Rooma 10:18 - Nyaa Shɔɔ Ɓɔɔ Laa a Ɓɛɛ

¹⁸ N hɛ̃ɛ katɔ ɓɛɛ, Ri tã̀a Ruu Tɔ̃ɔ Laa kpang niizang ya? Ri tã̀a katɔ. Labeenang Laa kɔɔyi tɔɔ, “Ri kɔɔ ruu keɓe ka dalɛ koo nandon. Ruu ɓarɛ daa ka dĩiri ɓɔɔ koo waa nyaa ɓɛɛ.”

Rooma 10:18 Σταυροειδείς Αναφορές

Matiyu 24:14

Zang naa rang zang koolaa keɓe Ruu Tɔ̃ɔ Kpanti Laa ditɔ nandon, tɔɔ zang ɓɔɔ ka rɛɛ tipi ɓɔɔ ka koo keɓe ri tãa ruu ɓɔɔ niizang kati. Tɔ̀ɔ, koo keɓe wu naa waa nyaa kati.”

Matiyu 26:13

N kɔɔ nɔɔ ruu ɓɔɔ niizang kɔ nwani, nɔng ɓɔɔ zang naa rang tɔ̃ɔ Kpanti Laa kagn koo keɓe piti, zang naa kɔɔ ruu vuu kɔ jaa soro keɓe palɛ ɓɛɛ ditɔ. Ka ruu ɓɔɔ, danggn jaa soro keɓe nɛ̀ɛ́ ning zang ɓɛɛ.”

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Matiyu 4:8

A Sheetang tuu wu tɔkn daa nɛɛ wu ka yuu kɔpɔ ɓɔɔ beebang ɓɛɛ, a tusu wu koolaa ɓɔɔ ka bm bm nandon, nɛɛ vuu tɔ̃ɔ ɓɔɔ kagn piti.

Maraku 16:15

A kɔɔ ri tɔɔ, “Nɔɔ dita ka koo piti, nɔɔ daa rang zang piti, Ruu Tɔ̃ɔ Kpanti Laa.

Maraku 16:20

A zang ɓɔɔ ri mantɛ vuu ka bii Yeesɔ ri daa kati, ri daa rang yee Laa kaa nɛɛ nɔng piti, piti. A Kpanti Yeesɔ ti palɛ shonang nɛɛ ri ning. Tusu zang nɛɛ yee ɓɔɔ zang ɓɔɔ ri mantɛ vuu ka bii ɓiɓɛ ri rangnɛ, ɓi niizang kɔ nwani. Ka ruu ɓɔɔ, zang zi ka vuu ɓɔɔ ri palɛ ɓɔɔ zang zirɛ zang mã naa ka danggn ɓɛɛ.]

Zang Shonang Yeesɔ 1:8

Diki ɓɔɔ Suru Laa a ka bii manɛ, nɔɔ nwáng zang ɓɔɔ ri kɔ̀ɔ́ ruu ka yuu mɛɛ ka gari Urushalima, nɛɛ tipi Yahudi nandon, nɛɛ tipi Samariya, nɔɔ daa nɛɛ mani ka nɔng ɓɔɔ koo waa nyaa ɓɛɛ”.

Zang Shonang Yeesɔ 26:20

Ɓɔɔ tĩng shɔɔnang n kɔɔ zang Ruu Laa ka Damasiku, a n ti daa kɔɔ ka Urushalima, a n ti riki tipi Yahudi nandon. N ti kɔɔ rɛɛ zang ɓɔɔ ri zang Isirela kpang jong n tɔɔ ri yaa vuu shi kpang ɓɔɔ ri palɛ ɓɛɛ, ri a ka bii Laa. Ri ti pálɛ́ vuu ɓɔɔ zang zi kagn nɛɛ ri yaa vuu shi kpang ɓɔɔ ri palɛ ɓɛɛ tɔ ɓɛɛ.

Zang Shonang Yeesɔ 28:23

Ka ruu nɔngkɔ, ri kà zɔɔ diki nɛɛ Bulu. Ɓɔɔ diki ɓɔɔ ri ka zɔɔ naa arɛ zang dɔɔli ri kpalɛ zɔɔ ka nɔng ɓɔɔ Bulu nwàng kagn ɓɛɛ. Bulu nwangsɛ ri dĩiri ruu a ti kɔɔ ri ruu ka yuu Kpanti roonang Laa nɛɛ gãndi sasak nɔng tɔɔ nɛɛ mani. Kasɛ nɛɛ ri ta ruu ɓɔɔ wu kɔɔ ri ka yuu Yeesɔ ɓɛɛ, ka ruu nɔngkɔ, rang ri yee ka yuu ɓiɓɛ ka yeti labeenang Musa nɛɛ ɓɔɔ rɛɛ zang nyaa shonang Laa.

Rooma 1:8

N gaayu, n zãa Laa mɛɛ nɛɛ bii Yeesɔ Kirisi, ka ruu ɓɔɔ, zang koo nandon, ri rang ruu ka yuu danggn shinang manɛ ɓɛɛ.

Rooma 15:19

Nɛɛ vuu ɓɔɔ zang zirɛ zang mã naa ka danggn, a ɓɔɔ vuu ɓɔɔ Suru Laa palɛ nɛɛ naa vuu palɛnang ɓiɓɛ ɓɛɛ. Ka rakɛnang ɓɔɔ n gaayu nɛɛ Urushalima, n riki nɔng nandon, n daa nɛɛ mani ka Ilirikum ɓɛɛ, n hangsɛ zang Ruu Laa kɔɔnang tɔ nandon ka yuu Kirisi.

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

1 Tesalonika 1:8

Ka ruu ɓɔɔ, wu Ruu Tɔ̃ɔ ɓɔɔ ka yuu Yeesɔ Kirisi ɓɔɔ nwang nɛɛ bii manɛ, bàa wu tipi Makidoniya nɛɛ Akaya kɔ shɛ̃ɛning kpang. Ruu danggn ɓɔɔ nɔɔ shing ka bii Laa, bàa nɔng tɔ jong piti piti. Vuu ɓɔɔ naa ruu kɔɔ ɓɛɛ tɔ̀ɔ́ kagn kpang.