Titu 2:8 - Nyaa Shɔɔ Ɓɔɔ Laa a Ɓɛɛ

⁸ Tusu vuu ɓɔɔ tɔ̃ɔ ɓɔɔ zang ɓɔɔ kɔɔ kpang nɛɛ shi kpang, kpang ɓɛɛ. Tɔ̀ɔ, yusɛ̃ɛ wu tuu zang ɓɔɔ ri shing jĩng nɛɛ mɔɔ kpang kati, ri wàlɛ̀ vuu shi kpang ɓɔɔ ri kɔ̀ɔ́ ka yuu ɓaaɓɛ kaa takpang.

Titu 2:8 Σταυροειδείς Αναφορές

Maraku 12:17

A Yeesɔ kɔɔ ri tɔɔ, “Vuu ɓɔɔ nɛɛ ɓɔɔ Kayisa, nɔɔ a wu, nɔɔ ti a Kpanti Laa vuu ɓiɓɛ.” Ɓɔɔ ri tãa naa weɓe, ri mã naa ka danggn, ka ruu nyaa ɓɔɔ wu kasɛ ɓɛɛ.

Maraku 12:28

A shɔnzang gbete ka teteng zang ɓɔɔ ri tusu zang vuu, arɛ naa ĩi ri, ri laa nyaa nɛɛ zɔɔ, a ti tãa naa ɓɔɔ Yeesɔ kasɛ zang nyaa tɔ̃ɔ tɔ̃ɔ ɓɛɛ, hɛ̃ɛ Yeesɔ tɔɔ, “Ka teteng nyaa ɓɔɔ Laa dangnɛ, ɓu wi bang wiya?”

Maraku 12:32

A yɔɔ ɓɔɔ tusu zang vuu kaɓa, kɔɔ wu tɔɔ, “Mɔɔ kasɛ nyaa tɔ tɔ̃ɔ, maalang. Naa ɓɔɔ mɔɔ kɔɔyi niizang kɔ. Kpanti Laa wukɔ Laa gbete, Laa ɓɔ̀ɔ́gn kpang, wukɔ gbete.

Maraku 12:34

Ɓɔɔ Yeesɔ zi naa ɓɔɔ wu kasɛ nyaa nɛɛ zũnang ning, kɔɔ wu tɔɔ, “Yaa ɓɔɔ mɔɔ ta Laa wu nwang Kpanti ɓaaɓɛ kaa tɔkɔlɔng.” Zang ɓɔɔ naa paasɛ wu ruu hɛ̃ɛnang ɓɔɔgn takpang.

Luka 13:17

Ɓɔɔ Yeesɔ kɔɔ naa weɓe, yusɛ̃ɛ tuu zang ɓɔɔ ri shing jĩng nɛɛ wu kpang ɓɛɛ, nandon. Zang ɓɔɔ ri kpalɛ zɔɔ ri tãa tĩnang vuu ɓɔɔ zang mã naa ka danggn piti ɓɔɔ Yeesɔ palɛ ɓɛɛ.”

2 Tesalonika 3:14

Zang ɓɔɔ ka teteng manɛ nɛɛ dũng ruu kɔ ruu shong nɔɔ ka yeti labeenang keɓe kpàng. Nɛɛ nɔngkɔ, nɔɔ zi zang keɓe waasɛ̃ nɔ́ɔ pálɛ̀ vuu ɓɔɔ nɛɛ wu kpang, tɔ̀ɔ yusɛ̃ɛ wu tuu wu.

1 Timoti 5:14

N kasɛ suvɔ ɓɔɔ ri doo jasang, ri gee varɛ, ri yi jaa. Ri gãng jĩng ka gãa ɓarɛ, tɔ̀ɔ, ruu yàa zang ɓɔɔ ri shing jĩng nɛɛ ruu kpang gbalang kaa tɔ̀ɔ́, ri rang yee shi kpang ka yuu ɓuru kpang.

1 Timoti 6:3

Zang ɓɔɔ nɛɛ tusu vuu ɓɔɔgn ɓɔɔ daa gbete nɛɛ ruu ɓɔɔ niizang ɓɔɔ Kpanti ɓuru Yeesɔ Kirisi nɛɛ vuu ɓɔɔ ruu tusu ka yuu gbalang Laa kɔ ruu dũng ɓɛɛ kpang.

Titu 3:14

Zang ɓuru ɓɔɔ ri dũng Laa, ri kpɛ̃ɛrɛ shonang ɓɔɔ tɔ̃ɔ palɛnang, tɔ̀ɔ, ri yi zang ɓɔɔ vuu ka naa ɓarɛ kpang naa jong ka bii. Ri nwàng nwannang waati kpang.

1 Bituru 2:12

Nɔɔ nwáng nwannang tɔ̃ɔ, tɔ̀ɔ, zang ɓɔɔ ri zi Laa kpang ri zirɛ. Ka ruu ɓɔɔ, naa ri rang yee shi kpang doo ka yuu manɛ, ri zili vuu tɔ̃ɔ ɓɔɔ nɔɔ palɛ ɓɛɛ, ri naa dɔ̀ɔ Laa ditɔ, ka diki ɓɔɔ wu naa a ka bii ɓarɛ ɓɛɛ.

1 Bituru 2:15

Laa kasɛ nɛɛ nɔ́ɔ palɛ vuu ɓɔɔ tɔ̃ɔ ɓɛɛ, tɔ̀ɔ, zang ɓɔɔ ri zi vuu ɓɔɔ kpang, ɓɔɔ ri rangkɛ yee shi kpang ka yuu manɛ, ri vɔ̃ nyaa kati.

1 Bituru 3:16

Ka ɓɔɔ nɔɔ kɔɔ zang Ruu Laa ɓɛɛ, nɔɔ tuu yuu manɛ katɔ kpang, nɔɔ seng zang katɔ. Nɔɔ ti pálɛ́ vuu ɓɔɔ nɔɔ zi ka yeti manɛ nɛɛ tɔ̃ɔ ɓɛɛ. Ka ruu ɓɔɔ, zang ɓɔɔ ri nɛɛ tɔɔ ri rang yee shi kpang ka yuu manɛ, yusɛ̃ɛ wu tuu ri ka ɓɔɔ ri dãlɛ nɔɔ ɓɛɛ. Ka ruu ɓɔɔ, ri naa zǐ nwannang manɛ ɓɔɔ daa naa ɓɔ̀ɔ́ zang ɓɔɔ ri dũng Kirisi ditɔ ɓɛɛ.