Vuu ɓɔɔ zang nwangsɛ Yɔhana 9:21 - Nyaa Shɔɔ Ɓɔɔ Laa a Ɓɛɛ

²¹ Zang kaɓa ri kɔ̃sɔ yeti, ri yaa zang nyɔkɔnang vɔrɔ, nɛɛ nvaa shaanang nɛɛ dũndũng palɛnang a ɓɔɔ shɔngɓɔ ɓɔɔnang ɓarɛ kpang.

Vuu ɓɔɔ zang nwangsɛ Yɔhana 9:21 Σταυροειδείς Αναφορές

Matiyu 15:19

Ka ruu ɓɔɔ vuu shi kpang ɓɔɔ ka yeti shɔnzang kɔ shing zang, zang rɛ̃rɛ vuu shi kpang. Zang nyɔ zang vɔrɔ, roonang nɛɛ soro zang ɓɔɔgn, roonang nɛɛ jaa soro ɓɔɔ zang gee ka takpang ɓɛɛ. Zang ti ɓɔɔ shɔngɓɔ, zang zɛ̃ɛ zang nyaa, zang ti rang yee shi kpang ka yuu zang.

2 Koranti 12:21

N kaa vɔrɔ naa n paasɛ anang tɔkn ka bii manɛ, Laa naa shingnɛ, yusɛ̃ɛ wu tuu m ka ruu manɛ. N naa káa ka ruu zang dɔɔli ɓɔɔ ri palɛ vuu shi kpang tɔ, a ri kɔ̃sɔ yeti kpang ɓɛɛ. Ri kɔ̃sɔ yeti vuu sãnsãnrãng, nɛɛ dũndũng, nɛɛ vuu yusɛ̃ɛ ɓɔɔ ri palɛ ɓɛɛ kpang.

Galati 5:20

Vaka bannang nɛɛ nvaa shaanang. Zang ri shing jĩng nɛɛ zɔɔ kpang, ri gaa nyaa, ri kaa sũnyaa, gnvɔ shàá ri, ri kasɛ vuu yuu ɓarɛ. Ri basɛ zɔɔ ka vaa vaa.

Vuu ɓɔɔ zang nwangsɛ Yɔhana 13:13

Yɔpɔ jĩngti ɓɔɔ doo knti, palɛ vuu ɓɔɔ zang zirɛ zang mã naa ka danggn ɓɛɛ dɔɔli. Shingnɛ waa nwangnɛ lapa a ka tipi, ka jĩng zang piti.

Vuu ɓɔɔ zang nwangsɛ Yɔhana 13:15

A zang a yɔpɔ jĩngti ɓɔɔ doo knti kaɓa naa, wu shingnɛ vuu ɓɔɔ zang palɛ nwang yɔpɔ jĩngti ɓɔɔ tĩng shɔɔnang, wu ɔ̃kɔ, tɔ̀ɔ, wu rang yee kati. Zang ti yaa wu nɛɛ, zang ɓɔɔ ri nɛɛ kasɛ kpang nɛɛ ri bang vuu keɓe kpang, wu nyɔkɔ ri vɔrɔ.

Vuu ɓɔɔ zang nwangsɛ Yɔhana 13:7

A zang ti yaa wu nɛɛ wu ta sĩiri nɛɛ rɛɛ zang Laa wu ti shaa ri. A zang a wu naa wu roo kpanti ka yuu zɔ̃ng zang ka nɔng piti ka koo, nɛɛ zang ɓɔɔ ri rangkɛ nyaa ka bm bm ɓɛɛ.

Vuu ɓɔɔ zang nwangsɛ Yɔhana 14:8

A zang nyaa shonang Laa ɓɔɔ ka lapa ɓɛɛ, ɓɔɔgn ti a tɔkn ka knti ɓɔɔ tĩng shɔɔnang ɓɛɛ, kɔɔyi nɛɛ, “Shaarɛ tɔ, Gari bang kaɓa, ɓɔɔ zang ɓaa nɛɛ Babila, shaarɛ tɔ, gari ɓɔɔ ɓeleng shing zang tipi ɓɔɔgn ri ɓoo sàa ɓiɓɛ, ɓɔɔ wukɔ ɓi kaa nung sũnang nɛɛ dũndũng ɓiɓɛ ɓɛɛ.”

Vuu ɓɔɔ zang nwangsɛ Yɔhana 16:6

Ka ruu ɓɔɔ, zang ri nyɔkɔ zang ɓaaɓɛ nɛɛ rɛɛ zang nyaa shonang ɓaaɓɛ ɓɔɔ ri kɔɔrɔ zang ruu ɓaaɓɛ, a zĩi ɓarɛ tɛ̃ɛ ka tipi ɓɛɛ, a mɔɔ a ri zĩi kãntang keɓe nɛɛ ri ɓooyi. Daa ri tɔ teetee.”

Vuu ɓɔɔ zang nwangsɛ Yɔhana 17:2

Ɓɔɔ rɛɛ kpanti ɓɔɔ ri ka koo ri palɛ dũndũng nɛɛ wu ɓɛɛ, a zang koo nandon ri ɓoo sàá dũndũng ɓiɓɛ tɔ, sàa si ri kana ɓɛɛ.”

Vuu ɓɔɔ zang nwangsɛ Yɔhana 17:4

Jaa soro kaɓa hãlɛ fɔ̃ɔrɔ nwɛ̃ɛri, ɓɔɔ shili dɔɔli ɓɛɛ. Gbarɛ bii ɓiɓɛ nɛɛ zinariya, nɛɛ rɛɛ tari tɔ̃ɔ ɓɔɔ kɔlɔ katɔ ɓɛɛ, ka zɔ̃ng zɔ̃ng. Yiti juwa ɓɔɔ zang palɛ nɛɛ zinariya ɓɛɛ ka naa. Sãnsãnrãng, nɛɛ dũndũng ɓɔɔ wu palɛ, yi nyaa juwa bii katɔ lɛɛri.

Vuu ɓɔɔ zang nwangsɛ Yɔhana 17:5

Ka nyaating jaa soro bìí, zang bèe nung ɓɔɔ kagn, zang waasɛ vuu ɓɔɔ nung bìí kɔɔ ɓɛɛ katɔ. Zang bee nɛɛ, “Gari Babila ɓɔɔ bang dɔɔli ɓɛɛ, mɔɔ nwang nàá rɛɛ zang ɓɔɔ rakɛ wàázaa, nɛɛ ɓɔɔ vuu gn bàanang ɓɔɔ ka koo keɓe nandon ɓɛɛ.”

Vuu ɓɔɔ zang nwangsɛ Yɔhana 18:3

Ka ruu ɓɔɔ, bɛ̀ɛ́ zɔ̃ng zang nandon ri ɓooro sàá dũndũng ɓiɓɛ tɔ ɓɛɛ. Rɛɛ kpanti ɓɔɔ ka koo, ri pálɛ̀ dũndũng nɛɛ wu ɓɛɛ. Zang ɓɔɔ ri hooro vuu, ri daa mãlɛ́ ka koo ɓɔɔgn, ri nwang zang ying tɔ. Ka ruu ɓɔɔ, gari kaɓa kasɛ vuu koo dɔɔli ɓɛɛ.”

Vuu ɓɔɔ zang nwangsɛ Yɔhana 19:2

Ɓi zang ɓɔɔ palɛ vuu ɓɔɔ niizang ɓɛɛ, ti dɔ̀ng zang ruu ɓi gn dang gbete kpang. Dɔ̀ng jaa soro ɓɔɔ rakɛ wàázaa dɔɔli kaɓa, ɓɔɔ lasɛ koo nɛɛ dũndũng ɓiɓɛ ɓɛɛ, ruu tɔ. Ti wàa zang shonang ɓiɓɛ pãng zĩi ɓarɛ tɔ ka yuu ɓiɓɛ.”

Vuu ɓɔɔ zang nwangsɛ Yɔhana 21:8

A ɓɔɔ zang ɓɔɔ ri kaa vɔrɔ, nɛɛ zang ɓɔɔ ri shing danggn ka bii Laa kpang ɓɛɛ, nɛɛ zang ɓɔɔ shi kpang kagn bii ɓarɛ ɓɛɛ, nɛɛ zang ɓɔɔ ri nyɔ zang vɔrɔ ɓɛɛ, nɛɛ zang ɓɔɔ ri palɛ dũndũng, nɛɛ zang ɓɔɔ ri shaa nvaa, nɛɛ zang ɓɔɔ ri bang vaka, nɛɛ zang sèé nandon, zang naa tasɛ ri ɓarɛ ka too waa, ɓɔɔ tari ɓɔɔ ri shaa waa katɔ kagn ɓɛɛ. Wee kɔ vɔrɔ ɓɔɔ zang vɔrɛ daa kaa doo ziti ɓɛɛ kɔ.”

Vuu ɓɔɔ zang nwangsɛ Yɔhana 22:15

Zang ɓɔɔ ri palɛ vuu shi kpang, nɛɛ rɛɛ nvaa, nɛɛ zang ɓɔɔ ri palɛ dũndũng, nɛɛ zang ɓɔɔ ri nyɔkɔ zang vɔrɔ, nɛɛ zang ɓɔɔ ri bang vaka, a zang piti ɓɔɔ ri suru sèé, ɓɔɔ ri ti tãa tĩnnang sèé suunang katɔ ɓɛɛ, ri naa nwang ɓarɛ ka yuu knti gari bìí, ri daa yeti ɓiɓɛ kpang.

Vuu ɓɔɔ zang nwangsɛ Yɔhana 9:20

A zang ɓɔɔ kɔnang kaɓa nyɔkɔ ri vɔrɔ kpang, ri kɔ̃sɔ yeti ɓarɛ kpang. Ri yi tĩng, ri bang ɓarɛ doo rɛɛ suru shi kpang nɛɛ rɛɛ vaka ɓɔɔ ri palɛ nɛɛ naa ɓarɛ ɓɛɛ. Ri palɛ vaka ɓɔɔ nɛɛ zinariya, ɓɔɔ nɛɛ azurufa, a ɓɔɔ nɛɛ saka nwɛ̃ɛri ɓɛɛ. Ri palɛ ɓɔɔ nɛɛ tari, a zang sèe ɓɔɔ nɛɛ laa. Vuu keɓe ri rang yee kpang, ri ti tãa nɔng kpang, a ri ti ra kpang.