Rooma 7:9 - Nyaa Shɔɔ Ɓɔɔ Laa a Ɓɛɛ

⁹ Ka ɓɔɔ bɛ̀ɛ́ n zi nyaa ɓɔɔ Laa dangnɛ gn kpang, bɛ̀ɛ́ n m ningkãari. Ɓu doo ɓɔɔ n tãa nyaa ɓɔɔ Laa dangnɛ hn, n kasɛ vuu shi kpang palɛnang kaa gbãng gbãng.

Rooma 7:9 Σταυροειδείς Αναφορές

Matiyu 19:20

Yɔɔ jasang kasɛ wu nyaa tɔɔ, “N palɛ vuu keɓe tɔ nandon, yàa m ɓu kaa viya?”

Luka 15:29

A kasɛ diiɓɛ nyaa tɔɔ, ‘Zirɛ, saa kɔ tɛɛrɛ ɓɛɛ nandon, n palɛ mɔɔ shonang naa jaafoo. N ɓa nyaa ɓaaɓɛ gngn kpang. A mɔɔ a m shi jaa gngn gbete nɛɛ n yeeyi ruu tãa tĩnang nɛɛ rɛɛ masang kpang.

Luka 18:21

A yɔɔ kasɛ nyaa tɔɔ, “N gaayu nyaa dannang keɓe dũnnang bɛ̀ɛ́ n doo jasang.”

Rooma 10:5

Musa bée naa ɓɔɔ nyaa ɓɔɔ Laa dangnɛ shingnɛ zang nwáng zang tɔ̃ɔ ka tĩng Laa tɔ́ɔ, “Naa mɔɔ tɔɔ mɔɔ nwang ningkãari, palɛ vuu piti ɓɔɔ nyaa dannang Laa kɔɔ ɓɛɛ”.

Rooma 7:10

N nwang kaa naa zang ɓɔɔ vɔ katɔ ɓɛɛ. Nyaa dannang ɓɔɔ zang nɛɛ wu a zang suru, nyɔ m kaa vɔrɔ kɔ jong.

Rooma 7:11

Vuu shi kpang walɛ gbalang nɛɛ bii nyaa ɓɔɔ Laa dangnɛ, a nwãarɛ m, a ti nyɔ m vɔrɔ.

Rooma 7:4

Manzung, nɔɔ doo nɔngkɔ. Nyaa ɓɔɔ Laa dangnɛ, risi nɔɔ manɛ naa zang ɓɔɔ ri vɔlɔ katɔ ɓɛɛ, ka ruu ɓɔɔ, nɔɔ ɓakɛ bii tɔ nɛɛ Kirisi ɓɛɛ. Kãntang keɓe, nɔɔ manɛ kaa zang Kirisi ɓɔɔ Laa wisi wu paa nɛɛ saa ɓɛɛ, tɔ̀ɔ, ruu shòng Laa shonang ɓɔɔ tɔ̃ɔ kati.

Rooma 7:6

Kãntang keɓe, Laa ta ruu tɔ nɛɛ naa nyaa dannang ɓiɓɛ, ka ruu ɓɔɔ, ruu nwalɛ ɓuru kaa naa zang ɓɔɔ vuu shi kpang roo kpanti tɔ̀ɔ́ yuu ɓarɛ kpang ɓɛɛ. Kãntang keɓe, ruu pàlɛ́ Laa shonang kaa tɔ, ka gbalang ɓɔɔgn, ka ɓɔɔ ruu ɓaa shoo ka nyaa Suru ɓiɓɛ ɓɛɛ. Wu ka gbalang gbaala, ka ɓɔɔ ruu dũng nyaa dannang Laa, ɓɔɔ zang bée nɛɛ naa ɓɛɛ kpang.

Rooma 7:8

Ɓi vuu shi kpang walɛ gbalang nɛɛ bii nyaa dannang Laa, a shing m, n shĩ̀lí jĩng ka vuu zang ka zɔ̃ng zɔ̃ng. Naa nyaa ɓɔɔ Laa dangnɛ, nɛɛ kpang, vuu shi kpang nɛɛ zunung vuu ɓɔɔ palɛnang kpang.

Rooma 8:7

Ka ruu ɓɔɔ, naa zang shing rɛ̃rɛnang zang, ka yuu vuu ɓɔɔ bii zang kasɛ ɓɛɛ kɔ shɛ̃ɛning, zang risi yuu zang kaa naa zang ɓɔɔ shing jĩng nɛɛ Laa kpang ɓɛɛ. Ka ruu ɓɔɔ, dũ̀ng nyaa ɓɔɔ Laa dangnɛ ɓi kpang ɓɛɛ. Niizang, zunung dũnnang ɓi kpang tingkiring.

Galati 2:19

Ɓi rɛɛ nyaa dannang keɓe kɔ shingnɛ n zirɛ nɛɛ n vɔ katɔ, ka ruu ɓɔɔ, n dũng ri nandon kpang ɓɛɛ. Ka ruu nɔngkɔ, n shing danggn tɔ̀ɔ́ ka ri kpang, tɔ̀ɔ, n walɛ suru bii ka bii Laa.

Galati 3:10

Zang ɓɔɔ ri shing gn ɓarɛ nɛɛ naa ri dũng nyaa dannang, ri nwang zang tɔ̃ɔ katɔ ka tĩng Laa, Laa naa dɔng ri ruu ditɔ. Ka ruu ɓɔɔ, zang bee ka labeenang Laa nɛɛ, “Zang piti ɓɔɔ nɛɛ dũng vuu piti ɓɔɔ zang bee ka yeti labeenang nyaa dannang Laa diki diki kpang, Laa dɔng wu ruu tɔ.”