Vuu ɓɔɔ zang nwangsɛ Yɔhana 8:3 - Nyaa Shɔɔ Ɓɔɔ Laa a Ɓɛɛ

³ A zang nyaa shonang Laa ɓɔɔ ka lapa ɓɔɔ gbete, arɛ naa shii ka nɔng ɓɔɔ zang dɔ̀ɔ Laa vuu kagn ɓɛɛ. Yiti waka ɓɔɔ zang palɛ nɛɛ zinariya ka naa. A zang ɓɔɔ arɛ naa a wu vuu ɓɔɔ a sɛ̃ɛ tɔ̃ɔ ɓɛɛ dɔɔli. Nɛɛ wu dɔɔyi nɛɛ gàanang rɛɛ zang Laa, ka tĩng laa nwannang kpanti. Ka yuu nɔng ɓɔɔ zang dɔ̀ɔ́ Laa vuu kagn ɓɔɔ zang palɛ nɛɛ zinariya ɓɛɛ.

Vuu ɓɔɔ zang nwangsɛ Yɔhana 8:3 Σταυροειδείς Αναφορές

Luka 1:10

Zakariya daa tɔ ka yeti Gãa Laa ka laa ɓɔɔ zang dɔ̀ɔ́ Laa vuu ɓɔɔ á sɛ̃ɛ tɔ̃ɔ tɔ̃ɔ ɓɛɛ. Zang dɔɔli ɓɔɔ ri kpalɛ zɔɔ ka biling ri gaa Laa kana.

Rooma 8:34

Ɓu wi dɔ̌ng ri ruu wiya? Ɓi Yeesɔ Kirisi ɓɔɔ vɔrɛ, Laa wisi wu paa nɛɛ saa. Nwang ka nakn Laa. Wukɔ ti bàkɛ́ Laa ka ruu ɓuru.

Yahudi 7:25

Ka ruu nɔngkɔ, zunung katɔ, wu ta yuu zang ɓɔɔ ri a ka bii Laa nɛɛ bii ɓiɓɛ katɔ, ka laa kiya piti. Ka ruu ɓɔɔ, wu ɓi ningkãari, diki diki bakɛ Laa ka ruu ɓarɛ ɓɛɛ.

Yahudi 9:4

Ka nihn, zang shing vuu ɓɔɔ zang palɛ nɛɛ zinariya, zang dɔ̀ɔ́ Laa vuu ɓɔɔ á sɛ̃ɛ tɔ̃ɔ ka yuu ɓiɓɛ, nɛɛ akpaati ɓɔɔ zang shing nyaa ɓɔɔ Laa mã ɓɛɛ. Zang zuu bii akpaati keɓe dɔ̃ɔ gbete nɛɛ zinariya. Ka yeti ɓiɓɛ, zang shing ɓari ɓɔɔ zang palɛ nɛɛ zinariya, a zang tɛ̃ɛ vuu shaanang ɓɔɔ zang ɓaa nɛɛ Maanaa ka yeti ɓiɓɛ. A zang shing ɓɔɔ laa naa yitinang Haruna ɓɔɔ lusu katɔ ɓɛɛ, a rɛɛ tari pɛkɛtɛ ɓɔɔ Laa béeré nyaa ɓɔɔ wu dang ɓɛɛ kagn.

Vuu ɓɔɔ zang nwangsɛ Yɔhana 10:1

Ka knti vuu keɓe, n zi zang nyaa shonang Laa ɓɔɔ ka lapa ɓɛɛ, ɓɔɔ naa vuu palɛnang ɓiɓɛ kagn ɓɛɛ, a nɛɛ lapa. Sãmbong zuu wu naa fɔ̃ɔrɔ, a sɔkɔ mii kãng ka yuu ɓiɓɛ. Wàá nyaating ɓiɓɛ kɔlɔ katɔ naa laa, a doo ɓiɓɛ naa nyɛlɛ waa ɓɔɔ kɔ nabm ɓɛɛ.

Vuu ɓɔɔ zang nwangsɛ Yɔhana 14:18

A zang nyaa shonang Laa ɓɔɔ ka lapa ɓɛɛ, ɓɔɔgn nwangnɛ nɔng ɓɔɔ zang dɔɔ Laa vuu kagn ɓɛɛ, ɓɔɔ zang a wukɔ naa waa, ka nɔng kaɓa ɓɛɛ. Rang yee nabm kɔɔ zang nyaa shonang Laa ɓɔɔ ka lapa ɓɔɔ yiti jangsi ɓɔɔ wɔng nyaa dɔɔli kaɓa nɛɛ, “Zirɛ shing jangsi ɓaaɓɛ ta, mɔɔ kpang jĩng laa inabi ɓɔɔ ra ka laa ka koo ɓɛɛ, ri zũng tɔ.”

Vuu ɓɔɔ zang nwangsɛ Yɔhana 5:8

A ɓɔɔ daa ta labeenang kaɓa tɔ, rɛɛ zang bang bmati tu dɛ̃ɛti kaɓa, ri tang nɛɛ gutu ka tĩng Jaa Mɛ̀ɛrɛ́ kaɓa. Zang kaɓa nandon, zang ɓu yiti vũngta ka naa, nɛɛ pii ɓɔɔ zang palɛ nɛɛ zinariya ɓɛɛ. Vuu ɓɔɔ a sɛ̃ɛ tɔ̃ɔ kagn ka yeti pii ka nyaa gaagaa. Vuu ɓɔɔ a sɛ̃ɛ tɔ̃ɔ keɓe, ɓi Laa gaanang rɛɛ zang Laa.

Vuu ɓɔɔ zang nwangsɛ Yɔhana 6:9

Ɓɔɔ tãa lang ɓɔɔ daa kaa maani ɓɛɛ, n zili suru bii zang ɓɔɔ zang nyɔkɔ ri vɔrɔ ka ruu ɓɔɔ ri kɔɔrɔ zang Ruu Laa, a ri ti kɔɔ ruu niizang ka yuu danggn ɓɔɔ ri shing ɓɛɛ. N zi suru bii ɓarɛ ka dii nɔng ɓɔɔ zang dɔɔ Laa vuu kagn ɓɛɛ.

Vuu ɓɔɔ zang nwangsɛ Yɔhana 7:2

A n zi zang nyaa shonang Laa ɓɔɔ ka lapa ɓɛɛ gbete a nɛɛ paa ɓɔɔ laa nwang nɛɛ mani ɓɛɛ. Yiti vuu ɓɔɔ Laa ɓɔɔ ɓi ningkãari ɓang ka bii vuu, zang zi vuu ɓiɓɛ nung kaa gn ɓɛɛ. A mɛɛ nyaa nabm, ɓaa nyaa ka rɛɛ zang nyaa shonang Laa ɓɔɔ ri ka lapa ɓɛɛ dɛ̃ɛti kaɓa, ɓɔɔ Laa a ri naa tɔ nɛɛ ri dang tipi nɛɛ waapo jĩng ɓɛɛ.

Vuu ɓɔɔ zang nwangsɛ Yɔhana 8:4

A dɔɔ waa ka vuu ɓɔɔ a sɛ̃ɛ tɔ̃ɔ kaɓa, a zĩiri ɓiɓɛ gaayu paa seenang, a daa kaa lapa nɛɛ Laa gàanang zang Laa, ka bii Laa.

Vuu ɓɔɔ zang nwangsɛ Yɔhana 8:5

A zang nyaa shonang Laa ɓɔɔ ka lapa ɓɛɛ kaɓa, see waa nɛɛ nɔng ɓɔɔ zang dɔɔ Laa vuu kaɓa, a tɛ̃ɛ ka waka ɓɔɔ zang palɛ nɛɛ zinariya ɓɛɛ kaɓa, a tasɛ ka koo. Ɓɔɔ wu tasɛ, shala mɛɛyi, a shala ti mangnɛ, a tipi ruutu.

Vuu ɓɔɔ zang nwangsɛ Yɔhana 9:13

A zang nyaa shonang Laa ɓɔɔ ka lapa ɓɛɛ, ɓɔɔ daa ka mangbete jee gboo ɓiɓɛ. A n tãa yee nwangnɛ yeti jée dɛ̃ɛti, ɓɔɔ ka yuu paa nɔng ɓɔɔ zang dɔɔ Laa vuu kagn ɓɔɔ zang palɛ nɛɛ zinariya ɓɛɛ, ɓɔɔ bɛ̀ɛ́ ka tĩng Laa ɓɛɛ.