Rooma 1:11 - Nyaa Shɔɔ Ɓɔɔ Laa a Ɓɛɛ

¹¹ N kasɛ nɔɔ zinang katɔ gbãng gbãng, tɔ̀ɔ, n a nɔɔ vuu ɓɔɔ Suru Laa alɛ zang ɓɛɛ. Tɔ̀ɔ, wu mã nɔɔ danggn kati.

Rooma 1:11 Σταυροειδείς Αναφορές

Zang Shonang Yeesɔ 16:5

Ka ruu nɔngkɔ, Laa yi zang ɓɔɔ ri dũng wu naa ka bii, a ri shing danggn ka bii ɓiɓɛ gbãng gbãng, a ri ti shang kaa diki diki.

Zang Shonang Yeesɔ 19:21

Ka knti ɓɔɔ vuu keɓe palɛ tɔ nɔngkɔ, Bulu kɔɔ ka yeti ɓiɓɛ nɛɛ wu sɔɔ nɛɛ tipi Makidoniya nɛɛ tipi Akaya wu daa kaa Urushalima. A ti kɔɔyi nɛɛ, “N nɛɛ daa tɔ Urushalima, n daa katɔ, n daa zi Rooma.”

Zang Shonang Yeesɔ 19:6

Bulu shĩili ri naa ɓiɓɛ ka yuu, a Suru Laa a kaa bii ɓarɛ. A ri gaayu yee rannang kaa nɛɛ nyaa ɓɔɔgn. Ri kɔɔrɔ zang Ruu Laa.

Rooma 1:12

N tɔɔ, n kɔɔyi nɛɛ, ruu mã nɔɔ zɔɔ danggn, nɛɛ danggn ɓɔɔ ruu shing ka bii Laa ɓɛɛ.

Rooma 15:23

Kãntang keɓe n hangsɛ shonang mɛɛ tɔ ka rɛɛ tipi keɓe. Ka ruu ɓɔɔ, bɛ̀ɛ́ n kasɛ n tɔɔ n daa ka bii manɛ ka rɛɛ saa kɔ tɛɛ ɓee.

Rooma 15:29

N zi tɔ nɛɛ n nɛɛ a tɔ ka bii manɛ, n shingnɛ Kirisi wu palɛ nɔɔ tɔ̃ɔ gbãng gbãng.

Rooma 15:32

Tɔ̀ɔ, n tãa tĩnang kaa ɓɔɔ n á ka bii manɛ ɓɛɛ. Laa nɛɛ kasɛ tɔ ɓɛɛ, tɔ̀ɔ, n tãa tĩnang jĩng ɓɔɔ n naa leng ka nɔɔ, n ɔ̃sɔ kati.

Rooma 16:25

Ruu dɔɔ Laa, ɓɔɔ zunung ɓɔɔ wu shingnɛ nɔɔ shing danggn gbãng gbãng, ka doo Ruu Tɔ̃ɔ Yeesɔ Kirisi ɓɔɔ n kɔɔ ɓɛɛ. Bɛ̀ɛ́ zang waasɛ Ruu Tɔ̃ɔ keɓe katɔ, ka sáa dɔɔli ɓɔɔ ɓa ɓɛɛ, a zang nwangsɛ tɔ kati.

2 Koranti 1:15

N zi tɔ nɔngkɔ kɔ, n mang ka yeti mɛɛ nɛɛ n gaayu n leng nɔɔ, tɔ̀ɔ, nɔ́ɔ tãa tĩnang kaa dakn ziti.

2 Koranti 1:21

Ɓi Laa nɛɛ yuu ɓiɓɛ shing ruu, ruu zi gbãng gbãng nɛɛ ruu wàlɛ̀ suru bii ɓɔɔ waa nyaa kpang tɔ nɛɛ nɔɔ, nɛɛ bii Yeesɔ Kirisi ɓɛɛ. Wukɔ nɛɛ yuu ɓiɓɛ shɛ̃ɛrɛ ruu, a kusu ruu dang gbete.

2 Koranti 11:4

N kàá nɔɔ vɔrɔ, ka ruu ɓɔɔ, n zirɛ zang ɓɔɔ nɛɛ a tɔ ka bii manɛ, nɔɔ tantɛ wu tanang ɓɛɛ. Nɔɔ tantɛ danggn shinnang ka vuu ɓɔɔ ri kɔ̀ɔ́ nɔɔ ka yuu Yeesɔ ɓɔɔ ɓɛɛ, naa dòo náabm̀ nɛɛ Yeesɔ ɓɔɔ ruu kɔɔ nɔɔ ɓɛɛ. Nɔɔ ti tá suru ɓɔɔgn naa doo Suru Laa ɓɔɔ nɔɔ ta nɛɛ bii ɓuru kpang ɓɛɛ. A nɔɔ ti ta Ruu Tɔ̃ɔ ɓɔɔgn ka yuu Laa, naa doo náabm̀ nɛɛ ɓɔɔ ruu kɔɔ nɔɔ ɓɛɛ.

2 Koranti 9:14

Ka ɓɔɔ ri gaa Laa ka ruu manɛ, ri kasɛ katɔ gbãng gbãng ri zi nɔɔ, ka ruu tɔ̃ɔ ɓɔɔ bang dɔɔli ɓɔɔ Laa palɛ nɔɔ ɓɛɛ.

Filipi 1:8

Laa zi tɔ niizang nɛɛ n kasɛ nɔɔ katɔ dɔɔli, naa ɓɔɔ Yeesɔ Kirisi kasɛ ruu ɓɛɛ.

Filipi 2:26

Kasɛ ka yeti ɓiɓɛ gbãng gbãng nɛɛ wu zi nɔɔ nandon tɔkn. Vuu bìí kpãa wu dɔɔli, ka ruu ɓɔɔ, nɔɔ tãayi nɛɛ vuu pálɛ́ wu katɔ ɓɛɛ.

Filipi 4:1

Rɛɛ manzung ɓɔɔ n kasɛ nɔɔ katɔ gbãng gbãng, n shing jĩng n kasɛ nɔɔ zinang. Nɔkɔ shing m n tãa tĩnang, n ti dɔɔ bii nɛɛ nɔkɔ. Rɛɛ masang ɓɔɔ n kasɛ nɔɔ dɔɔli ɓɛɛ, nɔɔ shii nɔngkɔ gbãng gbãng ka bii Laa.

1 Tesalonika 3:13

Laa wu shingnɛ nɔɔ shii gbãng gbãng, tɔ̀ɔ, zang ɓɔɔ wu tɔɔ kaa takpang nɛɛ nɔɔ palɛ vuu shi kpang tɔ kpang, ka tĩng Laa ɓɔɔ wukɔ Daa ɓuru ɓɛɛ, ka diki ɓɔɔ Kpanti ɓuru Yeesɔ naa a nɛɛ zang ɓiɓɛ ɓɛɛ.

1 Tesalonika 3:2

A ruu shong manzung ɓuru Timoti, ɓɔɔ palɛ Laa shonang nɛɛ ruu ka gbalang Ruu Tɔ̃ɔ ɓɔɔ ka yeti Kirisi ɓɔɔ ruu kɔɔrɔ zang ɓɛɛ. Ruu tɔɔ wu naa shing nɔɔ, nɔɔ shii gbãng gbãng, wu ti mã nɔɔ danggn, nɔɔ yaa danggn ɓɔɔ nɔɔ shing ka bii Yeesɔ ɓɛɛ kpang.

2 Tesalonika 2:17

Wu mã nɔɔ danggn gbãng gbãng, tɔ̀ɔ, diki diki nɔɔ palɛ vuu ɓɔɔ tɔ̃ɔ, nɔɔ ti kɔɔrɔ ruu ɓɔɔ tɔ̃ɔ ɓɛɛ.

2 Tesalonika 3:3

A Laa ɓi zang ɓɔɔ mɔɔ shing gn katɔ ka bii ɓiɓɛ ɓɛɛ, mã mɔɔ danggn katɔ, wu shingnɛ vuu ɓɔɔ wu lee mɔɔ naa ka bii kpang.

Yahudi 13:9

Nɔɔ yáa vuu ɓɔɔ zang tusu, ɓɔɔ ka zɔ̃ng zɔ̃ng, nɛɛ ɓɔɔ nɔɔ tãa gngn kpang, wu shing nɔɔ, nɔɔ ning gbalang kpang. Ɓi tɔ̃ɔ ɓɔɔ Laa palɛ ruu kɔ, mã ruu danggn, wu vuu shaanang ɓɔɔ ruu shaa ka zɔ̃ng zɔ̃ng ɓɛɛ kpang. Vuu shaanang keɓe, ti nwàng zang ɓɔɔ ri shaayi vuu tɔ̃ɔ kpang.

1 Bituru 5:10

Nɔɔ nɛɛ dang jĩng tɔ nɔngkɔ tɔkɔlɔng, Laa ɓɔɔ tɔ̃ɔ piti a nɛɛ bii ɓiɓɛ kɔ, ɓɔɔ wukɔ ɓaa nɔɔ nyaa nɛɛ nɔ́ɔ naa nwang nɛɛ Yeesɔ, ka nɔng bannang ɓiɓɛ dòndòng ɓɛɛ. Laa kɔ nɛɛ yuu ɓiɓɛ naa gbarɛ nɔɔ tɔkn, wu ti naa shingnɛ nɔɔ shii nɛɛ kaka ka yeti vuu piti.

1 Bituru 5:12

Ɓi Siila yì m naa kagn, a bèe nɔɔ labeenang tɔkɔlɔng kɔ n a nɔɔ ɓee. N zi tɔ Siila ɓi dòo zang ɓɔɔ dũng Laa kɔ nɛɛ ruu. Siila daa naa ɓɔɔ zang shing gn ka bii ɓiɓɛ tɔ. N bèé nɔɔ ruu keɓe n tɔɔ, n mã nɔɔ danggn. N ti kɔɔ nɔɔ faarik nɛɛ niizang, wee ɓi naa ɓɔɔ Laa pàlɛ̀ ruu tɔ̃ɔ ɓɛɛ kɔ. Ka ruu nɔngkɔ, nɔɔ shíi nɛɛ kaka ka rɛɛ vuu keɓe.

2 Bituru 1:12

Ka ruu nɔngkɔ, n kpàarɛ́ nɔɔ danggn rɛɛ vuu keɓe dòo nɛɛ mani ka wee nɔɔ zi ri tɔ, a nɔɔ ti shii tɔ gbãng gbãng ka yuu ruu niizang kɔ nɔɔ ta ɓee.