Rooma 3:4 - Nyaa Shɔɔ Ɓɔɔ Laa a Ɓɛɛ

⁴ Wu nɔngkɔ kpang. Naa zang piti ri suu sèé, Laa palɛ ɓi vuu ɓɔɔ niizang ɓɛɛ. Naa ɓɔɔ Labeenang Laa kɔɔyi ɓɛɛ nɛɛ, “Mɔɔ nɛɛ rang yee, zang piti ri zi katɔ nɛɛ yee ɓaaɓɛ niizang. Naa zang ɓàá mɔɔ nyaavaa, mɔkɔ mɔɔ shaayi.”

Rooma 3:4 Σταυροειδείς Αναφορές

Matiyu 11:19

Jaa Shɔnzang àrɛ, shaa katɔ, ti ɓoo katɔ. Zang ti kɔɔyi tɔɔ, ‘Nɔɔ zi zang nyɔkɔ keɓe, zang ɓɔɔ ɓoo saa dɔɔli. Wusang zang saka tipi tanang nɛɛ zang ɓɔɔ ri dũng nyaa ɓɔɔ Laa dang kpang kɔ doori ɓɛɛ.’ Zũnang Laa tusu bii ka vuu tɔ̃ɔ ɓɔɔ shɔnzang palɛ ɓɛɛ.”

Luka 20:16

Naa nyɔkɔ zang ɓɔɔ wu yaa ri jaa keɓe nandon, wu yaa rɛɛ zang ɓɔɔgn jaa bii.” Zang ɓɔɔ ri tãa vuu keɓe, ri tɔɔ, “Laa wu zã́a vuu keɓe nwannang nɔngkɔ katɔ.”

Yɔhana 3:33

Zang ɓɔɔ nɛɛ ta rúu ɓiɓɛ, tusu zang tɔ, nɛɛ vuu ɓɔɔ Laa kɔɔ ɓɛɛ ɓi niizang.

Rooma 11:1

N hɛ̃ɛyi ɓɛɛ, Laa bɛ̃ɛ zang ɓiɓɛ tɔ ya? Kpang. N nɛɛ yuu mɛɛ, n zang Isirela, zɔ̃ng Ibirayi. N m nɛɛ doo laa Biliyaminu.

Rooma 11:11

Ń hɛ̃ɛ kati ɓɛɛ, ɓɔɔ zang Yahudi ri kpaa doo, ri wàtɛ̀ gbinggbing ya? Nɔngkɔ kpang tingkiring. Ka ruu ɓɔɔ, ri palɛ vuu shi kpang, Laa ta yuu zang ɓɔɔ ri zang Yahudi kpang kati. Tɔ̀ɔ, wu shing zang Yahudi, ri kaa sũnyaa kaa nɛɛ ri.

Rooma 3:31

Nɛɛ nɔngkɔ, ruu kɔsɔ nyaa dannang Laa kaa tɔ nɛɛ danggn ɓɔɔ ruu shing ɓɛɛ ya? Wu nɔngkɔ kpang tingkiring. Ruu shɔ nyaa dannang Laa ɓi kaa nɛɛ tɔɔsung kɔ jong.

Rooma 6:15

A nɛɛ nɔngkɔ ɓɛɛ, rúu pálɛ́ vuu shi kpang ta, ka ruu ɓɔɔ ɓi nyaa dannang Laa roo kpanti ka yuu ɓuru kpang, ɓi tɔ̃ɔ Laa rooyi ɓɛɛ ya? Kpang tingkiring.

Rooma 6:2

Kpang, ruu palɛ nɔngkɔ kpang. Ɓɔɔ ruu yaa vuu shi kpang palɛnang ɓuru tɔ, ruu palɛ takpang.

Rooma 7:13

Wee nɔɔ kɔɔ ɓu kaa nɛɛ vuu tɔ̃ɔ keɓe kɔ nyɔ m vɔrɔ ya? Wu nɔngkɔ kpang. Ɓi vuu shi kpang, tuu vuu ɓɔɔ tɔ̃ɔ, a nyɔ m vɔrɔ nɛɛ mani, tɔɔ wu tusu bii ɓiɓɛ kaa tɔ̃ɔ tɔ̃ɔ. Ka ruu nɔngkɔ, nyaa dannang Laa kɔ shingnɛ vuu shi kpang tusu nɛɛ wu kaa shi kpang tingkiring.

Rooma 7:7

Ruu kɔɔ ɓu kaa nɛɛ viya? Nɛɛ nyaa ɓɔɔ Laa dangnɛ vuu shi kpang ya? Kpang. Nyaa ɓɔɔ Laa dangnɛ kɔ tùsù m vuu ɓɔɔ zang ɓaa nɛɛ vuu shi kpang palɛnang ɓɛɛ. N nɛ̀ɛ́ zi vuu ɓɔɔ zang ɓaa nɛɛ zang shing jĩng ka vuu zang kpang, naa Laa nɛɛ dang nyaa nɛɛ, “Zang wu shing jĩng ka vuu zang kpang,” kpang ɓɛɛ.

Rooma 9:14

Rùu kɔ̀ɔ́ ɓu kaa nɛɛ viya? Nɛɛ Laa palɛ vuu gn dang gbete ya? Nɔngkɔ kpang tingkiring.

1 Koranti 6:15

Nɔɔ zi kpang nɛɛ bii manɛ ɓi ɓɔɔ Yeesɔ Kirisi kpang ya? Naa n tuu bii Yeesɔ Kirisi dang gbete n ɓakɛ nɛɛ bii zang soro ɓɔɔ rakɛ wàázaa tɔ̃ɔ ya? Nɔ́ɔ palɛ nɔngkɔ kpang tingkiring.

2 Koranti 1:18

Nɔɔ zi tɔ nɛɛ Laa suu sèé ɓi kpang. Doo nɔngkɔ, ruu ɓɔɔ ruu kɔ̀ɔ nɔɔ, ɓi ruu ɓɔɔ zang kɔɔ nɛɛ, “Nn” zang ti kɔ̃sɔ nyaa nɛɛ, “Kpang” ka làa gbete kpang.

Galati 2:17

Nɛɛ nɔngkɔ, a wee ruu kãa gbalang ruu nwang zang tɔ̃ɔ ka tĩng Laa ka ɓɔɔ ruu ɓakɛ yuu nɛɛ Kirisi ɓee, zang nɛɛ naa ĩiyi ruu ɓuru doo zang ɓɔɔ ri palɛ vuu shi kpang naa zang ɓɔɔ ri zang Yahudi kpang ɓɛɛ. Nwáng ɓu kaa naa Yeesɔ kɔ shing zang, zang palɛ vuu shi kpang ya? Wu nɔngkɔ kpang.

Galati 2:21

N bɛ̃ɛ tɔ̃ɔ ɓɔɔ Laa pàlɛ̀ m ɓɛɛ kpang. Naa shɔnzang nwang zang tɔ̃ɔ ka tĩng Laa nɛɛ bii nyaa dannang katɔ, nwang ɓi kaa naa ɓɔɔ Kirisi vɔ ɓi kaa dalɛ waati ɓɛɛ.

Galati 6:14

Ɓɔɔ mɛɛ, n kɔɔrɔ ruu bang bang m ka yuu laa ɓɔɔ zang ɓaa Kpanti ɓuru Yeesɔ Kirisi naa kagn kɔ shɛ̃ɛning. Ka ruu ɓɔɔ, laa keɓe kɔ shingnɛ, vuu ɓɔɔ ka koo nwàng m vuu ɓɔɔ kpang. Mɔɔ kɔɔ nɛɛ zang ɓaa vuu keɓe tɔ ka yuu laa ɓɔɔ zang ɓaa Yeesɔ kagn ɓɛɛ. N ti nwang m kaa zang ɓɔɔ yaa rɛɛ vuu koo tɔ ɓɛɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

Titu 1:2

Tɔ̀ɔ, ri shing gn ka suru bii ɓɔɔ waa nyaa kpang, ɓɔɔ Laa ɓɔɔ suu sèé kpang a zang nyaa bɛ̀ɛ́ zang mãa koo gn kpang ɓɛɛ.

Yahudi 6:18

Vuu keɓe ziti, vuu ɓɔɔ Laa tũng, nɛɛ nyaa ɓɔɔ wu a ɓɛɛ, ri kɔ̃sɔ kpang, a Laa ti suu sèé ka yuu ɓarɛ kpang. Ka ruu nɔngkɔ, rùu ɓɔɔ rùu yurɛ, ruu walɛ nɔng waanang, zang mã ruu danggn gbãng gbãng nɛɛ ruu yiti gn vuu ɓɔɔ zang shing ruu ka tĩng keɓe gbatagbata.

1 Yɔhana 5:10

Ka ruu nɔngkɔ, zang ɓɔɔ shing danggn ka bii Jaa Laa, zi katɔ ka yeti ɓiɓɛ nɛɛ ruu keɓe ɓi niizang. Zang ɓɔɔ ta vuu ɓɔɔ Laa kɔɔ kpang, ɓaa Laa sèé tɔ. Ka ruu ɓɔɔ, kasɛ vuu ɓɔɔ Laa kɔɔ ka yuu Jaa ɓiɓɛ kpang ɓɛɛ.

1 Yɔhana 5:20

Ruu zi tɔ nɛɛ, Jaa Laa arɛ tùsù ruu gbalang ɓɔɔ ruu zi Laa ɓɔɔ wukɔ niizang ɓɛɛ. Ruu ɓuru ɓɔɔ Laa keɓe kɔ, ka ruu ɓɔɔ, ruu ɓuru ɓɔɔ Jaa ɓiɓɛ Yeesɔ Kirisi ɓɛɛ. Yeesɔ Kirisi keɓe wukɔ Laa niizang, wukɔ ti suru bii ɓɔɔ waa nyaa kpang ɓɛɛ.

Vuu ɓɔɔ zang nwangsɛ Yɔhana 3:7

A kɔɔ m tɔkn nɛɛ, “Bèe zang nyaa shonang Laa ɓɔɔ ka lapa ɓɔɔ gãng jĩng ka zang Laa ɓɔɔ ri ka gari Filadifiya ɓɛɛ ruu keɓe, mɔɔ kɔɔ wu nɛɛ: Wee ruu ɓɔɔ nwang nɛɛ nyaa zang ɓɔɔ shi kpang ɓi ka bii ɓiɓɛ kpang, zang ɓɔɔ wu ɓi niizang ɓɛɛ. Wukɔ yiti shɔng saka nyaa gãa ɓɔɔ bɛ̀ɛ́ Dawuda yiti ɓɛɛ. Nɛɛ puu nyaa gãa tɔ, zang ɓɔɔ zunung kunang kagn kpang, nɛɛ ti ku tɔ, zang ɓɔɔ zunung puunang kagn kpang.