ, kɔ tusu ruu nɛɛ koo keɓe nwàng nɔngkɔ, ka doo ruu ɓɔɔ Laa kɔɔ ɓɛɛ. Ka ruu nɔngkɔ, vuu ɓɔɔ ruu zili keɓe, zang palɛ ɓi nɛɛ vuu ɓɔɔ zang zili kpang ɓɛɛ.

Yahudi 11:3 Σταυροειδείς Αναφορές

Yɔhana 1:3

Laa mãarɛ vuu ɓɔɔ ka koo keɓe piti nɛɛ wukɔ. Vuu ɓɔɔ kagn gbete ka teteng vuu ɓɔɔ Laa mãarɛ ka koo keɓe, ɓɔɔ Laa mãa nɛɛ wu kpang, kagn kpang.

Zang Shonang Yeesɔ 14:15

“Nɔɔ palɛ vuu keɓe ka ruu viya? Rùu ɓuru doo shɔnzang kɔ naa nɔkɔ. Ruu arɛ ruu tɔɔ ruu naa kɔ̀ɔ́ nɔɔ Ruu Tɔ̃ɔ Laa. Ruu tɔɔ nɔɔ yaa gbalang vuu ɓɔɔ nwàng nɔɔ vuu ɓɔɔ kpang keɓe. Nɔɔ a ka bii Laa ɓɔɔ ningkãari ɓɔɔ wukɔ mãa lapa nɛɛ tipi nɛɛ waapo nɛɛ vuu ɓɔɔ ka yeti ɓarɛ nandon ɓɛɛ.

Zang Shonang Yeesɔ 17:24

Laa ɓɔɔ wukɔ mãa koo nɛɛ vuu ɓɔɔ ka yeti koo nandon, ɓɔɔ wukɔ kpanti lapa nɛɛ tipi, nwang ɓi jong ka yeti gãa ɓɔɔ shɔnzang mãa ɓɛɛ kpang.

Rooma 4:17

Labeenang Laa kɔɔyi nɛɛ, “N shing mɔɔ tɔ, mɔ́ɔ nwang dabang zang koolaa dɔɔli.” Wukɔ daa ɓuru ka tĩng Laa ɓɔɔ wu shing danggn ka bii ɓiɓɛ ɓɛɛ. Laa ɓɔɔ wisi zang paa nɛɛ sàa, zang nwang ningkãari, a ti mãarɛ vuu shɔɔ katɔ ɓɛɛ.

1 Koranti 2:7

Zũnang kɔ ruu rang yee ka yuu ɓiɓɛ ɓee, ɓi zũnang Laa ɓɔɔ bɛ̀ɛ́ Laa waasɛ katɔ, shɔnzang ri zi kpang ɓɛɛ. Laa pálɛ́ vuu keɓe doo ka tĩng bɛ̀ɛ́ zang mãa koo keɓe gn kpang, nɛɛ tɔ̀ɔ, ruu naa nwang nɛɛ wu ka nɔng bannang ɓiɓɛ.

1 Timoti 4:5

Ka ruu ɓɔɔ, vuu shaanang piti, ɓi Ruu Laa shingnɛ wu nwang tɔ̃ɔ, a ɓɔɔ kaa Laa ɓɔɔ ruu gàa ka nɔng shaanang ɓɛɛ.

Yahudi 1:2

A ka doo knti keɓe, Laa rang ruu yee ɓi kaa nɛɛ nyaa Jaa ɓiɓɛ. Jaa keɓe, Laa zɔ̃ng wu, nɛɛ vuu piti, wu naa nwang ɓɔɔ ɓiɓɛ, a Laa mã́a koo nɛɛ bii ɓiɓɛ ɓɛɛ kɔ.

Yahudi 6:5

ri ti tãa tɔ̃ɔ Ruu Laa tɔ, a ri ti zi naa ɓɔɔ naa vuu palɛnang koo ɓɔɔ naa a ɓɛɛ nwang ɓɛɛ tɔ.

2 Bituru 3:5

Zang ɓɔɔ ri kɔɔrɔ naa weɓe kaɓa, ri kasɛ kpang, nɛɛ ka tĩng tɛ̃ɛ tɛ̃ɛ nɛɛ Laa rang yee waati, a lapa nɛɛ tipi nwangsɛ bii kpang. Nwangsɛ tipi nɛɛ yeti mii, ka ruu nɔngkɔ, palɛ tipi ɓi kaa nɛɛ mii.

Vuu ɓɔɔ zang nwangsɛ Yɔhana 4:11

“Laa ɓɔɔ mɔkɔ kpanti ɓuru ɓɛɛ, mɔkɔ daa naa ɓɔɔ zang bang mɔɔ, zang dɔɔ mɔɔ, a naa vuu palɛnang piti ka naa ɓaaɓɛ kɔ. Mɔkɔ mã́arɛ̀ vuu piti ka tĩng tɛ̃ɛ tɛ̃ɛ, a mɔkɔ ti kasɛ nɛɛ ri nwalɛ naa weɓe, a mɔɔ mã́arɛ̀ ri kati.”