Rooma 4:2 - Nyaa Shɔɔ Ɓɔɔ Laa a Ɓɛɛ

² Naa Laa nɛɛ shingnɛ nwang zang tɔ̃ɔ ka tĩng ɓiɓɛ, ka ruu vuu ɓɔɔ wu palɛ, vuu ɓɔɔ Ibirayi nɛ̀ɛ́ kɔɔrɔ ruu bang bang ka yuu ɓiɓɛ nɛɛ kagn. A nɛ̀ɛ́ kɔɔrɔ ruu keɓe kaa tɔ̀ɔ́ ka tĩng Laa kpang.

Rooma 4:2 Σταυροειδείς Αναφορές

Rooma 15:17

Ka ruu ɓɔɔ, n ɓakɛ bii nɛɛ Yeesɔ Kirisi n làkɛ́ jĩng katɔ ka ruu shonang ɓɔɔ n pàlɛ́ Laa ɓɛɛ.

1 Koranti 1:29

Laa palɛ vuu keɓe nɔngkɔ, tɔ̀ɔ, zang ɓɔɔ wu lakɛ jĩng kaa tɔ̀ɔ́ ka ting ɓiɓɛ kpang.

1 Koranti 1:31

Ka ruu nɔngkɔ, naa ɓɔɔ zang bee ka yeti labeenang Laa nɛɛ, “Zang ɓɔɔ nɛɛ tɔɔ wu rangkɛ yee bang bang ka yuu ɓiɓɛ, wu rangkɛ yee bang bang ka yuu vuu ɓɔɔ Laa palɛ ɓɛɛ.”

1 Koranti 4:7

Ɓɔɔ mɔɔ zi yuu ɓaaɓɛ nɛɛ mɔɔ ɓa zang piti katɔ ɓɛɛ, mɔɔ ɓu wiya? Vuu ɓaaɓɛ ɓɔɔ kagn ɓɔɔ wu Laa kɔ a mɔɔ kpang kagn ya? Laa kɔ nɛɛ a mɔɔ vuu piti, a mɔɔ rangkɛ yee vi bang bang ka yuu vuu kaɓa naa kaka ɓaaɓɛ a mɔɔ viya?

1 Koranti 9:16

Naa n kɔɔrɔ zang Ruu Tɔ̃ɔ Laa doori, vuu ɓɔɔ naa n tuu yuu kagn ɓɛɛ kpang. Ɓi Laa kɔɔ m nɛɛ n kɔɔrɔ zang Ruu Tɔ̃ɔ ɓiɓɛ. Jĩng dannang kagn yuu mɛɛ, n nɛɛ kɔɔrɔ zang Ruu Tɔ̃ɔ Laa kaɓa kpàng ɓɛɛ.

2 Koranti 11:12

N yaa vuu kɔ n palɛ ɓee kpang. Tɔ̀ɔ, n zãa zang ɓɔɔ ri ɓaa yuu ɓarɛ nɛɛ ri zang shonang Yeesɔ, vuu ɓɔɔ yi ri naa kagn, ri kɔɔ nɛɛ ri palɛ shonang doo naa ɓɔɔ ruu palɛ kɔ ɓɛɛ.

2 Koranti 11:30

Naa n tɔɔ, n rangkɛ yee bang bang, n rangkɛ ka yuu vuu ɓɔɔ tusu zang nɛɛ n lakɛ naa ka bii kpang ka vuu Suru Laa ɓɛɛ.

2 Koranti 5:12

Ruu tɔɔ kpang nɛɛ, ruu bée nɔɔ labeenang ɓɔɔ kɔɔ nɔɔ ruu ka yuu ɓuru tɔkn kpang. Ruu tɔɔ ruu a nɔɔ manɛ vuu tɔ̃ɔ ɓɔɔ shingnɛ nɔɔ tuu yuu manɛ ka ruu ɓuru ɓɛɛ. Tɔ̀ɔ, nɔ́ɔ walɛ vuu ɓɔɔ nɔɔ kɔɔ zang ɓɔɔ ri kɔɔrɔ ruu bang bang ka yuu vuu ɓɔɔ ri zi ka bii zang, wu ka yuu vuu ɓɔɔ ka yeti ɓarɛ ɓɛɛ kpang kati.

Galati 3:22

A zang bee ɓi tɔ, ka labeenang Laa nɛɛ, shɔnzang ɓɔɔ ka koo nandon, ri nwàng ɓarɛ naa ɓɔɔ vuu shi kpang mã ri ka sãa ɓɛɛ. Tɔɔ vuu ɓɔɔ Laa a nyaa ka yuu ɓiɓɛ ka doo danggn shinnang ka bii Yeesɔ Kirisi wu raa ɓɔ̀ɔ́ zang ɓɔɔ ri shing danggn tɔ kati.

Afisa 2:9

Ɓi vuu ɓɔɔ nɔɔ kɔɔrɔ ruu bang bang ka yuu manɛ ka ruu ɓiɓɛ kpang, ka ruu ɓɔɔ nɔɔ walɛ ka ruu shonang ɓɔɔ nɔɔ palɛ ɓɛɛ kpang ɓɛɛ.

Filipi 3:9

Ń ti nwang ɓɔɔ ɓiɓɛ. Laa wu tuu m zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii Kirisi ɓɛɛ. Wu ka ruu vuu ɓɔɔ kagn ɓɔɔ n palɛ ɓɛɛ kpang, wu ti ka ruu ɓɔɔ n dũng nyaa ɓɔɔ zang Yahudi dang ɓɛɛ kpang. Ɓi Laa kɔ risi m, n nwang zang tɔ̃ɔ ka tĩng ɓiɓɛ, ka ruu ɓɔɔ, n shing danggn ka bii ɓiɓɛ ɓɛɛ.