Rooma 8:3 - Nyaa Shɔɔ Ɓɔɔ Laa a Ɓɛɛ

³ Vuu ɓɔɔ nyaa dannang Laa zunung palɛnang kpang, ka ruu ɓɔɔ, bii shɔnzang lakɛ naa bii kpang, Laa palɛ tɔ. Laa ningsi vuu shi kpang ka bii shɔnzang, ka ɓɔɔ wu shong nyaa nɛɛ Jaa ɓiɓɛ ɓɔɔ arɛ, tuu bii naa bii shɔnzang ɓɔɔ palɛ vuu shi kpang ɓɛɛ.

Rooma 8:3 Σταυροειδείς Αναφορές

Maraku 15:27

Ri ɓáa zang ziti ɓɔɔ ri ta zang vuu nɛɛ ɓangge naa jong laa ka kagn Yeesɔ. Ɓɔɔ gbete ka nakn Yeesɔ, a ɓɔɔ gbete ka nagang ɓiɓɛ.

Yɔhana 1:14

A Ruu keɓe naa túu bii shɔnzang, a nwang kaa nɛɛ ruu nɔng gbete. Atɛ ruu tĩnang tãanang dɔɔli nɛɛ ruu ɓɔɔ niizang ɓɛɛ. A ruu ti zi bannang ɓɔɔ Laa a wu, nɛɛ jĩng ɓuru, ɓi bannang ɓɔɔ Daa a jaa gbete ɓiɓɛ ɓɛɛ.

Yɔhana 9:24

Ri ɓaa yɔɔ ɓɔɔ bɛ̀ɛ́ jĩng ringtang nyaa tɔkn, daa kaa doo ziti, a ri kɔɔ wu nɛɛ, “Kɔɔ ruu ɓɔɔ niizang ɓɛɛ, ruu zi ɓuru tɔ, yɔɔ kaɓa ɓi zang ɓɔɔ palɛ vuu shi kpang ɓɛɛ.”

Zang Shonang Yeesɔ 13:39

Zang ɓɔɔ nɛɛ shing danggn ka bii Yeesɔ keɓe, nwang zang tɔ̃ɔ ka tĩng Laa. Nɔɔ nwang zang tɔ̃ɔ ka yeti vuu piti ɓɔɔ bɛ̀ɛ́ nyaa dannang Musa risi nɔɔ, nɔ́ɔ nwang zang tɔ̃ɔ ka tĩng Laa kagn kpang ɓɛɛ.

Rooma 3:20

Ka ruu nɔngkɔ, zang nwàng zang tɔ̃ɔ ɓi jong ka tĩng Laa ka ruu ɓɔɔ zang palɛ vuu ɓɔɔ nyaa dannang Laa kɔɔyi nɛɛ zang wu palɛ ɓɛɛ kpang. Nyaa ɓɔɔ Laa dangnɛ pùú zang ɓi jĩng, zang zi vuu shi kpang ɓɔɔ zang palɛ ɓɛɛ.

Rooma 6:6

Ruu zi ɓuru tɔ nɛɛ, zang ɓáa nwannang ɓɔɔ ɓeleng ruu nwang ka tĩng ɓi tɔ ka laa nɛɛ Yeesɔ. Tɔ̀ɔ, bii ɓuru ɓɔɔ kasɛ vuu shi kpang palɛnang wu shaarɛ. Tɔ̀ɔ ruu nwang kaa tɔ̀ɔ́ naa jaafoo vuu shi kpang palɛnang kpang.

Rooma 7:18

N zi tɔ ka bii shɔnzang mɛɛ tɔ̃ɔ ɓi kagn kpang. Ka ruu ɓɔɔ, naa n kasɛ doo katɔ ka yeti mɛɛ, n pálɛ́ tɔ̃ɔ, a n zunung palɛnang kaa takpang ɓɛɛ.

Rooma 8:32

Laa zãa Jaa ɓiɓɛ jĩng dannang kpang, a zang wu, nɛɛ zang nyɔ wu vɔrɔ ka ruu ɓuru nandon. Naa a ruu vuu piti ɓi kaa tɔ̀ɔ́ waati nɛɛ wu ning kpang ya?

Rooma 9:3

Naa nɛ̀ɛ́ yi ri naa ka bii katɔ, n nɛ̀ɛ́ gàa Laa wu kù m nyaa. Ń nwàng tɔ̀ɔ́ zang Kirisi kpang, ka ruu rɛɛ manzung ɓɔɔ zɔ̃ng ɓuru gbete ɓɛɛ.

2 Koranti 5:21

Yeesɔ Kirisi palɛ vuu shi kpang ɓi gngn kpang, a ka ruu ɓuru, Laa risi wu naa zang ɓɔɔ pálɛ̀ vuu shi kpang ɓɛɛ. A ka ruu vuu keɓe kɔ, yuu ɓɔɔ ruu ɓakɛ nɛɛ Yeesɔ Kirisi shingnɛ, ruu nwàng zang tɔ̃ɔ ka tĩng Laa.

Galati 3:13

Yeesɔ Kirisi ta yuu ɓuru tɔ, ka nyaa ɓɔɔ Laa nɛɛ kù ruu, ka ruu ɓɔɔ, ruu dũng nyaa dannang kpang ɓɛɛ. Ka ruu ɓɔɔ, Laa kù Kirisi nyaa jong ka nung ɓɔɔ wu nɛɛ kù ruu ɓɛɛ. Ka ruu ɓɔɔ, zang bee ka yeti labeenang Laa tɔɔ, “Zang ɓɔɔ zang nɛɛ haatɛ wu ka lapa, Laa ku wu nyaa tɔ ɓɛɛ.”

Galati 3:21

Wee nwang ɓu kaa naa nyaa ɓɔɔ Laa dangnɛ daa gbete nɛɛ, nyaa ɓɔɔ wu a ɓɛɛ kpang ya? Wu nɔngkɔ kpang tingkiring. Naa nyaa ɓɔɔ zang nɛɛ dang kagn ɓɔɔ a zang suru bii ɓɔɔ waa nyaa kpang, shɔnzang nɛɛ raa zang tɔ̃ɔ katɔ ka tĩng Laa nɛɛ bii nyaa dannang keɓe.

Filipi 2:7

Yaa vuu keɓe nandon, a risi yuu ɓiɓɛ naa jaafoo kɔ jong. A tuu bii shɔnzang, zang yi wu naa ɓɔɔ zang yi jaa shɔnzang ɓɛɛ.

Yahudi 10:12

A ka ɓɔɔ Kirisi, a Laa yuu ɓiɓɛ tɔ doo gbete ɓɔɔ dòndòng ka ruu rɛɛ vuu shi kpang, nwang tɔ ka nakn Laa.

Yahudi 10:14

Nɛɛ vuu dɔɔnang ɓɔɔ gbete ɓɔɔ dòndòng keɓe, Kirisi shing tɔ, zang ɓɔɔ zang kɔsɔ ri vuu shi kpang ɓarɛ tɔ, ri nwang tɔ nyaa kiiri.

Yahudi 2:14

Wee wujɛ bìí ri ta bii shɔnzang ɓee, a tuu bii jong nɔngkɔ, tɔ̀ɔ, wu vɔrɛ, wu ningsi sheetang kati. Zang ɓɔɔ zang a wukɔ naa vɔrɔ ɓɛɛ.

Yahudi 2:17

Ka ruu nɔngkɔ, wu nwang naa rɛɛ ɓeezung kɔ gbãng gbãng ka vuu piti, tɔ̀ɔ, wu nwang kpanti zang ɓɔɔ ri dɔɔ vuu ka Gãa Laa kati. Ɓɔɔ gn zang kɔng wu katɔ, a ti zang ɓɔɔ zang shing gn katɔ ka bii ɓiɓɛ ɓɛɛ, ka shonang ɓɔɔ wu pàlɛ́ Laa ɓiɓɛ ɓɛɛ. Tɔ̀ɔ, wu a zang yuu ɓiɓɛ, zang nyɔ wu vɔrɔ, vuu keɓe wu shingnɛ, Laa wu kɔsɔ zang vuu shi kpang ɓarɛ kati.

Yahudi 4:15

Ka ruu ɓɔɔ, kpanti zang ɓɔɔ ri dɔɔ vuu ka gãa Laa, ɓɔɔ ɓuru, gn ɓuru kɔng wu katɔ, ka ɓɔɔ ruu lakɛ naa ka bii kpang ɓɛɛ. Kpanti ɓuru keɓe ɓi zang ɓɔɔ zang gãsɛ wu katɔ ka gbalang náabm̀ náabm̀, naa ɓɔɔ zang gãsɛ ruu ɓɛɛ. A palɛ vuu shi kpang ɓi kaa takpang.

1 Bituru 2:24

Yeesɔ ta vuu shi kpang ɓuru ɓɔɔ ruu palɛ ɓɛɛ ka yuu ɓiɓɛ, ka ɓɔɔ zang ɓaa wu naa ka laa ɓɛɛ. Nɛɛ tɔ̀ɔ, ruu yi tĩng tɔ̀ɔ́ nɛɛ vuu shi kpang palɛnang kpang. Ruu nwángnɛ́ ruu pálɛ́ kaa vuu tɔ̃ɔ. Kɔnang ɓuru valɛ tɔ nandon, ka ruu nyaa vuu waa ɓɔɔ zang shĩili wu ka bii ɓɛɛ.