Rooma 4:9 - Nyaa Shɔɔ Ɓɔɔ Laa a Ɓɛɛ

⁹ Tĩnang kɔ Dawuda ràng ruu ka yuu ɓiɓɛ, ɓi ɓɔ̀ɔ́ zang ɓɔɔ ri yee shaa katɔ kɔ shɛ̃ɛning ya? Kpang, ɓi ɓɔɔ zang ɓɔɔ ri yee kpang jong. Danggn wu ning nɔɔ kpang, labeenang kɔɔyi tɔɔ, “Ibirayi shing danggn ka bii Laa, a ka ruu danggn ɓɔɔ wu shing ɓɛɛ, Laa ta wu, nwáng zang tɔ̃ɔ ka tĩng ɓiɓɛ”.

Rooma 4:9 Σταυροειδείς Αναφορές

Luka 2:32

Wukɔ naa nwang nɔng yakɛnang ɓɔɔ tusu zang ɓɔɔ ri zi kpang, vuu ɓɔɔ mɔɔ kasɛ ɓɛɛ. Wu ti naa shing zang, zang a zang ɓaaɓɛ Isirela bannang.”

Rooma 4:10

Vuu keɓe nwang gn vi nɔngkɔ viya? Ka knti ɓɔɔ Ibirayi yee shaa tɔ ɓɛɛ ya? Kɔ bɛ̀ɛ́ yee shaa gn kpang ya? Vuu keɓe nwang nɔngkɔ bɛ̀ɛ́ yee shaa gn kpang.

Rooma 4:3

Labeenang Laa kɔɔyi nɛɛ, “Ibirayi shing danggn ka bii Laa, a ka ruu danggn ɓɔɔ wu shing ɓɛɛ, Laa ta wu nɛɛ wu zang tɔ̃ɔ.”

Galati 3:14

Yeesɔ Kirisi palɛ vuu keɓe nɛɛ, tɔ̀ɔ wu shingnɛ, tĩnang ɓɔɔ Laa a Ibirayi nyaa ka yuu ɓiɓɛ, wu raa kaa ɓɔ̀ɔ́ zang ɓɔɔ ri zang Yahudi kpang, ri nɛɛ shing gn ka bii ɓiɓɛ ɓɛɛ. Tɔ̀ɔ, rùu ɓɔɔ ruu shing danggn tɔ ka bii Kirisi, Laa wu a ruu Suru ɓiɓɛ ɓɔɔ a ruu nyaa ka ruu ɓiɓɛ kati.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Kolosi 3:11

Ka ruu nɔngkɔ, Laa basɛ teteng zang ɓɔɔ ri zang Isirela nɛɛ zang ɓɔɔ ri zang Isirela kpang kpàng. Zang ɓɔɔ ri yee shaa katɔ, nɛɛ zang ɓɔɔ ri yee shaa kpang, kpang, zang ɓɔɔ jĩng ɓarɛ puu gn kpang, nɛɛ zang ɓɔɔ ri shaa yɔpɔ shɔnzang ɓɛɛ kpang, basɛ teteng jaafoo nɛɛ zang ɓɔɔ ri jaa gãa ɓɛɛ kpang. Yeesɔ Kirisi kɔ, ɓi kaa vuu piti, wukɔ ɓi ka yeti vuu piti.