Titu 2:2 - Nyaa Shɔɔ Ɓɔɔ Laa a Ɓɛɛ

² Kɔɔ zang ɓɔɔ ri kpɛ̃ɛ tɔ, ri nwàng wu zang ɓɔɔ yeti ɓarɛ lasɛ pati kpang, ri nwáng zang ɓɔɔ zang a ri bannang katɔ, ri yiti yuu ɓarɛ waasɛ̃. Ri nwang zang ɓɔɔ ri shing danggn tɔ gbãng gbãng ɓɛɛ, ri kasɛ zang gbãng gbãng, a ri ti mã danggn gbãng gbãng.

Titu 2:2 Σταυροειδείς Αναφορές

Maraku 5:15

Ɓɔɔ ri a tɔ ka bii Yeesɔ, ri naa zi zang ɓɔɔ bɛ̀ɛ́ suru shi kpang ka bii ɓiɓɛ, nwang tɔ ka nɔngkɔ, hãa vuu tɔ ka bii, raa shɔnzang tɔ̃ɔ tɔ tɔkn. A ri kaa vɔrɔ.

Luka 8:35

A zang nwangkɛ, nɛɛ ri daa zi vuu ɓɔɔ palɛ ɓɛɛ. Ri a tɔ, ka bii Yeesɔ, ri zi yɔɔ ɓɔɔ suru shi kpang nwangnɛ bii ɓiɓɛ, nwang tɔ ka tĩng Yeesɔ. Hãa fɔ̃ɔrɔ tɔ̃ɔ ka bii, suru bii ɓiɓɛ ti sɔɔ tɔ ka bii ɓiɓɛ tɔkn. A zang ɓɔɔ ri kpalɛ zɔɔ ka bii Yeesɔ ri kaa vɔrɔ kati.

Zang Shonang Yeesɔ 24:25

Ɓɔɔ Bulu kɔɔ ruu ka yuu tɔ̃ɔ palɛnang nɛɛ naa ɓɔɔ zang yiti yuu zang waasɛ̃ ɓɛɛ, a ɓɔɔ ruu diki ɓɔɔ Laa naa jɛ̃ɛ zang ruu kagn ɓɛɛ. Filiku kaa vɔrɔ, a kɔɔ Bulu tɔɔ, “Dita gbongkarɛ, n nɛɛ walɛ diki tɔ, n ɓaa mɔɔ nyaa ditɔ tɔkn.”

Rooma 12:3

A ka ruu tɔ̃ɔ ɓɔɔ Laa pàlɛ̀ m ɓɛɛ, n kɔɔ nɔɔ nandon. Zang ɓu wu rɛ̃rɛ nɛɛ wu ɓa zang piti katɔ kpang. Wu rɛ̃rɛ teetee kɔ jong, wu gãsɛ yuu ɓiɓɛ nɛɛ danggn ɓɔɔ wu shing ka bii Laa ɓɛɛ.

1 Koranti 15:34

Nɔɔ yaa vuu shoko manɛ ta, a nɔɔ ti yaa vuu shi kpang ɓɔɔ nɔɔ palɛ ɓɛɛ. N kɔɔ nɔngkɔ, tɔ̀ɔ, yusɛ̃ɛ wu tuu nɔɔ. Ka ruu ɓɔɔ, zang ɓɔɔ ka teteng manɛ ri zi Laa kpang ɓɛɛ.

1 Koranti 9:25

Zang ɓɔɔ nɛɛ tɔɔ wu yurɛ, kpɛ̃ɛrɛ yuu ɓiɓɛ doo yunang waasɛ̃. Wu zãa yuu ɓiɓɛ vuu dɔɔli. Ri pálɛ̀ nɔngkɔ nɛɛ, tɔ̀ɔ, zang a ri vuu ɓɔɔ naa lasɛ katɔ ɓɛɛ. Ruu palɛ ɓuru nɔngkɔ, tɔ̀ɔ, zang a ruu vuu ɓɔɔ lasɛ kpang dòndòng ɓɛɛ.

2 Koranti 5:13

Naa shoko nɛɛ ta ruu katɔ, ɓi ka ruu Ruu Laa. Ruu nɛɛ shoko kpang, ɓi ka ruu manɛ.

Galati 5:23

Zang wu tuu yuu ɓiɓɛ kpang, wu ti yiti yuu ɓiɓɛ waasɛ̃. Nyaa dannang ɓɔɔ zãa vuu ɓɔɔ naa weɓe palɛnang, ɓi kagn kpang.

Filipi 4:8

Rɛɛ manzung, ruu ɓɔɔ n gɔɔ nyaa nɛɛ mani keɓe. Nɔɔ rɛ̃rɛ ka yuu rɛɛ vuu ɓɔɔ niizang ɓɛɛ, ɓɔɔ daa naa ɓɔɔ zang seng katɔ ɓɛɛ. Rɛɛ vuu ɓɔɔ teetee ɓɛɛ, vuu ɓɔɔ shi kpang kagn kpang ɓɛɛ, vuu ɓɔɔ shi dɔɔli ɓɛɛ, vuu ɓɔɔ zang kasɛ, a zang ti a wu bannang katɔ ɓɛɛ, vuu nandon ɓɔɔ daa naa dɔɔnang katɔ ɓɛɛ.

1 Tesalonika 5:6

Ka ruu nɔngkɔ, ruu gãng nɔɔ jĩng, rúu nwàng naa zang ɓɔɔ kpang. Ruu nwang nɔɔ ningkãari, ruu yiti yuu ɓuru waasɛ̃.

1 Tesalonika 5:8

A ruu ɓuru zang nɔng laagɛ̃, rúu yiti yuu ɓuru waasɛ̃. Danggn ɓɔɔ ruu shing ka bii Laa nɛɛ kasɛnang ɓɔɔ ruu kasɛ zɔɔ, wu nwàng ruu naa kãati. Gn ɓɔɔ ruu shingnɛ nɛɛ Laa naa ta yuu ɓuru ditɔ dɔ̃ɔ gbete, wu nwang ruu naa wàálaa ka yuu ɓuru.

1 Timoti 1:10

Ka ruu zang ɓɔɔ ri palɛ dũndũng ɓɛɛ, nɛɛ zang varɛ ɓɔɔ ri rooro nɛɛ zɔɔ ɓɛɛ, nɛɛ zang soro ɓɔɔ ri palɛ doo nɔngkɔ ɓɛɛ. Ka ruu zang ɓɔɔ ri ɓɔɔrɔ zang ri mãlɛ́ ɓɛɛ, nɛɛ zang ɓɔɔ ri suuru sèé ɓɛɛ, nɛɛ zang ɓɔɔ ri kɔ̀ɔrɔ̀ ruu niizang ka yuu ruu kpang ɓɛɛ. Ka ruu zang piti ɓɔɔ ri pálɛ̀ vuu ka doo vuu tusunang ɓɔɔ niizang kpang ɓɛɛ.

1 Timoti 1:14

a kpanti ɓuru Yeesɔ Kirisi pàlɛ̀ m tɔ̃ɔ ɓiɓɛ ɓɔɔ bang dɔɔli ɓɛɛ. A tɔ̃ɔ ɓiɓɛ shingnɛ, n shing danggn ka bii ɓiɓɛ, a n ti kàsɛ́ zang ɓɔɔ ri dũng doo Laa kɔ ɓɛɛ. Vuu keɓe ɓi ɓɔɔ ɓuru piti, ɓɔɔ ruu ɓakɛ zɔɔ tɔ nɛɛ Yeesɔ Kirisi ɓɛɛ.

1 Timoti 1:2

N bèé mɔkɔ Timoti ɓɔɔ ka gbalang Laa dũnnang, mɔɔ ɓaa kaa jaa mɛɛ ɓɔɔ n kasɛ ɓɛɛ. N gaa Laa ɓɔɔ wukɔ Daa ɓuru nɛɛ Yeesɔ Kirisi Kpanti ɓuru, gn ɓaaɓɛ wu kɔng ri jong, ri ti pàlɛ̀ mɔɔ tɔ̃ɔ, ri shingnɛ mɔɔ nwang waasɛ̃.

1 Timoti 1:5

N kɔɔ mɔɔ nɔngkɔ, tɔ̀ɔ, ruu kasɛ ruu zɔɔ nɛɛ zɔɔ kasɛnang ɓɔɔ nwang nɛɛ yeti ɓɔɔ vuu shi kpang kagn kpang ɓɛɛ. Ruu ti kasɛ ruu zɔɔ nɛɛ rɛ̃rɛnang ɓɔɔ shi kpang kagn kpang ɓɛɛ. A ɓɔɔ nɛɛ danggn ɓɔɔ niizang keɓe ɓɔɔ ruu shing ka bii Yeesɔ Kirisi ɓɛɛ.

1 Timoti 3:11

Zang soro ɓarɛ ri nwang nwannang ɓɔɔ tɔ̃ɔ ɓɛɛ. Ri ràng zang kpang. Ri nwàng wu zang ɓɔɔ yeti ɓarɛ lasɛ pati kpang. Ri nwang zang ɓɔɔ zang shing gn katɔ ka bii ɓarɛ ɓɛɛ.

1 Timoti 3:2

Zang bang zang ɓɔɔ ri dũng Laa, wu nwang ɓi zang ɓɔɔ shi kpang kagn bii ɓiɓɛ kpang ɓɛɛ, wu gee soro gbete kɔ nwani. Wu zang ɓɔɔ yeti ɓiɓɛ lasɛ pati kpang, zang ɓɔɔ yiti yuu ɓiɓɛ waasɛ̃ ɓɛɛ. Zang ɓɔɔ zang seng wu katɔ ɓɛɛ. Zang ɓɔɔ ta zang zanti ka gãa ɓiɓɛ waasɛ̃ ɓɛɛ, ti zunung naa ɓɔɔ wu tusu zang vuu katɔ.

1 Timoti 3:4

Wu yiti zang ɓɔɔ ri ka gãa ɓiɓɛ waasɛ̃, wu shing wujɛ ɓiɓɛ, ri ɓaa shoo ka nyaa ɓiɓɛ, ri ti seng wu katɔ.

1 Timoti 3:8

Zang ɓɔɔ ri yi zang naa ka shonang ka Gãa Laa, ri nwang nwannang ɓɔɔ tɔ̃ɔ ɓɛɛ. Ri ti nwang zang ɓɔɔ ta nyaa ziti kpang. Ri ti ɓoo saa kpang, ri ti zang ɓɔɔ ri shing jĩng ka saka kãanang kpang.

1 Timoti 5:1

Mɔɔ mangkɛ zang bang kpang. Rang wu yee naa ɓɔɔ mɔɔ rang daa ɓaaɓɛ ɓɛɛ. Palɛ rɛɛ jasang naa ɓɔɔ mɔɔ palɛ rɛɛ jaa nàá ɓaaɓɛ ɓɔɔ wujaa ɓɛɛ.

Titu 1:13

Ruu kɔ yɔɔ kɔ̀ɔ ɓee, niizang kɔ nwani. Ka ruu nɔngkɔ, mangkɛ ri nabm, tɔ̀ɔ ri nwang zang ɓɔɔ ri shing danggn gbãng gbãng ɓɛɛ.

Titu 1:8

Ɓi zang ɓɔɔ ta zang zanti ka gãa ɓiɓɛ waasɛ̃ ɓɛɛ, zang ɓɔɔ kasɛ vuu tɔ̃ɔ palɛnang ɓɛɛ, zang ɓɔɔ palɛ vuu sãnsãnrãng kpang ɓɛɛ, palɛ ɓi vuu ɓɔɔ daa bii katɔ diki diki, ti palɛ ɓi vuu ɓɔɔ Laa kasɛ ɓɛɛ, zang ɓɔɔ yiti yuu ɓiɓɛ waasɛ̃ ɓɛɛ.

Titu 2:7

Ka vuu ɓɔɔ mɔɔ palɛ piti, tusu yuu ɓaaɓɛ, mɔɔ nwang zang ɓɔɔ zang kpɛ̃ɛrɛ vuu ka bii ɓiɓɛ ɓɛɛ. Tusu zang vuu nɛɛ yeti gbete, mɔɔ ti pĩiri nɛɛ vuu ɓɔɔ mɔɔ tusu zang ɓɛɛ kpang.

Filimon 1:9

Ka ruu ɓɔɔ, ruu kasɛ zɔɔ katɔ ɓɛɛ, n gaa mɔɔ katɔ kɔ jong. N gaa mɔɔ ka ruu ɓɔɔ n m zang nyaa shonang Yeesɔ Kirisi ɓɛɛ, a zang ti mã m ka sãa ka ruu ɓiɓɛ ɓɛɛ.

1 Bituru 1:13

Ka ruu nɔngkɔ, nɔɔ yiti yuu manɛ waasɛ̃ nɔɔ kpalɛ bii tɔ̃ɔ. Nɔɔ ti shing manɛ gn dɔ̃ɔ gbete ka vuu ɓɔɔ Laa naa a nɔɔ ɓɛɛ, ka diki ɓɔɔ Yeesɔ Kirisi naa nwang nyaa ɓɛɛ.

1 Bituru 4:7

Diki ɓɔɔ koo keɓe waa nyaa kagn, a naabm tɔ, ka ruu nɔngkɔ, nɔɔ yiti yuu manɛ waasɛ̃, nɔ́ɔ shii tɔ̃ɔ, tɔ̀ɔ, nɔ́ɔ gaa Laa kati.

1 Bituru 5:8

Nɔɔ yiti yuu manɛ waasɛ̃ nɔɔ ti gãng jĩng waasɛ̃, sheetang zang ɓɔɔ shing jĩng nɛɛ nɔɔ kpang kaɓa rakɛ nɛɛ nɔng piti piti. Nwang ɓi zing ɓɔɔ shaa varɛ ɓɛɛ, kãa vuu ɓɔɔ wu shaa ɓɛɛ.

2 Bituru 1:6

Wu zũnang kɔ shɛ̃ɛning kpang, nɔɔ ti yiti yuu manɛ waasɛ̃. Nɔɔ ti mã danggn gbãng gbãng, nɔɔ nɛɛ mã danggn tɔ, nɔɔ ti nwang nwannang ɓɔɔ Laa tãa tĩnang ɓɛɛ.