Rooma 2:3 - Nyaa Shɔɔ Ɓɔɔ Laa a Ɓɛɛ

³ A mɔkɔ masang, mɔɔ palɛ doo vuu ɓɔɔ mɔɔ dɔng zang ruu ka yuu ɓiɓɛ ɓɛɛ kɔ ya? Mɔɔ kɔɔ ɓaa nɛɛ Laa naa jɛ̃ɛ mɔɔ ruu kpang ya?

Rooma 2:3 Σταυροειδείς Αναφορές

Matiyu 23:33

“Sɔkɔ keɓe, nɔkɔ wujɛ sɔkɔ pudi ɓi. Nɔɔ naa wɔ daanang ka yeti waa bang ɓu kaa biya?

Matiyu 26:53

Mɔɔ zi kpang nɛɛ naa n gàa Daa mɛɛ, shong m zang nyaa shonang ɓiɓɛ ɓɔɔ ri ka lapa ɓɔɔ ɓa tìng kopi tu ziti katɔ tantɛnang kpang ya?

Luka 12:14

A Yeesɔ kasɛ wu nyaa tɔɔ, “Masang, ɓu wi shing m zang ɓɔɔ jɛ̃ɛ zang ruu, kɔ zang ɓɔɔ basɛ nɔɔ vuu ɓɛɛ wiya?”

Luka 22:58

Ɓɔɔ zang nwang naa gbete hn, zang varɛ ɓɔɔ zi wu, a kɔɔ wu nɛɛ, “Mɔɔ doo zang ɓarɛ kɔ.” Bituru kasɛ wu nyaa tɔɔ, “Jèe, n wu zang ɓarɛ kpang.”

Luka 22:60

A Bituru kasɛ nyaa tɔɔ, “Jèe, n zi vuu ɓɔɔ mɔɔ kɔɔ keɓe m kpang.” Bɛ̀ɛ́ rang yee doo naa nyaa, kn ɓaa nyaa.

Rooma 1:32

Ri zi tɔ nɛɛ nyaa dannang Laa kɔɔyi nɛɛ zang ɓɔɔ ri palɛ vuu ɓɔɔ naa weɓe, daa naa ɓɔɔ zang nyɔ ri vɔrɔ ɓɛɛ. Ri huu shoo wu ka nɔng palɛnang kɔ shɛ̃ɛning kpang, ri tãa tĩnang zang ɓɔɔ ri pálɛ̀ vuu keɓe ɓɛɛ.

Rooma 2:1

Masang, mɔɔ kɔɔ zang katɔ nɛɛ zang ri palɛ vuu shi kpang tɔ ya? Naa mɔɔ doo zang kiya, daa naa ɓɔɔ mɔɔ kɔɔ zang ɓɔɔ nɔngkɔ kpang. Ka ruu ɓɔɔ naa mɔɔ dɔng zang ɓɔɔ ruu ka yuu vuu ɓɔɔ ri palɛ, a mɔɔ palɛ doo vuu ɓɔɔ ri palɛ ɓɛɛ kɔ, mɔɔ dɔng ɓaa yuu ɓaaɓɛ ruu.

Rooma 2:2

Ruu zi tɔ nɛɛ, naa ɓɔɔ Laa dɔng zang ɓɔɔ ri palɛ vuu ɓɔɔ naa weɓe ruu, palɛ ɓi tɔ̃ɔ.

Rooma 9:20

Masang, mɔkɔ wi mɔɔ kasɛ Laa nyaa wiya? Ɓari hɛ̃ɛ zang ɓɔɔ mãa wu katɔ nɛɛ, “Ka ruu vi mɔɔ mãa m nɔngkɔ viya ya?”

1 Tesalonika 5:3

Ka laa ɓɔɔ zang ri gaayu kɔɔrɔnang nɛɛ, “Ruu nwang tɔ nyaa zɔɔ, a vuu ɓɔɔ shing ruu, rùu kaa vɔrɔ kpang.” A jĩng dannang wu a kaa yuu ɓarɛ tantɛnang naa ɓɔɔ jaa kɔng zang soro ɓɛɛ. Zang gbete wɔ̀ kpang.

Yahudi 12:25

Nɔɔ palɛ waasɛ̃, nɔ́ɔ bɛ̃ɛ Laa kɔ rang yee ɓee kpang. Ka ruu ɓɔɔ, naa zang ɓɔɔ ri bɛ̃ɛ ruu ɓiɓɛ ɓɔɔ a nɛɛ bii Musa ɓɔɔ shàarɛ̀ ri nyaa ka koo keɓe ri wɔ kpang, a ruu nɛɛ bɛ̃ɛ ruu ɓiɓɛ ɓɔɔ a nɛɛ bii Yeesɔ ɓɔɔ a nɛɛ lapa, a shaarɛ ri nyaa ɓɛɛ, ruu palɛ biya ruu wɔ viya?

Yahudi 2:3

A naa ruu shing jĩng gbãng gbãng ka ruu naa ɓɔɔ zang ta yuu zang, ɓɔɔ bang katɔ naa weɓe kpang, ruu wɔ biya? Ka ruu ɓɔɔ, ɓi Kpanti Yeesɔ nɛɛ yuu ɓiɓɛ, wukɔ gaayu ruu keɓe kɔɔnang ɓɛɛ. A zang ɓɔɔ ri tãayi, rikɔ tusu ruu nɛɛ ruu keɓe niizang kɔ nwani.