Rooma 1:1 - Nyaa Shɔɔ Ɓɔɔ Laa a Ɓɛɛ

¹ Labeenang keɓe, a nɛɛ bii mɛɛ nkɔ Bulu ɓɔɔ n jaafoo Yeesɔ Kirisi ɓɛɛ. A n ti zang shonang ɓɔɔ Yeesɔ zɔ̃ng m, a shing m nɛɛ, n kɔ̀ɔrɔ̀ zang Ruu Tɔ̃ɔ Laa ɓɛɛ.

Rooma 1:1 Σταυροειδείς Αναφορές

Maraku 1:14

Ka knti ɓɔɔ zang mã Yɔhana tɔ ka sãa, Yeesɔ naa a ka tipi Galili kɔɔrɔ zang Ruu Tɔ̃ɔ Kpanti Laa tɔɔ,

Yɔhana 12:26

Zang ɓɔɔ nɛɛ shòng m shonang, wu dũng, m ka knti. Nɔng ɓɔɔ n kagn zang shonang mɛɛ nwáng doo ka nɔngkɔ. Daa mɛɛ ti naa a zang ɓɔɔ palɛ m shonang bannang katɔ.”

Yɔhana 15:15

N ɓàa nɔɔ tɔ̀ɔ́ nɛɛ nɔɔ zang ɓɔɔ ri pàlɛ́ m shonang kpang, ka ruu ɓɔɔ, zang ɓɔɔ pàlɛ́ zang shonang zi vuu ɓɔɔ dabang gãa ɓiɓɛ palɛ kpang ɓɛɛ. N ɓáa nɔɔ nɛɛ, rɛɛ masang, ka ruu ɓɔɔ, n kɔ̀ɔ nɔɔ vuu ɓɔɔ n tãa ka nyaa Daa mɛɛ tɔ nandon ɓɛɛ.

Yɔhana 15:20

Danggn wu ning nɔɔ vuu ɓɔɔ n kɔɔ nɔɔ ɓee kpang. N kɔɔ nɔɔ nɛɛ, ‘Zang shonang ɓɔɔ ɓa dabang gãa ɓiɓɛ katɔ ɓi kagn kpang.’ Zang ɓɔɔ ri dang m jĩng, ri naa dang nɔɔ jĩng doo katɔ kɔ. Ri nɛɛ ɓaa shoo ka vuu ɓɔɔ n tùsù ri, ri naa ɓaa shoo katɔ ka ɓɔɔ manɛ kɔ doori.

Zang Shonang Yeesɔ 13:9

A Shaawulu ɓɔɔ zang ɓaa wu nɛɛ Bulu ɓɛɛ, Suru Laa a ka bii ɓiɓɛ. Shu yɔɔ ɓɔɔ hɛ̃ɛpaa keɓe jĩng ka bii,

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

Zang Shonang Yeesɔ 21:40

Zang bang sɔɔja yàa wu gbalang, a shii ka yupaa nɔng ɓɔɔ zang vang nɛɛ mani ɓɛɛ. A wii zang ɓɔɔ ri kpalɛ naa. Ri vɔ̃ nyaa tɔ, a Bulu rang ri yee nɛɛ nyaa zang Yahudi tɔɔ:

Zang Shonang Yeesɔ 22:21

A Kpanti kɔɔ m tɔɔ, ‘Dita, N shong mɔɔ ka nɔng beebang, ka bii zang ɓɔɔ ri zang Isirela kpang ɓɛɛ.’ ”

Zang Shonang Yeesɔ 22:7

N watɛ ka tipi, a n tãa yee ɓaa m nyaa nɛɛ lapa nɛɛ, ‘Shaawulu, Shaawulu, mɔɔ dang m jĩng vi nɔngkɔ viya?’

Zang Shonang Yeesɔ 26:1

A Agiripa kɔɔ Bulu kati tɔɔ, “Zang yaa mɔɔ gbalang tɔ, rang yee ɓaaɓɛ ta.” Bulu wii naa ɓiɓɛ ka lapa, a gaayu ruu ɓiɓɛ kɔɔnang tɔɔ,

Zang Shonang Yeesɔ 26:14

“Ruu watɛ ka tipi nandon, a n tãa yee kɔɔ m nɛɛ nyaa Yahudi tɔɔ, ‘Shaawulu, Shaawulu, mɔɔ dang m jĩng ka ruu viya? Wee mɔɔ ta doo nɛɛ knti ɓee, kɔng ɓi doo mɔkɔ, naa ɓɔɔ napo nɛɛ ta laa ɓɔɔ zang ɓiɓɛ kpaa wu nɛɛ mani tɔ, kɔng wu ɓɛɛ.’

Zang Shonang Yeesɔ 27:23

Ka ruu ɓɔɔ, ka ɓɔɔrɔ nɛɛ zĩi, zang nyaa shonang Laa ɓɔɔ ka lapa nɛɛ a ka bii mɛɛ. Laa ɓɔɔ n zang ɓiɓɛ, a n ti bang wu ɓɛɛ.

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

Rooma 1:16

Yusɛ̃ɛ Ruu Tɔ̃ɔ Laa kɔɔnang tuu m kpang. Ruu Tɔ̃ɔ Laa kɔ naa vuu palɛnang Laa ɓɔɔ wu ta yuu zang piti, ɓɔɔ ri shing danggn tɔ nɛɛ mani ɓɛɛ. Zang Yahudi kɔ shɔɔnang, wu tɛɛ zang ɓɔɔ zang Yahudi kpang ɓɛɛ.

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

Rooma 1:9

Laa ɓɔɔ n pàlɛ́ wu shonang, nɛɛ suru mɛɛ ka ɓɔɔ n kɔɔrɔ zang Ruu Tɔ̃ɔ Jaa ɓiɓɛ, zi tɔ nɛɛ n gaa wu ka ruu manɛ, n yaa diki kpang.

Rooma 11:13

N rang yee kaa nɛɛ nɔkɔ ɓɔɔ nɔɔ zang Yahudi kpang ɓɛɛ. Laa shong m nɛɛ n pálɛ́ shonang ka teteng manɛ ɓɛɛ, ka ruu nɔngkɔ, n dɔ̀ɔ́ bii ka ruu shonang ɓɔɔ wu a m nɛɛ n palɛ ɓɛɛ.

Rooma 15:16

N nwàng zang shonang Yeesɔ Kirisi, nɛɛ n palɛ zang ɓɔɔ ri zang Yahudi kpang shonang. N kɔɔ ri Ruu Tɔ̃ɔ Laa, tɔ̀ɔ, zang ɓɔɔ ri zi Laa kpang, ri nwang kaa naa vuu ɓɔɔ zang a Laa, ɓɔɔ shing Laa wu tãa tĩnang ɓɛɛ. Ɓɔɔ Suru Laa risi nwang tɔ̃ɔ ɓɛɛ.

Rooma 15:29

N zi tɔ nɛɛ n nɛɛ a tɔ ka bii manɛ, n shingnɛ Kirisi wu palɛ nɔɔ tɔ̃ɔ gbãng gbãng.

Rooma 16:18

Ka ruu ɓɔɔ, zang ɓɔɔ ri palɛ naa weɓe ri pàlɛ́ ɓarɛ Kpanti ɓuru Kirisi shonang kpang, ri kãa ɓarɛ ɓɔɔ buru ɓarɛ. Ri nwãarɛ zang ɓɔɔ ri zi vuu kpang nɛɛ nyaa ɓɛlɛɓɛlɛ, nɛɛ nyaa tĩnang ɓarɛ.

Rooma 16:25

Ruu dɔɔ Laa, ɓɔɔ zunung ɓɔɔ wu shingnɛ nɔɔ shing danggn gbãng gbãng, ka doo Ruu Tɔ̃ɔ Yeesɔ Kirisi ɓɔɔ n kɔɔ ɓɛɛ. Bɛ̀ɛ́ zang waasɛ Ruu Tɔ̃ɔ keɓe katɔ, ka sáa dɔɔli ɓɔɔ ɓa ɓɛɛ, a zang nwangsɛ tɔ kati.

1 Koranti 1:1

Labeenang keɓe a nɛɛ bii mɛɛ nkɔ Bulu, ɓɔɔ Laa kasɛ m katɔ, a zɔ̃ng m nɛɛ, n nwang zang nyaa shonang Yeesɔ Kirisi ɓɛɛ. Ruu nɛɛ manzung ɓuru Sɔtanɛ.

1 Koranti 9:1

N zi m tɔ nɛɛ vuu ɓɔɔ zang zãa m katɔ kagn kpang. N m zang shonang Yeesɔ Kirisi. N ti zi Yeesɔ Kirisi ɓɔɔ wukɔ Kpanti ɓuru tɔ nɛɛ jĩng mɛɛ. Nɔɔ manɛ zang ɓɔɔ n atɛ ri nɛɛ ri naa dũng Kpanti Yeesɔ Kirisi ɓɛɛ, ka ruu shonang ɓɔɔ n pàlɛ̀ wu ɓɛɛ.

2 Koranti 1:1

Labeenang keɓe a nɛɛ bii mɛɛ nkɔ Bulu, ɓɔɔ Laa kasɛ m katɔ, a n nwang zang shonang Yeesɔ Kirisi ɓɛɛ. A ɓɔɔ manzung ɓuru Timoti, ɓɔɔ dũng doo Laa kɔ ɓɛɛ. Ruu bèé zang ɓɔɔ ri dũng Laa ɓɔɔ ri ka Koranti, nɛɛ zang Laa nandon ɓɔɔ ri ka tipi Akaya nandon ɓɛɛ.

2 Koranti 11:5

N zi tɔ, n m dòo naa zang kɔ nɔɔ rɛ̃rɛ manɛ nɛɛ rikɔ zang shonang Yeesɔ ɓɔɔ bang bang, nɛɛ ri ɓa m katɔ ɓa kɔ.

2 Koranti 11:7

Wee n tɔɔ kpang nɛɛ, nɔ́ɔ shu m vuu ɓɔɔ kpang, ka ɓɔɔ n rang nɔɔ Ruu Tɔ̃ɔ Laa ɓee. Wee n tuu yuu kpang, tɔ̀ɔ, n risi nɔɔ, nɔɔ nwang zang bang kati ɓee. N palɛ vuu shi kpang ya?

2 Koranti 12:11

N palɛ vuu tɔ naa shoko. Nɔkɔ shing m n palɛ nɔngkɔ. Nɔkɔ nɛ̀ɛ́ kɔɔ ruu tɔ̃ɔ ka yuu mɛɛ. Naa n doo vuu ɓɔɔ kpang piti, zang shonang Yeesɔ manɛ ɓɔɔ bang bang kaɓa, ri ɓa m kpang.

2 Koranti 2:12

Ɓɔɔ n a ka Torowasa, n tɔɔ, n naa kɔɔrɔ zang Ruu Tɔ̃ɔ ka yuu Yeesɔ Kirisi. N zirɛ, Kpanti Laa puu m gbalang shonang tɔ ka nɔng.

2 Koranti 4:5

Ka ruu ɓɔɔ, ruu kɔɔ nɔɔ ruu ka yuu ɓuru kpang ɓɛɛ. Ruu kɔɔ nɔɔ ka yuu Yeesɔ Kirisi, nɛɛ wukɔ Kpanti, a ruu ɓuru kaa zang shonang manɛ ka ruu Yeesɔ.

Galati 1:1

Labeenang keɓe nɛɛ bii mɛɛ nkɔ Bulu ɓɔɔ zang ɓàa m nyaa nɛɛ n nwang zang shonang Yeesɔ ɓɛɛ. Nyaa keɓe wu shɔnzang ɓaayi kpang, wu ti shɔnzang shingnɛ kpang, ɓi Yeesɔ Kirisi shingnɛ nɛɛ Laa ɓɔɔ wukɔ Daa ɓɔɔ wisi wu paa nɛɛ sàa ɓɛɛ.

Afisa 1:1

Labeenang keɓe, nɛɛ bii mɛɛ nkɔ Bulu ɓɔɔ Laa kɔ kasɛ, a n nwàng zang shonang Yeesɔ Kirisi ɓɛɛ. N bèé zang ɓɔɔ ri ka gari Afisa ɓɔɔ ri dũng Yeesɔ Kirisi nɛɛ yeti gbete ɓɛɛ.

Afisa 1:13

Nɔɔ doo nɔngkɔ. Ka ɓɔɔ nɔɔ tãa ruu ɓɔɔ niizang, Ruu Tɔ̃ɔ ɓɔɔ ta yuu manɛ, ka ɓɔɔ nɔɔ shing danggn ka bii Yeesɔ Kirisi, a Laa a nɔɔ Suru ɓiɓɛ ɓɔɔ wu a nyaa ɓɛɛ, tɔ̀ɔ, zang zi kati nɛɛ nɔɔ manɛ kaa zang Laa.

Afisa 4:11

Wukɔ alɛ shɔnzang vuu Suru. Zɔ̃̀ng zang ɓɔɔ nɛɛ ri nwang zang shonang ɓiɓɛ. Zang ɓɔɔ nɛɛ ri nwang zang nyaa shonang Laa. Zang ɓɔɔ nɛɛ ri nwang ɓarɛ zang ɓɔɔ ri rakɛ, ri kɔɔrɔ zang Ruu Laa ɓɛɛ. A shing zang ɓɔɔ nɛɛ ri ɓarɛ kaa zang ɓɔɔ ri gãng jĩng ka zang Laa ɓɛɛ. A zang ɓɔɔ nɛɛ ri ɓarɛ zang ɓɔɔ ri tusu zang vuu ɓɛɛ.

Filipi 1:1

Labeenang keɓe nɛɛ bii mɛɛ Bulu nɛɛ Timoti, ɓɔɔ ruu jaafoo Yeesɔ Kirisi ɓɛɛ. Ruu bèé nɔɔ, zang Laa nandon, ɓɔɔ nɔɔ shing danggn tɔ ka bii Yeesɔ Kirisi, ɓɔɔ nɔɔ ka gari Filipi ɓɛɛ. A ɓɔɔ nɔkɔ zang bang bang nɛɛ zang ɓɔɔ ri palɛ shonang ka ruu zang Laa ɓɛɛ.

Filipi 2:11

Zang ɓu ti kɔɔyi nɛɛ nyaa ɓiɓɛ, ka shoo zang piti, nɛɛ Yeesɔ Kirisi kɔ Kpanti ɓiɓɛ. Wu ti naa a Laa ɓɔɔ wukɔ Daa ɓuru bannang.

Kolosi 1:1

Labeenang keɓe nɛɛ bii mɛɛ nkɔ Bulu ɓɔɔ Laa kɔ kasɛ, a n nwàng zang shonang Yeesɔ Kirisi ɓɛɛ, a ɓɔɔ kaa manzung ɓuru Timoti.

Kolosi 1:25

A Laa shing m n nwàng zang shonang zang ɓɔɔ ri dũng wu ɓɛɛ. A m shonang keɓe n pálɛ́, tɔ̀ɔ, wu nwàng nɔɔ tɔ̃ɔ kati. Shonang keɓe ɓi ɓɔɔ n kɔɔrɔ zang ruu ɓiɓɛ nyaa kiiri ɓɛɛ.

1 Tesalonika 2:2

Nɔɔ zi naa ɓɔɔ zang dang ruu jĩng, a zang dãlɛ ruu ka Filipi tɔ, a ruu naa a ka bii manɛ ka Tesalonika. Zang dɔɔli nɛɛ ri zãa ruu Ruu Tɔ̃ɔ kɔɔnang ka gari manɛ, a Laa mã ruu danggn doo nɛɛ mani, a ruu kɔɔ nɔɔ Ruu Tɔ̃ɔ ɓɔɔ a nɛɛ bii ɓiɓɛ ɓɛɛ.

1 Tesalonika 2:8

Ka ruu ɓɔɔ, ruu kasɛ nɔɔ katɔ ɓɛɛ, ruu kpalɛ bii tɔ ruu kɔɔ nɔɔ wu Ruu Tɔ̃ɔ Laa kɔ shɛ̃ɛning kpang, ruu ti vɔ ka ruu manɛ ka ruu ɓɔɔ ruu kasɛ nɔɔ katɔ gbãng gbãng.

1 Tesalonika 2:9

Rɛɛ manzung, n tɔɔ n kpàá nɔɔ danggn. Nɔɔ zi naa ɓɔɔ ruu palɛ shonang dɔɔli tɔ. Ruu pálɛ́ shonang nɛɛ zĩi nɛɛ laagɛ̃, ruu walɛ vuu shaanang ɓuru, tɔ̀ɔ ruu kpãa nɔɔ kaa takpang, ka ɓɔɔ ruu kɔɔ nɔɔ Ruu Tɔ̃ɔ ɓɔɔ ka yuu Laa ɓɛɛ.

1 Timoti 1:1

Labeenang keɓe a nɛɛ bii mɛɛ Bulu, zang shonang Yeesɔ Kirisi. Laa ɓɔɔ wukɔ ta yuu ɓuru, nɛɛ Yeesɔ Kirisi ɓɔɔ ruu shing gn ka bii ɓiɓɛ, rikɔ zɔ̃ng m.

1 Timoti 2:7

Ka ruu nɔngkɔ, Laa shing m, zang ɓɔɔ palɛ shonang ɓɛɛ. Nɛɛ n kɔ̀ɔ zang ɓɔɔ ri zang Isirela kpang Ruu Tɔ̃ɔ Laa, n ti tùsù ri danggn shinang ɓɔɔ niizang ɓɛɛ. N kɔɔ ruu ɓɔɔ niizang kɔ nwani. N suu wu sèé kpang.

2 Timoti 1:11

Laa zɔ̃ng m nɛɛ n nwang zang shonang Yeesɔ, n tusu zang vuu, a n ti kɔ̀ɔ zang Ruu Tɔ̃ɔ Laa.

Titu 1:1

Labeenang keɓe nɛɛ bii mɛɛ nkɔ Bulu, zang ɓɔɔ pàlɛ́ Laa shonang, n ti zang shonang Yeesɔ Kirisi ɓɛɛ. Laa zɔ̃ng m nɛɛ n nwang zang shonang ɓiɓɛ, a shong m nɛɛ n yi zang ɓɔɔ Laa zɔ̃ng ri katɔ naa ka bii, ri shing danggn gbãng gbãng. N ti shing ri, ri zi vuu ɓɔɔ niizang ɓɔɔ shingnɛ ri nwang nwannang ɓɔɔ Laa kasɛ ɓɛɛ.

Yahudi 5:4

Shɔnzang a yuu ɓiɓɛ, bannang nwannang kpanti zang ɓɔɔ ri dɔɔ Laa vuu ka Gãa Laa kpang. Laa ɓáa wu nyaa katɔ, naa ɓɔɔ wu ɓaa Haruna nyaa ɓɛɛ.

Yahudi 7:26

Zɔ̃ng kpanti zang ɓɔɔ ri dɔɔ vuu ka Gãa Laa keɓe, ɓɔɔ ruu kasɛ ɓɛɛ kɔ. Zang ɓɔɔ shi kpang ka bii ɓiɓɛ kpang, ɓɔɔ zang dãa wu kpang, ɓɔɔ ɓi kankalang ɓɛɛ, a zang zɔ̃ng wu katɔ nɛɛ teteng zang ɓɔɔ ri palɛ vuu shi kpang, zang shing wu dang gbete, ɓɔɔ zang a wu nɔng nwannang ka lapa kpala kpala.

Yakubu 1:1

Nkɔ Yakub zang shonang Laa nɛɛ ɓɔɔ Kpanti Yeesɔ Kirisi, n bèé nɔɔ labeenang keɓe, nɔɔ nyaa zang Isirela, laa gãa kopi tu ziti, ɓɔɔ zang tantɛ nɔɔ ka koo nandon ɓɛɛ. N jee nɔɔ nyaa.

1 Bituru 4:17

Diki a tɔ, ɓɔɔ Laa dɔng zang ruu ɓɛɛ, gaayu dɔng zang ɓiɓɛ kɔ ruu shɔɔnang. Laa nɛɛ gaayu nɛɛ dɔng rukɔ ruu shɔɔnang, a naa hangsɛ nyaa ɓi kaa biya nɛɛ zang ɓɔɔ ri dũng Ruu Tɔ̃ɔ Laa kpang viya?

2 Bituru 1:1

Labeenang keɓe, nɛɛ naa mɛɛ, nkɔ Siman Bituru, nkɔ jaafoo Yeesɔ Kirisi, nkɔ ti zang shonang ɓiɓɛ. N bèé nɔɔ labeenang keɓe, nɔɔ nandon ɓɔɔ nɔɔ shing danggn tɔ ka bii Yeesɔ Kirisi naa ɓɔɔ ruu shing jong ɓɛɛ. Ka ruu tɔ̃ɔ Yeesɔ Kirisi ɓɔɔ wukɔ ta yuu ɓuru nɛɛ nɔɔ, nɛɛ tɔ̃ɔ Laa, ruu walɛ gbalang, a ruu shing danggn keɓe.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.

Vuu ɓɔɔ zang nwangsɛ Yɔhana 1:1

Wee vuu ɓɔɔ Yeesɔ Kirisi nwangsɛ zang, ɓɔɔ Laa á wu nɛɛ wu tusu zang ɓɔɔ ri pàlɛ́ Laa shonang nɛɛ tɔ̀ɔ, ri zi vuu ɓɔɔ naa palɛ diki bee takpang ɓɛɛ. A Yeesɔ shong zang nyaa shonang Laa ɓɔɔ ka lapa ɓɛɛ, ka bii zang shonang ɓiɓɛ Yɔhana nɛɛ tɔ̀ɔ wu tusu wu rɛɛ vuu keɓe.

Vuu ɓɔɔ zang nwangsɛ Yɔhana 22:6

A zang nyaa shonang Laa ɓɔɔ ka lapa ɓɛɛ kaɓa, kɔɔ m nɛɛ, “Rɛɛ vuu keɓe, ri daa ɓɔɔ zang shing gn kagn ɓɛɛ katɔ, a ti ruu ɓɔɔ niizang kɔ nwani. Kpanti Laa ɓɔɔ a rɛɛ zang nyaa shonang ɓiɓɛ naa, ri kɔɔ zang ruu ɓiɓɛ ɓɛɛ, shong zang nyaa shonang ɓiɓɛ ɓɔɔ ka lapa ɓɛɛ, nɛɛ wu naa tusu rɛɛ zang ɓɔɔ palɛ wu shonang ɓɛɛ, vuu ɓɔɔ bɛ̀ɛ́ zang palɛ kaa tɔ ɓɛɛ.”

Vuu ɓɔɔ zang nwangsɛ Yɔhana 22:9

a kɔɔ m nɛɛ, “Mɔɔ palɛ vuu keɓe kpang tingkiring. Ruu ɓuru zang shonang Laa nɛɛ mɔɔ, naa rɛɛ ɓaazung ɓɔɔ ri zang nyaa shonang Laa ɓɛɛ, a ɓɔɔ zang kaɓa piti, ɓɔɔ ri dũng ruu ɓɔɔ zang bee ka labeenang keɓe ɓɛɛ. Bang ɓaa Laa.”