Vuu ɓɔɔ zang nwangsɛ Yɔhana 8:5 - Nyaa Shɔɔ Ɓɔɔ Laa a Ɓɛɛ

⁵ A zang nyaa shonang Laa ɓɔɔ ka lapa ɓɛɛ kaɓa, see waa nɛɛ nɔng ɓɔɔ zang dɔɔ Laa vuu kaɓa, a tɛ̃ɛ ka waka ɓɔɔ zang palɛ nɛɛ zinariya ɓɛɛ kaɓa, a tasɛ ka koo. Ɓɔɔ wu tasɛ, shala mɛɛyi, a shala ti mangnɛ, a tipi ruutu.

Vuu ɓɔɔ zang nwangsɛ Yɔhana 8:5 Σταυροειδείς Αναφορές

Matiyu 24:7

Zang tipi ɓɔɔ naa gaa nyaa ditɔ nɛɛ zang tipi ɓɔɔgn. Kpanti ɓɔɔ ti naa gaa nyaa ditɔ nɛɛ Kpanti ɓɔɔgn. Nyɔkɔ bang, nɛɛ tipi ruutunang, ri ti naa nwang ditɔ ka tipi koo dɔɔli.

Luka 12:49

“N à m waa dɔɔnang kɔ jong, ka koo keɓe. N kasɛ tɔ, waa bii nɛɛ shaa kana.

Zang Shonang Yeesɔ 16:26

A tipi tantɛ ruutunang, a zĩiti gãa daa nɔng ka doo ɓiɓɛ ɓɔɔ zang loo ka tipi ɓɛɛ. Nyaa gãa ri tantɛ pulunang, a soo saka ɓɔɔ zang mãlɛ zang ɓɔɔ zang looro ri ka sãa nɛɛ mani tɛ̃ɛ nandon, yaa ri naa.

Zang Shonang Yeesɔ 4:31

Ri hangsɛ nyaa Laa gaanang tɔ, a nɔng ɓɔɔ ri kpalɛ yuu, ruutu. Suru Laa a ka bii ɓarɛ, a ri gaa tɔɔsung Ruu Laa kɔɔnang, ri kaa vɔrɔ kpang.

Vuu ɓɔɔ zang nwangsɛ Yɔhana 11:13

Nyaa kɔ doo naa ɓee, tipi ruutu nabm, a naa zang basɛ gari bang kaɓa tìng kopi, tìng gbete ka teteng ɓarɛ jirɛ. A tipi ɓɔɔ ruutu ɓee nyɔ shɔnzang labang manziti. A zang ɓɔɔ ri yaa knti, bii kaa ri vɔrɔ dɔɔli, a ri dɔɔ Laa ɓɔɔ ka lapa ɓɛɛ kati.

Vuu ɓɔɔ zang nwangsɛ Yɔhana 11:19

A nyaa Gãa Laa ɓɔɔ ka lapa puuyi, zang zǐ akpaati nyaa ɓɔɔ Laa mã nɛɛ zang ɓiɓɛ kagn ɓɛɛ katɔ, ka yeti Gãa Laa. A shala mangkɛ, zang mɛɛrɛ nyaa nabm, tipi ruutu, shala mɛɛrɛ, a mii takong a dɔɔli.

Vuu ɓɔɔ zang nwangsɛ Yɔhana 4:5

Ka nɔng laa kpanti kaɓa, shala mangkɛ a ti mɛ̀ɛrɛ́. A n ti zi waa zàáng sɔɔ manziti yàkɛ̀ nɔng gbayi gbayi ka tĩng laa nwannang kpanti kaɓa. Rɛɛ waa zàáng sɔɔ manziti kaɓa rikɔ rɛɛ Suru Laa ɓɔɔ manziti ɓɛɛ.

Vuu ɓɔɔ zang nwangsɛ Yɔhana 6:12

A ɓɔɔ Jaa Mɛɛrɛ tãa lang ɓɔɔ daa kaa mangbete, n zirɛ tipi ruutu gbãng gbãng, a làa risi kaa vĩiri kɔngkɔng naa fɔ̃ɔrɔ vĩiri ɓɔɔ zang palɛ nɛɛ suuyuu ɓɛɛ, a shala raa kaa nwɛ̃ɛri naa zĩi.

Vuu ɓɔɔ zang nwangsɛ Yɔhana 8:3

A zang nyaa shonang Laa ɓɔɔ ka lapa ɓɔɔ gbete, arɛ naa shii ka nɔng ɓɔɔ zang dɔ̀ɔ Laa vuu kagn ɓɛɛ. Yiti waka ɓɔɔ zang palɛ nɛɛ zinariya ka naa. A zang ɓɔɔ arɛ naa a wu vuu ɓɔɔ a sɛ̃ɛ tɔ̃ɔ ɓɛɛ dɔɔli. Nɛɛ wu dɔɔyi nɛɛ gàanang rɛɛ zang Laa, ka tĩng laa nwannang kpanti. Ka yuu nɔng ɓɔɔ zang dɔ̀ɔ́ Laa vuu kagn ɓɔɔ zang palɛ nɛɛ zinariya ɓɛɛ.