Rooma 1:13 - Nyaa Shɔɔ Ɓɔɔ Laa a Ɓɛɛ

¹³ Manzung, ɓɔɔ ri dũng doo Laa kɔ ɓɛɛ, n kasɛ nɔɔ zi vuu keɓe. N mang diki diki nɛɛ n daa leng nɔɔ, a vuu ɓɔɔ zãa m kagn. N kasɛ n shing zang ɓɔɔ ka teteng manɛ, ri dũng Laa naa ɓɔɔ n wàlɛ̀ zang ɓɔɔ ri dũng Laa ka teteng zang nimbang, ɓɔɔ ri ɓarɛ zang Yahudi kpang ɓɛɛ.

Rooma 1:13 Σταυροειδείς Αναφορές

Yɔhana 12:24

N kɔ̀ɔ́ nɔɔ ruu ɓɔɔ niizang kɔ nwani, naa zang ɓaa jĩng zee ka tipi kpang, nwang ɓi ka nɔngkɔ, jĩng zee gbete. Zang nɛɛ ɓaa tɔ, wu tarɛ, wu shing jĩng kaa gaagaa.

Yɔhana 15:16

Wu nɔkɔ zɔ̃ng m kpang, ɓi nkɔ shɛ̃ɛrɛ nɔɔ, n a nɔɔ shonang, tɔɔ nɔɔ daa ra jaa. Zɔ̃ng jaa ɓɔɔ nɔɔ rárɛ́, ri nwang dòndòng. Tɔ̀ɔ, vuu ɓɔɔ nɔɔ gaa nandon ka naa Daa, nɛɛ nung mɛɛ, Daa wu a nɔɔ kati.

Yɔhana 4:36

Zang jaa lannang wàlɛ́ ɓi kaa vuu ɓɔɔ Laa shing wu katɔ ɓɛɛ. Kpalɛ zang ɓiɓɛ kana, tɔɔ ri walɛ suru bii ɓɔɔ waa nyaa kpang ɓɛɛ. Tɔɔ, zang ɓɔɔ ɓaa jĩng vuu, nɛɛ zang ɓɔɔ naa yeeyi ri tãa tĩnang kaa nyaa zɔɔ.

Zang Shonang Yeesɔ 1:15

Ka diki ɓɔɔ kagn, zang ɓɔɔ ri shíng danggn tɔ laa maani tu bmati, ri kpalɛ zɔɔ. A Bituru seepaa a shiiyi, rang yee.

Zang Shonang Yeesɔ 14:27

Ri shɛ̃ɛ Antakiya tɔ, ri kpalɛ zang ɓɔɔ ri dũng Laa ɓɛɛ, a ri kɔɔ ri vuu ɓɔɔ Laa yi ri naa kagn ri palɛ ɓɛɛ. Naa ɓɔɔ Laa puu zang ɓɔɔ ri zang Isirela kpang gbalang tɔ jong nɛɛ ri shing danggn ka bìí ɓiɓɛ ɓɛɛ.

Zang Shonang Yeesɔ 15:12

Zang ɓɔɔ ri kpalɛ zɔɔ, ri nwang kaa kikiri, ka ɓɔɔ ri tãa naa ɓɔɔ Baranaba nɛɛ Bulu ri kɔɔrɔ vuu ɓɔɔ zang zirɛ zang mã naa ka danggn, ɓɔɔ Laa yi ri naa kagn, ri pálɛ̀ ka teteng zang ɓɔɔ ri zang Isirela kpang ɓɛɛ.

Zang Shonang Yeesɔ 19:21

Ka knti ɓɔɔ vuu keɓe palɛ tɔ nɔngkɔ, Bulu kɔɔ ka yeti ɓiɓɛ nɛɛ wu sɔɔ nɛɛ tipi Makidoniya nɛɛ tipi Akaya wu daa kaa Urushalima. A ti kɔɔyi nɛɛ, “N nɛɛ daa tɔ Urushalima, n daa katɔ, n daa zi Rooma.”

Zang Shonang Yeesɔ 21:19

Bulu jee ri nyaa, a gaa tɔɔsung ɓɔɔ wu kɔɔrɔ ri vuu ɓɔɔ Laa palɛ ka teteng zang ɓɔɔ ri zang Isirela kpang, ka ruu shonang ɓɔɔ wu palɛ ɓɛɛ. Kɔɔ ri ruu keɓe gbete gbete nandon.

Zang Shonang Yeesɔ 28:14

Ruu ĩi zang ɓɔɔ ri dũng Laa ka nɔng. Ri gaa ruu nɛɛ ruu nwang nɛɛ ri, diki manziti. A ruu naa seepaa kaa nɛɛ nihn ruu shɛ̃ɛ Rooma kati.

Rooma 1:12

N tɔɔ, n kɔɔyi nɛɛ, ruu mã nɔɔ zɔɔ danggn, nɛɛ danggn ɓɔɔ ruu shing ka bii Laa ɓɛɛ.

Rooma 11:25

Rɛɛ manzung, ɓɔɔ nɔɔ zang Yahudi kpang, n kasɛ nɔɔ tuu yuu manɛ kpang. Tɔ̀ɔ n kɔɔ nɔɔ dĩiri vuu ɓɔɔ palɛ zang Isirela ɓɔɔ nɔɔ zi kpang ɓɛɛ. Zang ɓɔɔ ka teteng ɓarɛ ri taarɛ yuu dɔɔli. Ri nwáng nɔngkɔ sasak Laa wu ta yuu manɛ zang ɓɔɔ nɔɔ zang Yahudi kpang nandon.

Rooma 7:1

Manzung, nɔɔ zi vuu ɓɔɔ n kɔ̀ɔ́ kãntang keɓe tɔ, ka ruu ɓɔɔ, nɔɔ zi nyaa ɓɔɔ Laa dangnɛ tɔ ɓɛɛ. Nyaa kɔ Laa dang ɓee, kɔɔ zang vuu ɓɔɔ zang palɛ bɛ̀ɛ́ zang doo ningkãari kɔ shɛ̃ɛning.

1 Koranti 1:10

Manzung, n gaa nɔɔ ka ruu Kpanti ɓuru Yeesɔ Kirisi, nyaa manɛ wu daa gbete, ka vuu ɓɔɔ nɔɔ kɔɔ ɓɛɛ. Nɔ́ɔ ti kusu zɔɔ kpang. Rɛ̃rɛnang manɛ wu daa gbete, nɔ́ɔ ti palɛ vuu gbete.

1 Koranti 10:1

Manzung, n kasɛ danggn wu ning nɔɔ vuu ɓɔɔ palɛ rɛɛ dabang ɓuru, ɓɔɔ ri dũng Musa ɓɛɛ kpang. Sãmbong ɓɔɔ kagn sɔ̀ɔ ri tĩng. A ri ti ra ka tipi waati, ri ta waapo ɓɔɔ zang ɓaa nɛɛ Waapo ɓɔɔ mii ɓiɓɛ nwɛ̃ɛri ɓɛɛ.

1 Koranti 12:1

Manzung, ruu rɛ̃rɛ nɔɔ kaa yuu vuu ɓɔɔ Suru Laa a zang ɓɛɛ. N kasɛ nɔɔ zi vuu keɓe katɔ tɔ̃ɔ tɔ̃ɔ.

1 Koranti 14:20

Manzung, nɔɔ rɛ̃rɛ naa wujɛ kpang. Nɛɛ a tɔ ka nɔng shi kpang palɛnang, nɔɔ risi yuu manɛ naa wujɛ ɓɔɔ ri palɛ shi kpang ɓarɛ kpang ɓɛɛ. Nɛɛ a tɔ ka nɔng rɛ̃rɛnang, nɔɔ rɛ̃rɛ kaa rɛ̃rɛnang zang bang.

1 Koranti 14:26

Manzung, nɔɔ nɛɛ n kɔɔ nɔɔ ruu biya? Nɔɔ nɛɛ kpalɛ zɔɔ tɔ nɛɛ nɔɔ bang Laa, zang gbete wu tusu soo ɓɔɔ zang gaa ɓɛɛ. Zang gbete wu tùsù zang Ruu Laa. Zang ɓɔɔ wu tùsù zang vuu ɓɔɔ Laa tusu wu ɓɛɛ. Zang ɓɔɔ wu rang yee nɛɛ nyaa ɓɔɔ wu kpɛ̃ɛrɛ katɔ kpang. Zang ɓɔɔ wu ti kɔɔ zang ɓi dĩiri ruu keɓe. Zang ri palɛ vuu piti naa ɓɔɔ yi zang naa ka bii, zang ri zi Ruu Laa kaa gbãng gbãng ɓɛɛ.

1 Koranti 9:2

Naa zang ɓɔɔ ri kasɛ doo kpang nɛɛ n zang shonang Yeesɔ Kirisi kpang. Nɔɔ zi manɛ tɔ nɛɛ n m zang shonang Yeesɔ Kirisi, ka ruu ɓɔɔ, zang zi ka nɔkɔ nɛɛ n zang shonang Kirisi ɓɛɛ.

2 Koranti 1:8

Rɛɛ manzung ɓuru, ruu kasɛ nɛɛ danggn jĩng ɓɔɔ ruu dang ka tipi Asiya wu ning nɔɔ kpang. Jĩng dannang kaɓa, bang dɔɔli, bɛ̀ɛ́ ruu yaa gn naa tɔ nɛɛ ruu nwàng tɔ̀ɔ́ ningkãari kpang.

2 Koranti 2:14

Ruu zãa Laa tɔ, ka ruu ɓɔɔ, sɔ̀ɔ́ ruu tĩng diki diki, a ruu ɓa Sheetang yuu tɔ, ka ruu ɓɔɔ, ruu ɓakɛ yuu tɔ nɛɛ Yeesɔ Kirisi ɓɛɛ. A ti shingnɛ, zang tãlɛ yee ɓiɓɛ nɛɛ nɔng piti piti nɛɛ bìí ɓuru, naa ɓɔɔ vuu ɓɔɔ á sɛ̃ɛ tɔ̃ɔ, tálɛ̀ nɔng ɓɛɛ.

Galati 3:15

Manzung, n kɔɔ nɔɔ ruu keɓe, n gãsɛ nɛɛ vuu ɓɔɔ ruu palɛ diki diki ɓɛɛ. Naa zang ziti ri a zɔɔ nyaa ka yuu vuu ɓɔɔ, zang ɓɔɔ ta nyaa keɓe kpang, zang ɓɔɔ ti gisi vuu tɔkn ka yuu ɓiɓɛ kpang.

Galati 6:18

Rɛɛ manzung, n gaa Kpanti ɓuru Yeesɔ Kirisi wu palɛ nɔɔ nandon tɔ̃ɔ. Nɔngkɔ.

Filipi 1:22

Naa n nwang ningkãari ka koo keɓe, ń ti palɛ shonang ɓɔɔ yi zang naa ka bii ɓɛɛ katɔ. Ka ruu nɔngkɔ, n zi ɓɔɔ n zɔ̃ng gbete ɓɛɛ kpang.

Filipi 4:17

N shing jĩng mɛɛ wu ka vuu ɓɔɔ nɔɔ a m ɓɛɛ kpang. N kasɛ m nɛɛ, Laa wu palɛ nɔɔ tɔ̃ɔ, ka ruu ɓɔɔ, nɔɔ yi m naa ka bii ɓɛɛ.

Kolosi 1:10

Tɔ̀ɔ, nɔ́ɔ naa zunung nwannang ɓɔɔ Kpanti ɓuru kasɛ ɓɛɛ kati, nɔɔ palɛ vuu ɓɔɔ shing wu tãa tĩnang ɓɛɛ kati diki diki. Nwannang manɛ naa shing nɔɔ, nɔ́ɔ palɛ vuu ɓɔɔ tɔ̃ɔ ɓɛɛ ka zɔ̃ng zɔ̃ng. Zinang ɓɔɔ nɔɔ zi vuu ka yuu Laa, naa daa kaa nɛɛ tĩng diki diki.

Kolosi 1:6

Ruu Tɔ̃ɔ atɛ zang tĩnang tãanang kana, a tĩnang keɓe, bàa koo tɔ nandon. Naa ɓɔɔ bàa teteng manɛ doo nɛɛ diki ɓɔɔ nɔɔ gaayu tɔ̃ɔ ɓɔɔ Laa palɛ tãanang, a nɔɔ naa zi naa ɓɔɔ nwàng ɓɛɛ nɛɛ mani ɓɛɛ.

1 Tesalonika 2:18

Ruu kasɛ yuu gbãanang ka bii manɛ. N nɛɛ yuu mɛɛ, n kãa gbalang tɔ ɓa doo gbete katɔ, a Sheetang zãa ruu gbalang daanang katɔ.

1 Tesalonika 4:13

Rɛɛ manzung ɓuru, ruu kasɛ nɛɛ nɔɔ zi vuu ɓɔɔ niizang ka yuu zang ɓɔɔ ri vɔlɔ tɔ ɓɛɛ. Tɔ̀ɔ, nɔɔ lasɛ yeti kaa tɔ̀ɔ́ sasak naa zang ɓɔɔ ri shing gn ka bii Laa kpang ɓɛɛ, ri lasɛ yeti ɓɛɛ kpang.

2 Tesalonika 2:7

Kãntang keɓe, vuu ɓɔɔ shing zang, zang palɛ vuu shi kpang palɛ shoonang kana nɛɛ nwĩiri ka yeti shɔnzang dɔɔli. Zang ɓɔɔ maka wu, ti maka wu katɔ sasak. Zang nɛɛ naa kɔsɔ vuu bìí tɔ, tɔɔ wu naa nwangsɛ bii kati.

2 Timoti 4:17

A Yeesɔ Kirisi yáa m kaa takpang, a m kaka, a n zunung ɓɔɔ n kɔɔrɔ zang Ruu Laa nandon. Tɔ̀ɔ, zang ɓɔɔ ri zang Yahudi kpang, ri tãa kati. A Laa tá m nɛɛ naa zang ɓɔɔ nɛɛ ri nyɔ m vɔrɔ ɓɛɛ.