Titu 3:1 - Nyaa Shɔɔ Ɓɔɔ Laa a Ɓɛɛ

¹ Kɔɔ ri nɛɛ ri ɓaa shoo ka nyaa rɛɛ kpanti, nɛɛ rɛɛ zang bang tipi. Ri ti kpalɛ bii diki diki, ri pálɛ́ shonang ɓɔɔ tɔ̃ɔ ɓɛɛ.

Titu 3:1 Σταυροειδείς Αναφορές

Matiyu 22:21

Ri kasɛ wu nyaa tɔɔ, “Ɓɔɔ Kayisa.” A Yeesɔ kɔɔ ri tɔɔ, “Nɔɔ a Kayisa vuu ɓiɓɛ ta, nɔɔ ti a Kpanti Laa ɓɔɔ ɓiɓɛ.”

1 Koranti 15:58

Ka ruu nɔngkɔ, manzung, ɓɔɔ n kasɛ nɔɔ katɔ ɓɛɛ, n kɔɔ nɔɔ, nɔɔ shii nɛɛ kaka, vuu ɓɔɔ wu shing nɔɔ nɔ́ɔ kɔ̃sɔ yeti manɛ kpang. Nɔɔ palɛ shonang Kpanti ɓuru Yeesɔ Kirisi nɛɛ yeti manɛ nandon, ka ruu ɓɔɔ, nɔɔ zi tɔ nɛɛ shonang ɓɔɔ nɔɔ pàlɛ́ Kpanti Kirisi naa nwǎng nɔɔ vuu tɔ̃ɔ katɔ ɓɛɛ.

Afisa 2:10

Laa kɔ mãa ruu, ka yuu ɓɔɔ ruu ɓakɛ nɛɛ Yeesɔ Kirisi, nɛɛ ruu nwang nwannang ɓɔɔ ruu palɛ shonang ɓɔɔ tɔ̃ɔ, ɓɔɔ Laa kpàlɛ̀ ruu bii, doo ka tĩng, nɛɛ ruu naa palɛ ɓɛɛ.

Filipi 1:11

N ti gaa Laa nɛɛ nɔ́ɔ walɛ nwannang tɔ̃ɔ ɓɔɔ a nɛɛ bii Yeesɔ Kirisi ɓɛɛ, nɔ́ɔ ti palɛ vuu ɓɔɔ tɔ̃ɔ jong. Zang ɓɔɔ ri zi vuu tɔ̃ɔ ɓɔɔ nɔɔ palɛ, ri dɔ̀ɔ Laa, ri ti a wu bannang ka ruu vuu keɓe.

Kolosi 1:10

Tɔ̀ɔ, nɔ́ɔ naa zunung nwannang ɓɔɔ Kpanti ɓuru kasɛ ɓɛɛ kati, nɔɔ palɛ vuu ɓɔɔ shing wu tãa tĩnang ɓɛɛ kati diki diki. Nwannang manɛ naa shing nɔɔ, nɔ́ɔ palɛ vuu ɓɔɔ tɔ̃ɔ ɓɛɛ ka zɔ̃ng zɔ̃ng. Zinang ɓɔɔ nɔɔ zi vuu ka yuu Laa, naa daa kaa nɛɛ tĩng diki diki.

1 Timoti 2:2

Mɔɔ ti gàa Laa ka ruu rɛɛ kpanti, nɛɛ zang ɓɔɔ ri zang bang ɓɛɛ nandon. Tɔ̀ɔ, rùu ɓɔɔ ruu dũng Laa rúu nwang kaa nyaa zɔɔ kikiri nɛɛ zang piti. Tɔ̀ɔ, ruu a Laa bannang kati ruu ti seng zang jong.

1 Timoti 4:6

Naa mɔɔ kɔɔ rɛɛ ɓaazung, ɓɔɔ ri dũng doo Laa kɔ ruu keɓe diki diki, mɔɔ nwang zang shonang tɔ̃ɔ ɓɔ̀ɔ́ Yeesɔ Kirisi. Mɔɔ ti alɛ ɓaa suru bii ɓaaɓɛ ruu niizang ɓɔɔ zang kɔ̀ɔ́ ka yuu danggn shinnang, nɛɛ vuu ɓɔɔ zang tùsù mɔɔ, a mɔɔ yiti gbãng gbãng ɓɛɛ.

1 Timoti 5:10

Nɛɛ ti suvɔ ɓɔɔ zang zi wu tɔ nɛɛ shonang tɔ̃ɔ palɛnang ɓɛɛ. Nɛɛ ti gãng jĩng ka wujɛ ɓiɓɛ waasɛ̃ ɓɛɛ. Nɛɛ tá zang zanti katɔ ɓɛɛ, nɛɛ ti pálɛ̀ zang ɓɔɔ ri dũng doo Laa kɔ vuu, tuu yuu ɓiɓɛ kpang ɓɛɛ. Nɛɛ ti yi zang ɓɔɔ ri dang jĩng naa ka bii ɓɛɛ, nɛɛ ti shing yuu ɓiɓɛ nɛɛ wu palɛ tɔ̃ɔ ka zɔ̃ng zɔ̃ng ɓɛɛ. Mɔɔ bee nung ɓiɓɛ.

2 Timoti 1:6

Ka ruu nɔngkɔ, n kpàá mɔɔ danggn, mɔɔ palɛ shonang nɛɛ vuu ɓɔɔ Laa a mɔɔ ka ɓɔɔ n shìng mɔɔ naa ka yuu ɓɛɛ.

2 Timoti 2:14

Kpaa rɛɛ zang ɓaaɓɛ danggn vuu keɓe, mɔɔ ti shaarɛ ri nyaa gbãng gbãng ka tĩng Laa, nɛɛ ri gaa nyaa ka yuu ruu kpang. Nwàng zang vuu ɓɔɔ tɔ̃ɔ ɓi kpang, lasɛ zang ɓɔɔ ri tãa ɓɛɛ ɓarɛ katɔ kɔ shɛ̃ɛning.

2 Timoti 2:21

Zang ɓɔɔ nɛɛ palɛ rɛɛ vuu shi kpang keɓe kpang nandon, nwang ɓi naa juwa Zinariya ɓɔɔ zang shaa vuu shaanang kagn ka lee mung ɓɛɛ. Juwa keɓe, shi zang ɓiɓɛ ka jĩng dɔɔli. Zang ɓiɓɛ palɛ shonang tɔ̃ɔ piti nɛɛ mani katɔ.

Titu 1:16

Ri kɔ̀ɔ́ ɓarɛ nɛɛ ri zi Laa tɔ, a vuu ɓɔɔ ri palɛ tusu kaa nɛɛ ri zi Laa nung kpang. Ri ɓarɛ vuu ɓɔɔ zang bɛ̃ɛ katɔ ɓɛɛ, ri ɓaa shoo ka nyaa zang kpang, ri daa naa vuu tɔ̃ɔ palɛnang ɓarɛ kpang tingkiring.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Titu 3:14

Zang ɓuru ɓɔɔ ri dũng Laa, ri kpɛ̃ɛrɛ shonang ɓɔɔ tɔ̃ɔ palɛnang, tɔ̀ɔ, ri yi zang ɓɔɔ vuu ka naa ɓarɛ kpang naa jong ka bii. Ri nwàng nwannang waati kpang.

Titu 3:8

Ruu kɔ zang kɔɔ ɓɛɛ, niizang kɔ nwani. N kasɛ mɔɔ yi tĩng ɓaa ka vuu kɔ n kɔɔrɔ ɓee tɔ̃ɔ tɔ̃ɔ. Tɔ̀ɔ, zang ɓɔɔ ri dũng Laa, ri dũng vuu keɓe, ri pálɛ́ shonang ɓɔɔ tɔ̃ɔ ɓɛɛ. Shonang keɓe, wukɔ tɔ̃ɔ ti yi zang piti naa katɔ ka bii.

Yahudi 13:21

N gaa wu, wu a nɔɔ vuu tɔ̃ɔ piti ɓɔɔ nɔɔ kasɛ ɓɛɛ, tɔ̀ɔ, nɔɔ palɛ vuu ɓɔɔ wu kasɛ ɓɛɛ. Wu palɛ vuu ɓɔɔ shing wu, wu tãa tĩnang ka yeti ɓuru, nɛɛ bii Yeesɔ Kirisi. Zang a wu bannang ta gbinggbing. Nɔngkɔ.

2 Bituru 1:12

Ka ruu nɔngkɔ, n kpàarɛ́ nɔɔ danggn rɛɛ vuu keɓe dòo nɛɛ mani ka wee nɔɔ zi ri tɔ, a nɔɔ ti shii tɔ gbãng gbãng ka yuu ruu niizang kɔ nɔɔ ta ɓee.

Yahuza 1:5

Ruu kɔ n tɔɔ n kɔ̀ɔ́ nɔɔ ɓee, nɔɔ zi tɔ. N tɔɔ n kpaa nɔɔ m danggn kaa naa ɓɔɔ Laa ta yuu zang Isirela nɛɛ tipi Masara ɓɛɛ, a nɛɛ knti naa ningsi zang ɓɔɔ ka teteng ɓarɛ ɓɔɔ ri shing danggn ka bii ɓiɓɛ kpang ɓɛɛ.