Titu 1:5 - Nyaa Shɔɔ Ɓɔɔ Laa a Ɓɛɛ

⁵ N yaa mɔɔ ka tipi Karita n tɔɔ, mɔɔ hangsɛ vuu ɓɔɔ ruu palɛ, ruu yaa nyaa ka gbalang ɓɛɛ waasɛ̃. A mɔɔ ti zɔ̃ngkɔ zang bang ka Gãa Laa ka gari gari, naa ɓɔɔ n kɔɔ mɔɔ ɓɛɛ.

Titu 1:5 Σταυροειδείς Αναφορές

Zang Shonang Yeesɔ 11:30

Ri kpalɛ kati nɔngkɔ, a ri shòng rɛɛ zang bang, zang ɓɔɔ ri dũng Laa saka bìí kaa nɛɛ naa rɛɛ Baranaba nɛɛ Shaawulu.

Zang Shonang Yeesɔ 14:23

Ri nɛɛ shɛ̃ɛrɛ zang ɓɔɔ ri sɔ̀ɔ́ zang ɓɔɔ ri dũng Laa tĩng tɔ, ri seng nyaalaa, ri ti gaa ri Laa. Ri ti gaa Laa ɓɔɔ ri shing danggn ka bii ɓiɓɛ nɛɛ wu yiti rɛɛ zang ɓɔɔ ri dũng wu keɓe waasɛ̃.

Zang Shonang Yeesɔ 2:11

A ɓɔɔ zang Karita, nɛɛ zang Yahudi. Ruu tãayi ri kɔɔrɔ vuu bang bang ɓɔɔ Laa palɛ nɛɛ nyaa zang gãa ɓuru.”

Zang Shonang Yeesɔ 27:12

Nɔng ɓɔɔ laana ri shiiri kagn kaɓa, ka laa pũngku shi kpang, a zang dɔɔli ri kɔɔyi nɛɛ ri yáa nɔng bii katɔ. Ri daa ka gari Fonisi ri daa nwang ka nɔngkɔ. Ka laa pũngku, Fonisi ɓi doo nɔng ɓɔɔ laana ri shiiri kagn ka tipi Karita ɓɛɛ kɔ. Ka nɔng keɓe kɔ zang yi gbalang daanang nɔng ɓɔɔ ka paa nɔng ɓɔɔ laa nwang nyaa kagn nɛɛ nɔng ka dii nɔng ɓɔɔ laa hãa nyaa kagn.

Zang Shonang Yeesɔ 27:13

Jasung gaayu rãanang nɛɛ dii lɛɛm lɛɛm, a rɛɛ zang laana zirɛ mɔɔ kɔɔ nɛɛ ri wàlɛ̀ vuu ɓɔɔ ri kasɛ ɓɛɛ. Ka ruu nɔngkɔ, ri zɔ̃ng laa ɓɔɔ ri mã laana kagn ɓɛɛ, a ri sɔɔ nɛɛ laana nɛɛ nyaa gãnggãng waapo gari Karita naabm gbãng gbãng.

Zang Shonang Yeesɔ 27:21

Diki bee tɔ tɔkɔlɔng ri shaa vuu shaanang ka nyaa kpang, a Bulu shii ka tĩng ɓarɛ kɔɔ ri tɔɔ, “Rɛɛ masang naa nɔɔ nɛɛ ɓaa shoo ka nyaa mɛɛ, nɔɔ nɛɛ yupaa nɛɛ gari Karita kpang. Vuu kɔ ruu làsɛ́ a ruu looro ɓee, ruu nɛɛ palɛ kpang.

Zang Shonang Yeesɔ 27:7

Laana daa lɛɛm lɛɛm a diki bee ruu kati, ka ruu ɓɔɔ, jasung kpãa ruu nyaa dɔɔli ɓɛɛ. A ruu naa a ka nɔng ɓɔɔ nɛɛ gari Kinida naabm. Jasung zãa ruu daanang, ka ruu nɔngkɔ, ruu bã tipi Karita dang gbete ɓɔɔ jasung kagn kpang ɓɔɔ nɛɛ gari Salamone naabm ɓɛɛ.

1 Koranti 11:34

Zang ɓɔɔ nyɔkɔ nɛɛ nyɔ wu dɔɔli, wu shaa vuu shaanang ka gãa ɓiɓɛ ka gbongkarɛ, tɔ̀ɔ wu arɛ. Tɔ̀ɔ, nɔɔ shingnɛ Laa wu dɔng nɔɔ ruu nɛɛ zɔɔ kpalɛnang manɛ kpang. N nɛɛ naa a tɔ ka nɔng manɛ, n naa kɔɔrɔ nɔɔ ruu ditɔ ka yuu vuu ɓɔɔ kagn ɓɛɛ.

1 Koranti 14:40

Nɔɔ palɛ vuu kaa gbalang ɓɔɔ tɔ̃ɔ, ɓɔɔ zang haa nyaa kagn kpang ɓɛɛ.

1 Koranti 4:17

Vuu ɓɔɔ palɛ n shong Timoti nɛɛ wu a ka bìí manɛ ɓɛɛ kɔ. Tɔ̀ɔ, wu naa kpaa nɔɔ danggn nwannang mɛɛ ka gbalang Yeesɔ Kirisi, naa ɓɔɔ n tùsù zang ka nɔng piti, a ɓɔɔ ti ka nɔng ɓɔɔ nɔɔ kpalɛ zɔɔ ka Gãa Laa ɓɛɛ piti, nɛɛ ri palɛ ɓɛɛ. Timoti ɓi jaa mɛɛ ɓɔɔ n kasɛ wu katɔ ɓɛɛ, ka ruu ɓɔɔ, ruu nɛɛ wu gbete ka bìí Yeesɔ Kirisi ɓɛɛ. Ti palɛ shonang Kpanti Yeesɔ Kirisi nɛɛ yeti gbete ɓɛɛ.

Kolosi 2:5

Ka ruu ɓɔɔ, naa wee n nɛɛ nɔɔ kpang ɓee, n nɛɛ nɔɔ ka suru. N tãa tĩnang ka ɓɔɔ n zi naa ɓɔɔ nɔɔ palɛ vuu teetee, a nɔɔ ti shii gbãng gbãng ka danggn ɓɔɔ nɔɔ shing ka bìí Kirisi ɓɛɛ.

1 Timoti 1:3

Ka ɓɔɔ n yupaa Makidoniya daanang, n kɔ̀ɔ mɔɔ n tɔ̀ɔ, mɔɔ nwang ka Afisa ka nɔngkɔ. Zang ɓɔɔ ri kagn ka nɔngkɔ, ɓɔɔ ri tusu vuu ɓɔɔ niizang kpang, shaarɛ ri nyaa nɛɛ ri yaa ta.

2 Timoti 2:2

Túsú vuu ɓɔɔ mɔɔ tãayi, n túsú ka jĩng zang dɔɔli ɓɛɛ, mɔɔ tusu zang ɓɔɔ mɔɔ shing ri gn katɔ ka bii ɓɛɛ. Zang ɓɔɔ ri zunung ɓɔɔ ri tusu zang ɓɔɔ kaa jong ɓɛɛ.

Titu 1:12

Zang nyaa shonang ɓarɛ ɓɔɔ kagn, doo zang Karita kɔ, kɔ̀ɔ nɛɛ nyaa ɓiɓɛ nɛɛ, “Zang Karita ɓarɛ zang sèé, ri nwang naa yɔpɔ kpaasi, ri ɓarɛ zang ráng ɓɔɔ shaa vuu dɔɔli ɓɛɛ.”