Rooma 13:9 - Nyaa Shɔɔ Ɓɔɔ Laa a Ɓɛɛ

⁹ Nyaa ɓɔɔ Laa dangnɛ nɛɛ, “Mɔɔ palɛ dũndũng kpang, mɔɔ nyɔ zang vɔrɔ kpang, mɔɔ ɓɔ̀ɔ shɔngɓɔ kpang, mɔɔ shing jĩng ka vuu zang kpang.” Nyaa ɓɔɔ Laa dangnɛ kɛɓɛ, nɛɛ ɓɔɔ yaa ɓɛɛ piti, ri kɔɔ ɓi doo vuu gbete kɔ nɛɛ ɓɔɔ tɔɔ, “Nɔɔ kasɛ ruu shɔnzang naa ɓɔɔ nɔɔ kasɛ yuu manɛ ɓɛɛ.”

Rooma 13:9 Σταυροειδείς Αναφορές

Matiyu 22:39

Ɓɔɔ ɓàng doo ɓiɓɛ, ɓi weɓe. ‘Kàsɛ̀ zang ɓɔɔ mɔɔ nwalɛ nɛɛ ri doo naa ɓɔɔ mɔɔ kasɛ bii ɓaaɓɛ kɔ.’

Maraku 10:19

Mɔɔ zi nyaa ɓɔɔ Laa dang ɓɛɛ tɔ, Laa tɔɔ, “Mɔɔ nyɔ zang vɔrɔ kpang, mɔɔ palɛ vuu dũndũng kpang, mɔɔ ɓɔ̀ɔ́ shɔngɓɔ kpang, mɔɔ suu sèé ka yuu zang ɓɔɔ kpang, mɔɔ mulu zang kpang. Ɓaa shoo ka nyaa daaɓɛ nɛɛ ɓɔɔ naaɓɛ tɔ̃ɔ tɔ̃ɔ.”

Maraku 12:31

Ɓɔɔ ɓang knti ɓiɓɛ keɓe ‘Mɔ́ɔ kasɛ ruu shɔnzang doo naa ɓɔɔ mɔɔ kasɛ yuu ɓaaɓɛ kɔ.’ Nyaa ɓɔɔ Laa dangnɛ, ɓɔɔ ɓa rɛɛ weɓe kagn kpang.”

Luka 10:27

Kasɛ Yeesɔ nyaa tɔɔ, “Labeenang Laa tɔɔ, ‘Zang wu kasɛ Kpanti Laa ɓɔɔ wukɔ Kpanti zang nɛɛ yeti gbete, nɛɛ suru bii zang piti, nɛɛ kaka zang piti, nɛɛ rɛ̃rɛnang zang piti.’ Nɛɛ ‘Zang ti kasɛ ruu ɓeezung doo naa ɓɔɔ zang kasɛ bii zang ɓɛɛ kɔ.’ ”

Luka 18:20

Mɔɔ zi nyaa ɓɔɔ Laa dangnɛ tɔ, Laa dang nyaa tɔɔ, ‘Mɔɔ palɛ dũndũng kpang, mɔɔ nyɔ zang vɔrɔ kpang, mɔɔ ɓɔɔ zang vuu kpang, mɔɔ ta zang nyaa nɛɛ sèé kpang, a rɛɛ daaɓɛ nɛɛ naaɓɛ bannang katɔ.’ ”

Galati 5:13

Ɓɔɔ manɛ ɓɛɛ, rɛɛ manzung, zang ɓaa nɔɔ nyaa nɛɛ nɔ́ɔ nwang zang ɓɔɔ ri jaafoo kpang ɓɛɛ. A nɔɔ yaayi nwannang manɛ keɓe, wu yàa nɔɔ gbalang vuu ɓɔɔ bii shɔnzang manɛ kasɛ ɓɛɛ palɛnang kpang. Zɔɔ kasɛnang wu shing nɔɔ katɔ kɔ jong, nɔ́ɔ pàlɛ́ zɔɔ shonang.