Titu 1:3 - Nyaa Shɔɔ Ɓɔɔ Laa a Ɓɛɛ

³ Ka ɓɔɔ diki a tɔ teetee Laa nwangsɛ rùu ruu suru bii keɓe, ka yeti yee ɓiɓɛ. Laa ɓɔɔ wukɔ ta yuu ɓuru, a m ruu keɓe, a kɔɔ m nɛɛ n kɔɔrɔ zang.

Titu 1:3 Σταυροειδείς Αναφορές

Maraku 1:15

“Diki a tɔ, diki ɓɔɔ Laa roo Kpanti yaa kaa naabm. Nɔɔ kɔ̃sɔ yeti manɛ ta, nɔ́ɔ shing danggn ka Ruu Tɔ̃ɔ Laa.”

Maraku 13:10

Zang naa rǎng zang ɓɔɔ ka rɛɛ tipi ɓɔɔ ka koo keɓe Ruu Tɔ̃ɔ Laa ditɔ gbongkarɛ nandon, tɔ̀ɔ, koo wu naa waa nyaa kati.

Maraku 16:15

A kɔɔ ri tɔɔ, “Nɔɔ dita ka koo piti, nɔɔ daa rang zang piti, Ruu Tɔ̃ɔ Kpanti Laa.

Luka 1:47

Suru bii mɛɛ tã̀á tĩnang ka ruu Laa ɓɔɔ ta yuu mɛɛ ɓɛɛ.

Zang Shonang Yeesɔ 10:36

Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

Zang Shonang Yeesɔ 17:26

Mã̀a zang kɔ ri ka koo ka bm bm ɓee, nɛɛ bii zang gbete. A shing ri nɛɛ ri nwalɛ ka dalɛ koo keɓe piti, piti. Wukɔ kà ri diki ɓɔɔ ri nwang ka koo keɓe, a ti shĩ̀lì nyaa nɔng ɓɔɔ ri nwalɛ kagn ɓɛɛ doo ka tĩng.

Rooma 15:19

Nɛɛ vuu ɓɔɔ zang zirɛ zang mã naa ka danggn, a ɓɔɔ vuu ɓɔɔ Suru Laa palɛ nɛɛ naa vuu palɛnang ɓiɓɛ ɓɛɛ. Ka rakɛnang ɓɔɔ n gaayu nɛɛ Urushalima, n riki nɔng nandon, n daa nɛɛ mani ka Ilirikum ɓɛɛ, n hangsɛ zang Ruu Laa kɔɔnang tɔ nandon ka yuu Kirisi.

Rooma 16:25

Ruu dɔɔ Laa, ɓɔɔ zunung ɓɔɔ wu shingnɛ nɔɔ shing danggn gbãng gbãng, ka doo Ruu Tɔ̃ɔ Yeesɔ Kirisi ɓɔɔ n kɔɔ ɓɛɛ. Bɛ̀ɛ́ zang waasɛ Ruu Tɔ̃ɔ keɓe katɔ, ka sáa dɔɔli ɓɔɔ ɓa ɓɛɛ, a zang nwangsɛ tɔ kati.

Rooma 16:26

A kãntang keɓe labeenang ɓɔɔ zang nyaa shonang Laa ri beere shing tɔ, ruu niizang nwangsɛ bii tɔ. Laa ɓɔɔ nwàng ɓi ningkãari dòndòng, ti kɔɔ tɔ nɛɛ zang koo piti ri zi ruu ɓɔɔ niizang keɓe. Tɔ̀ɔ, zang piti ri ɓaa shoo kaa nyaa Laa, ri shing danggn kaa bii ɓiɓɛ.

Rooma 5:6

Kirisi vɔ ka ruu ɓuru, ɓɔɔ ruu palɛ vuu shi kpang ɓɛɛ. Ka laa ɓɔɔ Laa shingnɛ ɓɛɛ, bɛ̀ɛ́ ruu lakɛ naa gn ka bii kpang.

1 Koranti 9:17

Naa nkɔ nɛɛ rɛ̃rɛ nɛɛ yeti mɛɛ nɛɛ, n kɔ̀ɔrɔ́ zang Ruu Tɔ̃ɔ Laa, n nɛɛ shing jĩng katɔ nɛɛ zang a m vuu ɓɔɔ. Á ɓi nkɔ rɛ̃rɛ nɛɛ n palɛ shonang keɓe kpang, ɓi Laa yaa m shonang keɓe ka naa, a dang m nyaa nɛɛ n pàlɛ̀ wu.

Galati 4:4

A ka ɓɔɔ laa ɓɔɔ Laa shingnɛ naa arɛ, Laa naa shong nyaa nɛɛ Jaa ɓiɓɛ. Jaa keɓe jaa soro yi wu, a ti dũng nyaa ɓɔɔ Laa dang zang Yahudi nɛɛ ri dũngnɛ.

Afisa 1:10

Diki nɛɛ a tɔ, Laa naa palɛ vuu ɓɔɔ wu mang ka yeti ɓiɓɛ ditɔ. Nɛɛ kpalɛ vuu ɓɔɔ wu mãarɛ ɓɛɛ nandon, vuu ɓɔɔ ka lapa nɛɛ tipi nandon, tɔɔ Kirisi wu nwang zang bang ɓarɛ kati.

Afisa 2:17

A Kirisi arɛ, naa kɔɔ zang piti Ruu Tɔ̃ɔ ɓɔɔ shingnɛ zang ri nwang ka nyaa zɔɔ ɓɛɛ. Kɔɔ nɔɔ ɓɔɔ nɔɔ zang Isirela kpang ɓɛɛ, ɓɔɔ bɛ̀ɛ́ nɔɔ naabm nɛɛ Laa kpang ɓɛɛ, a ti kɔɔ zang Yahudi ɓɔɔ ri ɓarɛ naabm nɛɛ wu ɓɛɛ jong.

Filipi 1:13

Vuu keɓe kɔ shingnɛ sɔɔja nandon ɓɔɔ ri gã gãa kpanti Rooma nɛɛ zang ɓɔɔ nandon, ri zi kati nɛɛ zang mã m ka sãa, ka ruu ɓɔɔ, n dũng Kirisi ɓɛɛ.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

1 Tesalonika 2:4

Ruu kɔɔrɔ ruu ɓuru naa ɓɔɔ Laa kasɛ nɛɛ ruu kɔɔ ɓɛɛ kɔ jong. Ka ruu ɓɔɔ, Laa zirɛ ruu daa naa ɓɔɔ wu a ruu Ruu Tɔ̃ɔ ɓiɓɛ tɔ ruu daa kɔɔ zang ɓɛɛ. Ruu tɔɔ kpang nɛɛ ruu rang yee tɔ̀ɔ zang ri tãa tĩnang kpang, ruu kasɛ ɓuru nɛɛ Laa ɓɔɔ wukɔ zi vuu ɓɔɔ ka yeti ɓuru tɔ wu tãa tĩnang.

1 Timoti 1:1

Labeenang keɓe a nɛɛ bii mɛɛ Bulu, zang shonang Yeesɔ Kirisi. Laa ɓɔɔ wukɔ ta yuu ɓuru, nɛɛ Yeesɔ Kirisi ɓɔɔ ruu shing gn ka bii ɓiɓɛ, rikɔ zɔ̃ng m.

1 Timoti 1:11

Vuu ɓɔɔ niizang keɓe, ɓi ka Ruu Tɔ̃ɔ Laa, ɓɔɔ Laa ɓɔɔ daa naa ɓɔɔ zang piti dɔɔ wu katɔ, a m nɛɛ n kɔɔ zang ɓɛɛ.

1 Timoti 2:3

Zɔ̃̌ng Laa gaanang keɓe, wukɔ tɔ̃ɔ. Laa ɓɔɔ wukɔ ta yuu ɓuru kasɛ zɔ̃ng gaanang keɓe kɔ.

1 Timoti 4:10

Ka ruu nɔngkɔ, rùu palɛ shonang, a ruu ti takɛ bii, ka ruu ɓɔɔ, ruu shing danggn ka bii Laa ɓɔɔ ningkãari, ɓɔɔ wukɔ ta yuu zang piti ɓɛɛ. Tá yuu zang ɓɔɔ ri shing danggn tɔ kɔ gbãng gbãng.

2 Timoti 4:17

A Yeesɔ Kirisi yáa m kaa takpang, a m kaka, a n zunung ɓɔɔ n kɔɔrɔ zang Ruu Laa nandon. Tɔ̀ɔ, zang ɓɔɔ ri zang Yahudi kpang, ri tãa kati. A Laa tá m nɛɛ naa zang ɓɔɔ nɛɛ ri nyɔ m vɔrɔ ɓɛɛ.

Titu 2:10

Ri ɓɔ̀ɔ vuu dabang gãa ɓarɛ kpang. Ri tusu diki diki nɛɛ ri zang tɔ̃ɔ ɓɔɔ zang shing gn katɔ ka bii ɓarɛ ɓɛɛ. Tɔ̀ɔ, vuu piti ɓɔɔ ri palɛ, wu shingnɛ, zang ri rang yee tɔ̃ɔ kaa yuu vuu kɔ ruu tusu ka yuu Laa, ɓɔɔ wukɔ ta yuu ɓuru ɓɛɛ.

Titu 2:13

Ka wee ruu nwangnɛ, ruu gã diki tĩnang tãanang ɓɔɔ ruu shing gn nɛɛ naa a ɓɛɛ. Diki ɓɔɔ bannang Laa ɓuru Yeesɔ Kirisi ɓɔɔ wukɔ ɓa zang piti, ɓɔɔ wukɔ ti ta yuu ɓuru naa nwangsɛ bii ɓɛɛ.

Vuu ɓɔɔ zang nwangsɛ Yɔhana 14:16

A zang kaɓa ɓɔɔ nwang ka yuu sãmbong tuu jangsi ɓiɓɛ, gɔ̃kɔ ka tipi, a kpaa vuu shaanang nandon.