Rooma 2:1 - Nyaa Shɔɔ Ɓɔɔ Laa a Ɓɛɛ

¹ Masang, mɔɔ kɔɔ zang katɔ nɛɛ zang ri palɛ vuu shi kpang tɔ ya? Naa mɔɔ doo zang kiya, daa naa ɓɔɔ mɔɔ kɔɔ zang ɓɔɔ nɔngkɔ kpang. Ka ruu ɓɔɔ naa mɔɔ dɔng zang ɓɔɔ ruu ka yuu vuu ɓɔɔ ri palɛ, a mɔɔ palɛ doo vuu ɓɔɔ ri palɛ ɓɛɛ kɔ, mɔɔ dɔng ɓaa yuu ɓaaɓɛ ruu.

Rooma 2:1 Σταυροειδείς Αναφορές

Luka 12:14

A Yeesɔ kasɛ wu nyaa tɔɔ, “Masang, ɓu wi shing m zang ɓɔɔ jɛ̃ɛ zang ruu, kɔ zang ɓɔɔ basɛ nɔɔ vuu ɓɛɛ wiya?”

Luka 19:22

“A dabang gãa ɓarɛ kasɛ wu nyaa tɔɔ, ‘Mɔɔ zang shonang ɓɔɔ shi kpang ɓɛɛ, n dɔng mɔɔ ruu doo nɛɛ yee ɓɔɔ nyaa ɓaaɓɛ kɔɔ ɓɛɛ kɔ. Mɔɔ zi tɔ nɛɛ n kpãa nyaa katɔ, n tuu vuu ɓɔɔ wu ɓɔɔ mɛɛ kpang, n ti yee vuu m ka nɔng ɓɔɔ nkɔ ɓaayi kpang ɓɛɛ.

Luka 6:37

“Nɔ́ɔ jɛ̃̀ɛ zang ruu kpang, Kpanti Laa wu ti naa jɛ̃ɛ nɔɔ ruu kpang kɔ doori. Nɔ́ɔ kɔɔ kpang nɛɛ zang keɓe palɛ vuu shi kpang tɔ kpang. Tɔɔ Kpanti Laa wu ti naa kɔɔ kaa takpang nɛɛ nɔɔ palɛ vuu shi kpang tɔ kpang. Nɔɔ yaa zang gbalang vuu shi kpang ɓɔɔ zang palɛ nɔɔ ɓɛɛ katɔ, tɔ̀ɔ Laa wu ti naa yaa nɔɔ gbalang vuu shi kpang ɓɔɔ nɔɔ palɛ ɓɛɛ.

Rooma 14:22

Vuu ɓɔɔ mɔɔ shing ka yeti ɓaaɓɛ, ka yuu vuu keɓe ɓi ka teteng ɓaaɓɛ nɛɛ Laa. Tĩnang tãanang ɓi ɓɔ̀ɔ́ zang ɓɔɔ zi tɔ, ka yeti ɓiɓɛ nɛɛ vuu ɓɔɔ wu pálɛ̀ ɓi tɔ̃ɔ ɓɛɛ.

Rooma 2:2

Ruu zi tɔ nɛɛ, naa ɓɔɔ Laa dɔng zang ɓɔɔ ri palɛ vuu ɓɔɔ naa weɓe ruu, palɛ ɓi tɔ̃ɔ.

Rooma 2:3

A mɔkɔ masang, mɔɔ palɛ doo vuu ɓɔɔ mɔɔ dɔng zang ruu ka yuu ɓiɓɛ ɓɛɛ kɔ ya? Mɔɔ kɔɔ ɓaa nɛɛ Laa naa jɛ̃ɛ mɔɔ ruu kpang ya?

Rooma 3:9

Nɛɛ nɔngkɔ, ɓɔɔ ruu zang Yahudi ruu ɓa zang ɓɔɔ ri zang Yahudi kpang ɓu kaa tɔ ya? Nɔngkɔ kpang tingkiring. N kɔ̀ɔ nɔɔ ka tĩng nɛɛ zang Yahudi nɛɛ zang ɓɔɔ ri zang Yahudi kpang nandon, ri palɛ vuu shi kpang katɔ.

Rooma 9:20

Masang, mɔkɔ wi mɔɔ kasɛ Laa nyaa wiya? Ɓari hɛ̃ɛ zang ɓɔɔ mãa wu katɔ nɛɛ, “Ka ruu vi mɔɔ mãa m nɔngkɔ viya ya?”

1 Koranti 4:5

Ka ruu nɔngkɔ, daa naa ɓɔɔ nɔɔ dɔng zang ruu ɓɛɛ kpang. Nɔɔ yaa gbongkarɛ diki ɓiɓɛ wu arɛ. Diki ɓɔɔ Kpanti Yeesɔ gbãayu kagn ɓɛɛ. Naa nwangsɛ dĩiri vuu ɓɔɔ zang waasɛ̃ katɔ kãntang keɓe ditɔ. Ti naa nwangsɛ rɛ̃rɛnang ɓɔɔ zang ɓu rɛ̃rɛ ka yeti ɓiɓɛ ditɔ. Ka diki kaɓa kɔ, Laa naa dɔ̀ɔ zang ɓu nɛɛ dɔɔnang ɓɔɔ daa teetee nɛɛ zang ɓu ɓɛɛ.

1 Koranti 7:16

Ɓɔɔ nɔɔ soro ɓɔɔ ri dũng Laa ɓɛɛ, nɔɔ zi kpang Laa tá yuu varɛ manɛ katɔ, ka ruu manɛ kpang ya? Ɓɔɔ nɔɔ varɛ ɓɔɔ nɔɔ dũng Laa ɓɛɛ nɔɔ zi kpang Laa ta yuu soro manɛ katɔ ka ruu manɛ kpang ya?

Yakubu 2:20

Zang ɓɔɔ zũng kpang kiɓi, mɔɔ zi kpang nɛɛ danggn shinnang nɛɛ tusu bii nɛɛ shonang ɓɔɔ wu palɛ ɓɛɛ kpang, nwang ɓi waati kpang ya?

Yakubu 4:11

Manzung, nɔ́ɔ rang yee shi kpang ka yuu zɔɔ kpang. Zang ɓɔɔ nɛɛ rang yee shi kpang ka yuu zang ɓɔɔ dũng doo Laa kɔ, a ti dɔng wu ruu, rang yee shi kpang ka yuu nyaa dannang Laa a ti tuu yuu ɓiɓɛ naa wu ɓa nyaa dannang Laa katɔ. Mɔɔ nɛɛ tɔɔ, mɔɔ ɓa nyaa dannang Laa katɔ, mɔɔ ɓáa zang ɓɔɔ palɛ vuu ɓɔɔ nyaa dannang Laa kɔɔ ɓɛɛ kpang. Mɔɔ ɓaa zang ɓɔɔ ɓa nyaa dannang Laa katɔ ɓɛɛ.