Rooma 3:3 - Nyaa Shɔɔ Ɓɔɔ Laa a Ɓɛɛ

³ A zang ɓɔɔ ri nɛɛ shing danggn kpang, ka teteng ɓarɛ ɓɛɛ? Ka ruu nɔngkɔ, Laa pálɛ̀ vuu ɓɔɔ wu a nyaa nɛɛ wu pálɛ̀ ɓɛɛ takpang ya?

Rooma 3:3 Σταυροειδείς Αναφορές

Matiyu 24:35

Lapa nɛɛ tipi ri naa shaarɛ ditɔ nandon, a ruu mɛɛ shaarɛ ɓi kpang.

Yɔhana 1:16

Ka ruu vuu ɓɔɔ Laa a wu gaagaa, rùu ti wàlɛ́ tɔ̃ɔ kana ka yuu zɔɔ yuu zɔɔ.

Rooma 10:16

A kaa tɔ̀ɔ́ zang piti ri dũ̀ng vuu ɓɔɔ Ruu Tɔ̃ɔ Laa kɔɔ ɓɛɛ kpang. Ka ruu ɓɔɔ Ishaya kɔɔ ka yeti Labeenang ɓiɓɛ tɔɔ, “Kpanti, zang ɓɔɔ ri shing danggn ka ruu ɓɔɔ ruu kɔɔ ri ɓɛɛ kpang.”

Rooma 11:29

Ka ruu ɓɔɔ, Laa nɛɛ zɔ̃́ng zang tɔ, bɛ̃ɛ ri ɓi takpang, nɛɛ ti a zang vuu tɔ, tà ɓi tɔ̀ɔ́ tɔkn kpang.

Rooma 9:6

N tɔɔ kpang nɛɛ, Laa palɛ vuu ɓɔɔ wu a zang nyaa kagn kpàng, kpang. Ka ruu ɓɔɔ wu zang Isirela nandon kɔ, zang ɓɔɔ Laa shɛ̃ɛrɛ ri nɛɛ ri zang ɓiɓɛ kɔ kpang.

2 Koranti 3:18

Ɓɔɔ ruu dũng Laa nɔngkɔ, sɛ̃ɛ fɔ̃ɔrɔ keɓe zùu jĩng ɓuru kpang, ruu zi bannang Kpanti Laa katɔ. Bannang keɓe, ɓɔɔ a nɛɛ bii Kpanti Laa ɓɔɔ ɓi suru ɓɛɛ, rìsí ruu kana, tɔ̀ɔ, ruu nwang naa wukɔ. Ti gìsí ruu bannang ɓɔɔ naa ɓɔɔ ɓiɓɛ gbãng gbãng ɓɛɛ kana, ka yuu zɔɔ, yuu zɔɔ.

2 Tesalonika 1:3

Rɛɛ manzung ɓuru, daa naa ɓɔɔ ruu zãa Laa diki diki ka ruu manɛ tɔ. Daa naa ɓɔɔ ruu zãa wu tɔ, ka ruu ɓɔɔ, danggn ɓɔɔ nɔɔ shing ka bii Yeesɔ daa kana nɛɛ tĩng dɔɔli, a naa ɓɔɔ zang ɓu ka teteng manɛ ri kasɛ zɔɔ ti daa nɛɛ tĩng kɔ sasak.

2 Timoti 2:13

Naa ruu ɓuru zang ɓɔɔ zang shing gn ka bii ɓuru kpang, Yaa nyaa ɓɔɔ wu kɔ̀ɔ ɓi kpang. Ka ruu ɓɔɔ, sùu yuu ɓiɓɛ sèé ɓi kpang ɓɛɛ.

Yahudi 4:2

Ka ruu ɓɔɔ, zang kɔɔ ruu Ruu Tɔ̃ɔ Laa tɔ jong, naa ɓɔɔ zang kɔɔ ri ɓɛɛ. A rúu ɓɔɔ ri tãayi nwàng ri vuu ɓɔɔ kaa takpang, ka ruu ɓɔɔ, zang ɓɔɔ ri tãayi, ri shing danggn kpang ɓɛɛ.